ورال. 25 اقپان. بۇگىن باتىس قازاقستان وبلىستىق دەنە شىنىقتىرۋ جانە سپورت باسقارماسىنىڭ باسشىسى ازامات بەكەت نورۆەگيانىڭ ليللەحاممەر قالاسىندا وتكەن ءىى قىسقى جاسوسپىرىمدەر وليمپياداسىندا شورت-ترەكتەن قولا جۇلدە العان انيتا ناگايدى قابىلدادى. بۇل تۋرالى اتالعان باسقارمانىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
شورت-ترەكتەن ارالاس كوماندالىق جارىس بويىنشا 6-توپتا سىنعا تۇسكەن جەرلەسىمىز بولگار قىزى كاترين مانويلوۆا, لاتىش سپورتشىسى كارليس كرۋسبەرگس جانە جاپونيالىق كازۋكي يوشيناگامەن بىرگە ونەر كورسەتكەنىن اتاپ وتكەن ءجون.
كەزدەسۋ بارىسىندا ازامات بەكەت جاس سپورتشىعا وبلىس اتىنان العىس حات پەن 300 000 تەڭگەنىڭ سەرتيفيكاتىن تابىس ەتتى.
سونىمەن قاتار, «1-ناۋرىز – العىس ايتۋ كۇنى» مەرەكەسى اياسىندا 2016 جىلدىڭ باسىنان ۇستەل تەننيسىنەن, شورت-ترەكتەن, گرەك-ريم كۇرەسى, ايەلدەر كۇرەسى, دزيۋدو, قازاق كۇرەسىنەن, گىر كوتەرۋ سپورتىنان, بوكستان, ۆەلوسپورتتان حالىقارالىق تۋرنيرلەر مەن ەل چەمپيوناتتارىنىڭ جەڭىمپازدارى مەن جۇلدەگەرلەرى دە العىس حاتتار مەن جانە باعالى سىيلىقتارمەن ماراپاتتالدى.
تەمىر قۇسايىن.
دەرەك, سۋرەت: باتىس قازاقستان وبلىستىق دەنە شىنىقتىرۋ جانە سپورت باسقارماسى.