«التىن ساقا»

الماتىدا بالالار سپەكتاكلدەرىنىڭ العاشقى فەستيۆالى وتەدى ۇلىستىڭ ۇلى كۇنى مەن حا­لىق­ارالىق تەاتر كۇنىنە وراي, الما­تىداعى ع.مۇسىرەپوۆ اتىن­داعى قازاق مەملەكەتتىك اكادەميالىق بالالار مەن جاسوسپىرىمدەر تەاترى تۇڭعىش رەت «التىن ساقا» اتتى بالالار سپەكتاكلدەرى فەستيۆالىن وتكىزۋگە قام-قارەكەت جاساۋدا. وسىلايشا اتالمىش تەاتر­دىڭ 70 جىلدىق مەرەيتويى قارسا­ڭىندا, بيىل ءبىرىنشى رەت بالالار سپەكتاكلدەرىنىڭ فەستيۆالى ۇيىمداستىرىلعالى وتىر. تەاتر سالاسىنداعى سونى باستامادا «ناۋرىز دۋمان», «ەر كوجەك», «التىن ءمۇيىزدى كيىك», «تومپاقپەن كەلگەن جاڭا جىل», «ماۋگلي», «باتىل كوجەكتەر», «الدار كوسە» سياقتى كىشكەنتاي كورەرمەندەردىڭ سپەكتاكلدەرى سالتانات قۇرادى. فەستيۆالدە ءبايدىلدا قالتاەۆ اتىن­داعى «ەڭ ۇزدىك ەر ادام بەي­نەسى ءۇشىن», اققاعاز مامبەتوۆا اتىنداعى «ەڭ ۇزدىك ايەل بەينەسى ءۇشىن», قاسىم جاكىباەۆ اتىنداعى «ەڭ ۇزدىك قوسالقى رولدەگى ەر ادام بەينەسى ءۇشىن», ءامينا ومىرزاقوۆا اتىنداعى «ەڭ ۇزدىك قوسالقى رولدەگى ايەل بەينەسى ءۇشىن», «ەڭ ۇزدىك ەپيزودتىق ءرول», «ەپيزودتىق رولدەگى اكتەرلىق شەبەرلىگى ءۇشىن», «كورەرمەندەر كوزايىمى», «ەڭ ۇزدىك دەبيۋت» نوميناتسيالارى بويىنشا ماراپاتتاۋ ءراسىمى وتكىزىلەدى. ايناش ەسالي, «ەگەمەن قازاقستان». الماتى.