قايعىلى وقيعا وڭتۇستىك قازاقستان وبلىسىنىڭ سارىاعاش اۋدانىنداعى «كەلەس» كانالىندا ورىن الدى. كورگەندەردىڭ ايتۋلارىنشا, 2003 جىلى تۋعان قىز ارنانىڭ جاعاسىندا كەلە جاتىپ, كەنەت اياق استىنان جوق بولىپ كەتەدى.
سويتسە, جاس قىز ابايسىزدا سۋعا قۇلاپ, اعىپ كەتكەن ەكەن. ونى بايقاعان 1952 جىلى تۋعان اتاسى كانالعا قويىپ كەتىپ, نەمەرەسىن قۇتقارماقشى بولادى. ول قىز بالانى قاۋىپسىز جەرگە تارتىپ شىعارادى. بىراق, سۋىق سۋ دەنەسىن قارماپ قالعان ول قايتىپ جاعاعا جەتە الماي قالادى.
قازىرگى تاڭدا سۇڭگۋىرلەر نەمەرە قىزىن قۇتقارماقشى بولىپ, ءوزى سۋعا اعىپ كەتكەن ەر كىسىنىڭ دەنەسىن ىزدەستىرىپ جاتىر. الايدا, تەرەڭدىگى كەي جەرلەردە سەگىز مەترگە دەيىن باراتىن, اعىسى سەكۋندىنا ەكى مەترگە جەتىپ تۇرعان ارنادا بۇل جۇمىس وتە كۇردەلى جاعدايدا جۇرۋدە.
مۇرات ايتقوجا.