اتىراۋ. 26 ناۋرىز. بۇگىن قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ جارلىعىمەن اتىراۋ وبلىسىنىڭ اكىمى بولىپ نۇرلان نوعاەۆ تاعايىندالدى. بۇل تۋرالى egemen.kz ءتىلشىسى حابارلادى.
پرەمەر-مينيستر كارىم ءماسىموۆ پەن قازاقستان پرەزيدەنتى اكىمشىلىگىنىڭ جەتەكشىسى نۇرلان نىعماتۋللين وبلىس اكتيۆىنە ايماقتىڭ جاڭا باسشىسىن تانىستىردى.
مۇنىڭ الدىندا ۇكىمەت باسشىسى جاڭا اكىمنىڭ كانديداتۋراسىن وبلىستىق ءماسليحات دەپۋتاتتارىنىڭ تالقىسىنا ۇسىندى. دەپۋتاتتار ءوز كەزەگىندە نۇرلان نوعاەۆتىڭ كانديداتۋراسىن تولىق قولداپ, ءبىراۋىزدان داۋىس بەردى.
وبلىس اكتيۆىمەن كەزدەسۋدە كارىم ءماسىموۆ وبلىستى 4 جىلعا جۋىق باسقارعان باقتىقوجا ىزمۇحامبەتوۆتىڭ جاڭادان جۇمىسىن باستاعان VI شاقىرىلىمداعى پارلامەنت ءماجىلىسىنىڭ توراعالىعىنا سايلانعانىن حاباردار ەتتى. وسىعان بايلانىستى ەلباسىنىڭ وتاندىق ەكونوميكا ءۇشىن ستراتەگيالىق ماڭىزى ايرىقشا زور وبلىس باسقارۋ جونىندەگى تاڭداۋى نۇرلان نوعاەۆقا تۇسكەنىن اتاپ ءوتتى.
جيىندا باقتىقوجا ىزمۇحامبەتوۆ تە, نۇرلان نوعاەۆ تا مەملەكەت باسشىسىنا سەنىم كورسەتكەنى ءۇشىن العىس ءبىلدىرىپ, الداعى ۋاقىتتا دا ەل مۇددەسى ءۇشىن ەڭبەك ەتە بەرەتىندەرىن جەتكىزدى.
ايتا كەتەيىك, نۇرلان نوعاەۆ بۇعان دەيىن باتىس قازاقستان وبلىسىنىڭ اكىمى بولعان.
جولداسبەك شوپەعۇل.
دەرەك: egemen.kz.
فوتو: oraloniri.kz.