ەلوردا – دوستىق پەن كەلىسىم مەكەنى

قازاقستاننىڭ وتكەن جىلعى قول جەتكىزگەن جەتىستىكتەرى از ەمەس. وعان ەقىۇ-عا تابىستى ءتور­اعا­لىق پەن ونىڭ ناتيجەلى اياقتالعان ءسامميتى دالەل. سونداي-اق, بۇگىندە الەم حالقى قازاقستاندى بەيبىتشى­لىك­تىڭ مەكەنى, تۇراقتى دامۋدىڭ ەلى دەپ بىلەدى, دەدى سارسەنبى كۇنى «حالىق بىرلىگى – تاۋەلسىزدىك نەگىزى» تاقىرىبىندا وتكەن استانا قالا­لىق قازاقستان حالقى اسسام­بلەيا­سى­نىڭ ءحىى سەس­سيا­سىنىڭ اشى­لۋىن­دا سويلەگەن سوزىندە استانا قالاسى­نىڭ اكىمى, استانا قالالىق قازاق­ستان حالقى اسسامبلەياسىنىڭ ءتور­اعا­سى يمان­عالي تاسماعام­بەتوۆ. ونىڭ ايتۋىن­شا, قازىرگى تاڭ­دا ەلىمىزدە قالىپ­تاس­قان ءتۇسىنىس­تىك پەن كەلىسىم – بو­لاشاعىمىزدىڭ ايقىن­دالۋىنا اي­تارلىقتاي اسەر ەتكەن جانە ولار مەملەكەت ىشىندەگى تۇراق­تىلىق پەن جەتىستىكتەرىمىزدىڭ نەگىزى بولعان, ال بۇل رەتتە, ەلىمىزدەگى ەتنوستىق بىرلەستىكتەر ليدەرلەرىنىڭ ەڭبەگى دە ۇشان-تەڭىز. قازاقستان حالقى اسسامبلەياسى توراعاسىنىڭ ورىنباسارى ە.توع­جانوۆ, استانا قالالىق قازاقستان حالقى اسسامبلەياسىنىڭ مۇشە­لەرى, قوعامدىق ۇيىمدار مەن ەتنو­مادەني بىرلەستىكتەر وكىلدەرى, قالالىق قۇرىلىمدار باسشىلارى قاتىسقان بۇل جيىننىڭ كۇن تارتىبىنە ەكى ماسەلە قويىلدى. ءبىرىنشىسى – اسسامبلەيانىڭ ءحVى سەس­سياسىنداعى ەلباسىنىڭ تاپ­سىر­ما­لارى بويىنشا قازاقستان حالقى اسسامبلەياسىنىڭ مىندەتتەمەلەرىن تالقىلاۋ, ەكىنشىسى – ەتنومادەني بىرلەستىكتەر جەتەكشىلەرى اراسىنان استانا قالاسىنىڭ قازاقستان حالقى اسسامبلەياسى توراعاسىنىڭ ورىنباسارلارىن سايلاۋ. كەلەسى كەزەكتە قازاقستان حال­قى اسسامبلەياسى توراعاسىنىڭ ورىنباسارى ەرالى توعجانوۆ ءسوز الدى. قازاقستان حالقى اسسامب­لەيا­سى دا, استانا قالاسى دا ەلباسىنىڭ كەمەل اقىلىنىڭ جەمىسى. استانا – بۇگىندە بەيبىتشىلىك پەن تولەرانتتىلىقتىڭ قالاسى. دۇنيەنىڭ ءتورت بۇرىشىندا ءدىن­ارا­لىق, ەتنوسارالىق قاقتىعىس­تار تولاستاماي تۇرعاندا ءبىز قازاق جەرىندە ورىن تەپكەن بەرەكە-بىرلىگىمىزدى وزگە ەلدەرگە ۇلگى-ونەگە رەتىندە ۇسىنىپ وتىرمىز. قازىرگى زاماندا تۇراقتىلىق پەن بىرلىك, ىنتىماق الەمدىك, جالپىۇلتتىق ماقساتقا اينالدى. ال بۇل قۇن­دىلىقتاردى ايتىپ, قويا سالۋ جەتكىلىكسىز. ولاردى ودان ءارى دامىتۋ, ايالاۋ, قورعاۋ قاجەت, دەدى ە.توع­جانوۆ ءوز سوزىندە. بۇدان كەيىن «ۆايناح» چەشەن-ينگۋش ەتنومادەني بىرلەستىگى ءتور­اعاسىنىڭ ورىنباسارى س. حامحوەۆ, كورەيلەر اسسوتسياتسياسى في­ليالىنىڭ توراعاسى ۆ. تسحە, «تاڭ» تاتار-باشقۇرت ەتنومادەني ءبىر­لەس­تىگىنىڭ توراعاسى ز. ساياپوۆا ءسوز الىپ, ەتنومادەني بىرلەستىكتەر نەگىزىندە اتقارىلعان جۇمىس­تارعا توقتالدى. ال ل.ن.گۋميلەۆ اتىن­داعى ەۇۋ جانىنداعى قازىرگى زا­مانعى زەرتتەۋ ينستيتۋتىنىڭ دي­رەكتورى ا.نۇكەنوۆ تاۋەلسىز قا­زاقستاننىڭ قالىپتاسۋ كەزەڭىن­دەگى وزگە ەتنوس وكىلدەرىنىڭ تاريحي ءرولى جايىندا بايانداپ بەردى. القالى جيىنعا قاتىسىپ, ءسوز سويلەگەندەردىڭ دەنى: «استانا قا­لا­لىق قازاقستان حالقى اسسامب­لەيا­سى ەلوردانىڭ دوستىق پەن ۇلتارالىق كەلىسىمىنىڭ ناعىز زەرتحاناسىنا اي­نالدى» دەگەن وي توڭىرەگىندە اڭگىمە ءوربىتتى. سەسسيا سوڭىندا ۇلتارالىق كەلىسىم مەن تۇسىنىستىكتى نىعايتۋ باعىتىندا بەلسەندىلىك تانىتقان استانا قالاسى ەتنو-مادەني بىرلەس­تىكتەرىنىڭ بەلسەندى مۇشەلەرى قالا اكىمى اتىنان العىس حاتتارمەن ماراپاتتالدى. ءلايلا ەدىلقىزى.