وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى وتكەن جىلى «جول كارتاسىمەن» تياناعى كەلتىرىلگەن جۇمىستاردى بيىل دا جالعاستىرۋدى قاراستىرۋدا.
وڭىردە 2011-2015 جىلدارعا ارنالعان دامۋ باعدارلاماسى جاسالىپ, ونىڭ شەڭبەرىندە حالىقتى جۇمىسپەن قامتۋ دەڭگەيىن ارتتىرۋعا جانە جۇمىسسىزدىقتى ازايتۋعا باعىتتالعان شارالار كەشەنى قولعا الىنباق. باعدارلاما بويىنشا 20000-عا جۋىق جاڭا جۇمىس ورنى اشىلماق. مەملەكەتتىك ۇدەمەلى يندۋستريالىق-يننوۆاتسيالىق دامۋ باعدارلاماسى شەڭبەرىندە 1327 جۇمىس ورنى اشىلادى. تەكەلى قالاسىندا «گرين حاۋس-زەلەنىي دوم» جىلىجايىندا 60 جۇمىس ورنى, قاپشاعاي قالاسىنداعى «يلنو گرۋپپ» سەرىكتەستىگىندە كوپ باعدارلى جانە يىلگەن بولات پروفيل شىعارۋ زاۋىتى 90, «پارەنتەرال دراگز قازاقستان» ينفۋزيوندى ەرىتىندىلەر ءۇشىن ءبىر رەتتىك جۇيەلەر جاساۋ زاۋىتى 300 جانە رايىمبەك اۋدانىنىڭ شارىن وزەنىندەگى عاسىر قۇرىلىسى – مويناق سۋ ەلەكتر ستانساسىندا قوسىمشا 527 جۇمىس ورنى قۇرىلادى دەپ جوسپارلانىپ وتىر.
ەڭبەك رىنوگىن رەتتەۋ جانە حالىقتى جۇمىسپەن قامتۋدا 19579 ادامدى جۇمىسقا ورنالاستىرۋ, 9000 ادامدى قوعامدىق جۇمىستارعا تارتۋ, 552 ادامعا الەۋمەتتىك جۇمىس ورىندارىن ۇيىمداستىرۋ جونىندەگى باستاما كەزەڭ-كەزەڭىمەن باستالىپ كەتتى. سونىمەن بىرگە 2840 ادامدى كاسىبي جانە قايتا دايارلاۋ, بىلىكتىلىگىن ارتتىرۋ, 1125 وقۋ بىتىرگەن جاس تۇلەكتى تاجىريبەگە قاتىستىرۋ جوسپارلانعانى دا ماسەلەنىڭ ءمانىن اشا تۇسەدى. وسىلايشا جاستاردى بولاشاق ماماندىقتارىنا باۋلۋ جايى شەشىمىن تابۋدا.
كۇمىسجان بايجان.
الماتى وبلىسى.