كەشە اقتاۋدا «نۇر وتان» حالىقتىق-دەموكراتيالىق پارتياسى ماڭعىستاۋ وبلىستىق فيليالىنىڭ كەزەكتەن تىس ءحىى پارتيا كونفەرەنتسياسى بولىپ ءوتتى. وعان «نۇر وتان» حدپ توراعاسىنىڭ ءبىرىنشى ورىنباسارى نۇرلان نىعماتۋلين قاتىسىپ ءسوز سويلەدى.
كونفەرەنتسيا جۇمىسىنا پارتيانىڭ وبلىستىق فيليالى ساياسي كەڭەسىنىڭ مۇشەلەرى, پارتيا اكتيۆى, جەرگىلىكتى ماسليحاتتارداعى پارتيا فراكتسياسىنىڭ دەپۋتاتتارى, پارتيا ارداگەرلەرى, «جاس وتان» جاستار قاناتىنىڭ بەلسەندىلەرى, رەسپۋبليكالىق, جەرگىلىكتى اقپارات قۇرالدارىنىڭ وكىلدەرى قاتىستى. القالى باسقوسۋدا «نۇر وتان» حدپ ماڭعىستاۋ وبلىستىق فيليالىنىڭ توراعاسى, وبلىس اكىمى قىرىمبەك كوشەرباەۆ «پارتيانىڭ 2020 جىلعا دەيىنگى باعدارلاماسىنىڭ جوباسى جانە ماڭعىستاۋ وبلىسىنىڭ الەۋمەتتىك-ەكونوميكالىق دامۋ باعىتتارى تۋرالى» بايانداما جاسادى.
تاۋەلسىز قازاقستاننىڭ تۇڭعىش پرەزيدەنتى, پارتيا توراعاسى نۇرسۇلتان نازارباەۆتىڭ 2020 جىلعا دەيىنگى دامۋ جوسپارىندا جانە 2010-2014 جىلدارعا ارنالعان ۇدەمەلى يندۋستريالىق-يننوۆاتسيالىق باعدارلاماسىندا كورسەتىلگەن رەفورمالاردى ىسكە اسىرۋ – ەل ەكونوميكاسىن باسەكەگە قابىلەتتى ەتىپ, قوعام ءومىرىن جاڭارتۋعا تىڭ سەرپىن, جاڭا ءمۇمكىندىكتەر بەرىپ وتىر. ال «نۇر وتان» حدپ قازاقستان حالقىن جاڭا دا جاۋاپتى مىندەتتەردى ورىنداۋعا جۇمىلدىرۋدا شەشۋشى ءرول اتقارۋدا, دەپ باستادى ءوز ءسوزىن فيليال توراعاسى. باعدارلاما جوباسىندا كورسەتىلگەن نەگىزگى باعىتتار مەن باستى مىندەتتەردىڭ ءتيىمدى ىسكە اسۋى ولكەدەگى ەكونوميكانى ۇدەمەلى ءارتاراپتاندىرۋ, الەۋمەتتىك سالانى جاڭا ساپالىق دەڭگەيگە كوتەرۋ, ادامي الەۋەتتى دامىتۋ, جاستاردى جاڭعىرتۋدىڭ قوزعاۋشى كۇشى رەتىندە جۇمىلدىرۋ, سونداي-اق يننوۆاتسيالىق تەحنولوگيالاردى ەنگىزۋدى ناقتى جۇزەگە اسىرۋمەن بايلانىستى ەكەندىگى بەلگىلى. ونى وبلىس ءومىرىنەن انىق كورۋگە بولادى. وعان دالەل بىزدە وتكەن جىلى دا تۇراقتىلىق پەن ەكونوميكالىق ىلگەرىلەۋ ساقتالدى. نەگىزگى ماكروەكونوميكالىق كورسەتكىشتەر بويىنشا رەسپۋبليكاداعى ماڭدايالدى ءۇش ايماقتىڭ قاتارىندامىز. جالپى ايماقتىق ءونىم ادام باسىنا شاققاندا 17 مىڭ اقش دوللارىن قۇراسا, بۇل – ەلىمىزدەگى ەكىنشى كورسەتكىش. ال دامۋ قارقىنى جىل قورىتىندىسىندا 102 %-دى قۇرادى. ونەركاسىپ ءونىمى سوڭعى ءۇش جىلدا ەكى ەسە ءوستى. ونەركاسىپتىڭ وڭدەۋ سەكتورىنداعى ءوسۋ 50 پايىزدى قۇرادى. بۇل ءوڭىردىڭ ەكونوميكاسىن ءارتاراپتاندىرۋدىڭ ناقتى ناتيجەسى. ءوتكەن جىلى ەلىمىزدىڭ يندۋستريالاندىرۋ كارتاسىنا جالپى سوماسى 38 ملرد. تەڭگە بولاتىن 9 جوبا ىسكە قوسىلىپ, 1,5 مىڭ جاڭا جۇمىس ورنى اشىلدى. وتكەن جىلى جەرگىلىكتى بيۋدجەت قاراجاتىن پايدالانا وتىرىپ, 1200 ۇلەسكەردىڭ ماسەلەسى وڭ شەشىلدى. كاسىپكەرلىك سالاسى دا بەلسەندى دامي تۇسۋدە. ياعني, بۇل سالا قىزمەتكەرلەرى سانى الدىڭعى جىلمەن سالىستىرعاندا 16,3 پايىزعا ءوسىپ, كاسىپكەرلىك نىساندار وندىرەتىن ءونىم كولەمى 2 ەسە ۇلعايتىلدى.
قىرىمبەك ەلەۋ ۇلى وسى ايتقان ماسەلەلەردىڭ ويداعىداي جۇزەگە اسۋىنىڭ ەل ەڭسەسىن كوتەرە تۇسۋدەگى ءرولىن قالىڭ بۇقاراعا ءتۇسىندىرۋ مەن ناسيحاتتاۋدا, سونىمەن قاتار, ءوندىرىس ورىندارىنىڭ سالىنۋ بارىسىنا, مەرزىمىندە ىسكە قوسىلۋىنا, ولارعا بولىنگەن مەملەكەت قارجىسىنىڭ ماقساتتى جۇمسالۋىنا پارتيانىڭ بەلسەنە ارالاسقاندىعىن اتاپ كورسەتتى.
«نۇر وتان» پارتياسىنىڭ باستى ماقساتتارىنىڭ ءبىرى حالقىمىزدىڭ ءال-اۋقاتىن, الەۋمەتتىك جاعدايلارىن, جالپى ءومىر ءسۇرۋ ساپاسىن جاقسارتا بەرۋگە بارلىق ساياسي-بۇقارالىق الەۋەتتى جۇمىلدىرۋ ەكەندىگى ءسوزسىز, دەپ جالعادى ءسوزىن ق.كوشەرباەۆ. بۇل باعىتتا ەلباسىنىڭ حالىققا جولداۋىنىڭ «ادام – ەلدىڭ باستى بايلىعى» اتتى تاراۋىن باسشىلىققا الىپ, كوپتەگەن يگى شارالارعا, الەۋمەتتىك ماڭىزى زور اكتسيالارعا ۇيىتقى بولدىق. سونىڭ ناتيجەسىندە وتكەن جىلى پارتيانىڭ تىكەلەي مۇرىندىق بولۋىمەن الەۋمەتتىك اكتسيالار اياسىندا 248 شارا ءوتىپ, وعان 40 مىڭنان استام ادام قاتىستى. ەل تاۋەلسىزدىگىنىڭ 20 جىلدىعى قارساڭىندا حالىق باتىرلارى يسا-دوسان كوتەرىلىسىنىڭ 140 جىلدىعى كەڭ كولەمدە اتالىپ ءوتتى. ولارعا ەڭسەلى ەسكەرتكىش قويىلدى. وسىنىڭ ءبارى 200-دەن استام باستاۋىش ۇيىمدارى, 30 مىڭعا تارتا مۇشەسى بار «نۇر وتان» پارتياسىنىڭ حالىقپەن بىتە قايناسىپ, ءىس تەتىگىن ىسكەرلىكپەن شەشۋدەگى جۇمىستارىنىڭ ءبىر پاراسى, دەدى فيليال توراعاسى.
كونفەرەنتسيادا سونداي-اق وبلىستىق فيليال باقىلاۋ-تەكسەرۋ كوميسسياسىنىڭ توراعاسى ءا.ساحيموۆتىڭ ەسەبى تىڭدالدى. باياندامالاردى تالقىلاۋعا قاتىسقان دەلەگاتتار, بەلگىلى كاسىپكەر, وبلىستىق ءماسليحاتتىڭ دەپۋتاتى ب.ءجۇسىپوۆ شاعىن بيزنەستى دامىتۋ مەن قازاقستاندىق ۇلەستى كوبەيتۋدىڭ, پارتيانىڭ جاڭاوزەن قالالىق فيليالى توراعاسىنىڭ ءبىرىنشى ورىنباسارى ك.قىزانباەۆ ەلباسى قامقورلىعىمەن ۇكىمەتتىڭ قالانى كوركەيتۋگە ارنالعان ۇشجىلدىق باعدارلاماسىنىڭ ءمان-ماڭىزىنا توقتالسا, وبلىستىق حالىق كەلىسىمى بىرلەستىگىنىڭ توراعاسى يۋ.شاحشاەۆ قازاقستان حالقى اسسامبلەياسى ەتنومادەني بىرلەستىكتەرىنىڭ «نۇر وتانمەن» بىرلەسە اتقارۋداعى جۇمىستارىن جوعارى باعالادى. ال باسقا ءسوز العاندار تاۋەلسىز قازاقستاننىڭ تۇڭعىش پرەزيدەنتى, الەم تانىعان سارابدال ساياساتكەر نۇرسۇلتان نازارباەۆتىڭ ەل الدىنداعى ولشەۋسىز ەڭبەگى جايلى اسەرلى اڭگىمەلەدى.
كونفەرەنتسيادا «نۇر وتان» حدپ توراعاسىنىڭ ءبىرىنشى ورىنباسارى نۇرلان نىعماتۋلين ءسوز الىپ, الدا تۇرعان ماڭىزدى دا جاۋاپتى جۇمىستارعا كەڭىنەن توقتالدى جانە پارتيالىق جۇمىستاردا ىسكەرلىك تانىتىپ ءجۇرگەن ءبىر توپ ادامعا «بەلسەندى قىزمەتى ءۇشىن» ومىراۋ بەلگىسىن تاپسىردى.
كونفەرەنتسيادا تالقىلانعان ماسەلەلەر بويىنشا ءتيىستى قاۋلى قابىلداندى.
كونفەرەنتسيادا «نۇر وتان» حدپ ماڭعىستاۋ وبلىستىق فيليالىنىڭ توراعاسى بولىپ وبلىس اكىمى قىرىمبەك كوشەرباەۆ سايلاندى. سونداي-اق پارتيانىڭ قاڭتار ايىندا وتەتىن كەزەكتەن تىس ءحىىى سەزىنە دەلەگاتتار سايلاندى.
جولامان بوشالاق.
اقتاۋ.