قىزىلجار وڭىرىندە ۇدەمەلى يندۋستريالىق-يننوۆاتسيالىق دامۋدىڭ العاشقى قورىتىندىلارى مەن الداعى مىندەتتەردى شەشۋگە ارنالعان جيىنعا يندۋستريا جانە جاڭا تەحنولوگيالار مينيسترىنىڭ ءبىرىنشى ورىنباسارى البەرت راۋ قاتىسىپ, ۇكىمەت تاراپىنان اتقارىلىپ جاتقان شارالاردى تارقاتىپ بەردى.
ۆيتسە-ءمينيستردىڭ وبلىستاعى جۇمىس ساپارى اۋىر ونەركاسىپ سالاسىنىڭ تىنىس-تىرشىلىگىن زەردەلەۋدەن باستالدى. الدىمەن «زيكستو» اق-قا اتباسىن بۇردى. كاسىپورىن وزىق تەحنولوگيالارمەن جۇمىس ىستەۋدە. بۇگىندە جۇك ۆاگوندارىنىڭ ءتورت ءتۇرىن قۇراستىرۋمەن اينالىسۋدا. جۋىردا استىق تاسىمالدايتىن ۆاگون-حوپپەردىڭ ۇلگىسى سىناقتان ءوتتى. بيىل التى ءجۇز جارتىلاي جۇك ۆاگونىن ءوز تۇتىنۋشىلارىنا جونەلتۋگە تاپسىرما العان. ا.راۋ باستاعان توپ بۇدان كەيىن «مۇنايماش» اق-تا بولدى. ءىرى ءوندىرىس ورنى گاز-مۇناي سالاسىنا قۇرال-جابدىقتار مەن قوندىرعىلار شىعارۋعا ماماندانعان. بىلتىر ەكى ميلليارد تەڭگەنىڭ ونىمدەرىن مۇنايشىلارعا جەتكىزىپتى. ەندى ءوندىرىس ورىندارىن ۇلعايتىپ, قۋاتىن ارتتىرۋ ماسەلەلەرىن قاراستىرۋدا. مۇندا ارناۋلى كونسترۋكتورلىق-تەحنولوگيالىق بيۋرونىڭ وتىرىسى ءوتىپ, وعان جەتەكشى ماشينە جاساۋ كاسىپورىندارىنىڭ جەتەكشىلەرى قاتىستى. ولار وزدەرىن تولعانتقان پروبلەمالار توڭىرەگىندە وي-پىكىرلەر الماستى.
ۇدەمەلى يندۋستريالىق-يننوۆاتسيالىق دامۋ ءجونىندەگى وڭىرلىك ۇيلەستىرۋ كەڭەسىنىڭ كەڭەيتىلگەن وتىرىسىندا وزىق تەحنولوگيالاردى يگەرۋ, ۇشقىر جوبالاردى ىسكە قوسۋ, جاڭا جۇمىس ورىندارىمەن قامتۋ ماسەلەلەرى ءسوز بولدى. وبلىس اكىمى سەرىك ءبىلالوۆ ەلباسى ن.ا.نازارباەۆتىڭ تىكەلەي تاپسىرماسىمەن قولعا الىنعان باعدارلاما ەل ەكونوميكاسىن دامىتۋداعى ماڭىزدى قادام بولىپ تابىلاتىنىن, وتكەن جىلى ون جوبا ىسكە قوسىلعانىن جەتكىزدى. ا.راۋ ءاربىر يندۋستريالىق جوبانىڭ قاتاڭ باقىلاۋدا تۇرعانىن, العا قويعان مىندەتتەردى ءجۇزەگە اسىرۋعا بارلىق مۇمكىندىكتەردىڭ جاسالىپ جاتقانىن اتاپ كورسەتتى.
ءومىر ەسقالي.
سولتۇستىك قازاقستان وبلىسى.