باس پروكۋرور قايرات ءماميدىڭ قاتىسۋىمەن اقمولا وبلىستىق پروكۋراتۋراسىنىڭ كەڭەيتىلگەن القا ءماجىلىسى ءوتكىزىلدى. وندا 2010 جىلى اتقارىلعان جۇمىستاردىڭ قورىتىندىسى تالقىلانىپ, ۇستىمىزدەگى جىلعا ارنالعان نەگىزگى باعىتتار ايقىندالدى.
القا ماجىلىسىندە اتاپ كورسەتىلگەنىندەي, پروكۋرورلاردىڭ نەگىزگى قىزمەتى, ادەتتەگىندەي, ازاماتتاردىڭ قۇقىقتارىن جانە مەملەكەت مۇددەسىن قورعاۋعا باعىتتالدى. پروكۋرورلىق ىقپال كەتۋ شارالارىنىڭ ناتيجەسىندە 11,5 مىڭنان استام ادامنىڭ كونستيتۋتسيالىق قۇقىقتارى قورعالىپ, 450 ميلليون تەڭگە جالاقى تولەمى بويىنشا بەرەشەك ءوندىرىپ الىندى. وسى ورايدا 98 لاۋازىمدى قىزمەتكەر جاۋاپكەرشىلىككە تارتىلدى.
«سىبايلاس جەمقورلىققا قارسى كۇرەس تۋرالى» زاڭ تالاپتارىن قاداعالاۋ ىسىندە 400-دەن استام زاڭ بۇزۋشىلىق انىقتالىپ, 9 ميلليون تەڭگەدەن استام شىعىن مەملەكەت بيۋدجەتىنە قايتارىلدى. تەكسەرىس ناتيجەلەرى بويىنشا 600-دەن استام زاڭسىز اكتىلەردىڭ, سونىڭ ىشىندە نورماتيۆتىك-قۇقىقتىق سيپاتتاعى 18 قۇجاتتىڭ كۇشى جويىلدى.
القا وتىرىسىن قورىتىندىلاعان باس پروكۋرور ءوڭىر پروكۋرورلارىنان الەۋمەتتىك-ەكونوميكالىق سالادا, ونىڭ ىشىندە ازاماتتاردىڭ ەڭبەك قۇقىقتارىن قامتاماسىز ەتۋ بويىنشا, اسىرەسە, ەكولوگيالىق قاۋىپسىزدىكتى قامتاماسىز ەتۋگە بايلانىستى جەر قاتىناسى, تابيعات قورعاۋ زاڭنامالارىن قاداعالاۋدىڭ تيىمدىلىگىن ارتتىرۋدى تالاپ ەتتى. سونداي-اق, بارلىق سيپاتتاعى قىلمىستاردىڭ الدىن الۋ, زاڭدىلىق پەن قۇقىقتىق ءتارتىپتى قامتاماسىز ەتۋ, سىبايلاس جەمقورلىققا قارسى ارەكەتتەردى كۇشەيتۋ, تاعى باسقا شۇعىل ءىس-شارالاردىڭ ىقپالدى تەتىكتەرىن جەتىلدىرۋگە باعىتتالعان تاپسىرمالاردى دەر كەزىندە ءارى ساپالى ورىنداۋدىڭ باسىم باعىتتارى بەلگىلەندى.
باقبەرگەن امالبەك.
اقمولا وبلىسى.