قۇرمەتتى نۇرسۇلتان ءابىش ۇلى!
بۇكىلرەسەيلىك «ەدينايا روسسيا» ساياسي پارتياسىنىڭ جانە جەكە ءوزىمنىڭ اتىمنان ءسىزدى, «نۇر وتان» پارتياسىنىڭ باسشىلىعى مەن بارلىق مۇشەلەرىن VI شاقىرىلعان قازاقستان رەسپۋبليكاسى پارلامەنتى ءماجىلىسىنىڭ سايلاۋىنداعى جەڭىسىمەن قۇتتىقتايمىن.
سايلاۋشىلاردىڭ «نۇر وتان» ۇمىتكەرلەرىنە بەرگەن سەنىمدى باسىم داۋىسى ءسىزدىڭ باسشىلىعىڭىزبەن پارتيا جۇزەگە اسىرىپ كەلە جاتقان ستراتەگيالىق باعىت پەن كەڭ اۋقىمدى الەۋمەتتىك-ەكونوميكالىق جاڭعىرتۋلار باعدارلاماسىنا دەگەن بۇكىلحالىقتىق قولداۋدىڭ ايعاعى بولىپ تابىلادى.
قازاقستان ازاماتتارى ءسىزدىڭ رەسەي فەدەراتسياسىمەن كەڭ اۋقىمدى ارىپتەستىكتى نىعايتۋ, ەۋرازيالىق ەكونوميكالىق وداقتاعى ينتەگراتسيالىق ۇدەرىستەردى تەرەڭدەتۋ باعىتتارىندا جۇرگىزىپ كەلە جاتقان جۇمىستارىڭىزعا سەنەتىندىكتەرىن قۋاتتاپ بەردى.
«ەدينايا روسسيا» مەن «نۇر وتان» پارتيالارىنىڭ 2015 جىلدىڭ ماۋسىم ايىندا ءوزارا ءىس-قيمىل جانە ىنتىماقتاستىق تۋرالى حاتتاماعا قول قويىپ, بەكىتىلگەن ەجەلگى جانە بەرىك بايلانىستار ەلدەرىمىز اراسىنداعى جەمىستى ىنتىماقتاستىقتىڭ ءارى قاراي دا دايەكتىلىكپەن دامي بەرۋىنە ىقپال ەتەتىنىن ەرەكشە اتاپ وتكىم كەلەدى.
قۇرمەتتى نۇرسۇلتان ءابىش ۇلى, ءسىز بەن «نۇر وتان» پارتياسىنا باۋىرلاس قازاقستان ازاماتتارىنىڭ يگىلىگى جولىنداعى قىزمەتتەرىڭىزدە جاڭا تابىستار تىلەيمىن.
شىنايى قۇرمەتپەن,
د.مەدۆەدەۆ,
«ەدينايا روسسيا» پارتياسىنىڭ توراعاسى.
قازاقستان رەسپۋبليكاسى
«نۇر وتان» پارتياسىنىڭ
ساياسي كەڭەسىنە
قۇتتىقتاۋ
قىتاي كوممۋنيستىك پارتياسىنىڭ اتىنان «نۇر وتان» پارتياسىن VI شاقىرىلعان قازاقستان رەسپۋبليكاسى پارلامەنتى ءماجىلىسىنىڭ سايلاۋىنداعى جەڭىسىمەن قۇتتىقتايمىز.
ءبىز «نۇر وتان» پارتياسىنىڭ پرەزيدەنت نۇرسۇلتان نازارباەۆتىڭ باسشىلىعىمەن قازاقستاننىڭ الەۋمەتتىك-ەكونوميكالىق دامۋى مەن حالىقتىڭ ءال-اۋقاتىن ارتتىرۋعا ىقپال ەتۋ جولىندا تالماي كۇش-جىگەر جۇمساپ, ەلدىڭ ساياسي, ەكونوميكالىق جانە الەۋمەتتىك دامۋىندا ماڭىزدى ءرول اتقاراتىن نەگىزگى كۇشكە اينالعانىن قۋانىشپەن اتاپ وتەمىز. ءبىز جاڭا احۋالدىق جاعدايدا «نۇر وتان» پارتياسى ءوزىنىڭ ميسسياسىن تولىقتاي اقتاپ, قازاقستاننىڭ الەۋمەتتىك-ەكونوميكالىق دامۋىنداعى بارلىق ستراتەگيالىق ماقساتتاردى تابىستى ورىندايتىنىنا نىق سەنىمدىمىز.
قازىرگى تاڭدا قىتاي مەن قازاقستان اراسىنداعى كەڭ اۋقىمدى ستراتەگيالىق قارىم-قاتىناستار سەرپىندى دامۋ ۇستىندە جانە ەكى ەلدىڭ ساياسي سەنىمى مەن بارلىق باعىتتاعى ىنتىماقتاستىعى دايەكتىلىكپەن نىعايىپ كەلەدى. قىتاي كومپارتياسى مەن «نۇر وتان» پارتياسى اراسىنداعى تىعىز بايلانىستار مەن دوستىق قارىم-قاتىناس ورىستەي تۇسۋدە. ءبىز «نۇر وتان» پارتياسىمەن دوستىق بايلانىستارىمىزداعى ءوزارا ءىس-قيمىلىمىزدى وڭ باعالايمىز جانە ونىمەن بىرلەسە وتىرىپ, ەكىجاقتى قارىم-قاتىناستى دامىتۋعا ءوز ۇلەسىمىزدى قوسۋعا دايىنبىز.
قازاقستان رەسپۋبليكاسىنا زور الەۋەت, بايلىق جانە ءوسىپ-وركەندەۋ, ال ونىڭ حالقىنا باقىت پەن يگىلىك تىلەيمىز!
قىتاي كومپارتياسى مەن «نۇر وتان» پارتياسى اراسىنداعى دوستىق پەن ىنتىماقتاستىق تۇراقتى تۇردە ءوسىپ, نىعايا بەرسىن!
قىتاي كوممۋنيستىك پارتياسىنىڭ
ورتالىق كوميتەتى
بەيجىڭ, 2016 جىلعى 21 ناۋرىز