شىمكەنت. 25 اقپان. شىمكەنتتە پوليتسيا قىزمەتكەرلەرى زاماناۋي تەحنولوگيالاردى قولدانىسقا ەنگىزە باستادى. ەندى شاھارداعى جول ءجۇرۋ ەرەجەلەرىنىڭ ساقتالۋىنا كۆادراكوپتەر قوندىرعىسى كومەككە كەلمەك. بۇل تۋرالى شىمكەنت قالالىق ىشكى ىستەر باسقارماسىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
سالا ماماندارى جاڭا قوندىرعىنىڭ قالادا جول ەرەجەسىن بۇزىپ, قاشىپ قۇتىلماق بولعانداردى تەز انىقتايتىنىن ايتىپ وتىر. كوكتە قالىقتاپ ۇشىپ ءجۇرىپ, قالتارىس, بۇلتارىستاردى دا انىق كورسەتەتىن كۆادراكوپتەر قىلمىس جاساپ, وقيعا ورنىنان ءىزىن سۋىتقىسى كەلەتىندەردى دە ءىزىن سۋىتپاي تاۋىپ بەرەدى ەكەن.
باقتيار تايجان.
دەرەك, سۋرەت: egemen.kz.