مەملەكەت باسشىسى نۇرسۇلتان نازارباەۆ قازاقستان رەسپۋبليكاسى ورتالىق سايلاۋ كوميسسياسىنىڭ توراعاسى قۋاندىق تۇرعانقۇلوۆتى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
ق.تۇرعانقۇلوۆ پرەزيدەنتكە قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ پرەزيدەنتتىك وكىلەتتىگىن ۇزارتۋ تۋرالى رەفەرەندۋم وتكىزۋ جونىندەگى باستاماشى توپتىڭ جۇمىسىنىڭ قورىتىندىلارى تۋرالى باياندادى.
– قازىرگى ۋاقىتتا 5 ملن. 16 مىڭ قول جينالعان. بۇل – رەفەرەندۋمعا قاتىسۋ قۇقىعى بار قازاقستاندىقتاردىڭ 55,2 پايىزى. جالپىۇلتتىق قول جيناۋ كەزىندە ورتالىق سايلاۋ كوميسسياسىنا ءتارتىپ بۇزۋشىلىق تۋرالى بىردە-ءبىر شاعىم تۇسكەن جوق, – دەدى ق.تۇرعانقۇلوۆ.