تاراز. 24 اقپان. تاراز قالاسىندا بوكستان ەرەسەكتەر اراسىندا جامبىل وبلىسىنىڭ چەمپيوناتى ءوتتى. بۇل تۋرالى egemen.kz ءتىلشىسى حابارلادى.
جارىسقا سپورتشىلار 10 سالماق دارەجەسىندە سىنعا ءتۇستى. مەركى, قورداي, تالاس, تۇرار رىسقۇلوۆ, شۋ جانە تاراز قالاسىنداعى سپورت مەكەمەلەرىنەن بارلىعى 52 بوكسشى قاتىستى.
جارىستى جامبىل وبلىسىنىڭ اكىمدىگىنىڭ دەنە شىنىقتىرۋ جانە سپورت باسقارماسى جانە «جامبىل» بوكس كلۋبى ىسكە اسىردى.
اتالعان جارىس, حالىقارالىق AIBA ەرەجەسىنە سايكەس وتكىزىلدى. جەڭىمپازدارمەن جۇلدەگەرلەر انىقتالىپ مەدال, ديپلومدارمەن جانە ەستەلىك سىيلىقتارمەن ماراپاتتالدى.
جارىستىڭ «ۇزدىك بوكسشىسى» جامبىل بوكس كلۋبىنىڭ مۇشەسى ستانيسلاۆ تسوي اتاندى. «جەڭىسكە دەگەن جىگەرلىگى ءۇشىن» ءدال وسى كلۋبتىڭ سپورتشىسى ءالىمجان بەسكەمپىر, ال «ۇزدىك تورەشى» بولىپ م.جۇبانىشوۆ انىقتالدى.
ورالحان ءداۋىت.
دەرەك, سۋرەت: egemen.kz.