اڭىز بولعان «ايگۇل»

ءانسامبلىنىڭ ءانشىسى گالينا قارامولداەۆانىڭ ۇستازدىق ەتكەنىنە – 50 جىل گالينا قارامولداەۆا دەگەندە, ەڭ اۋەلى 1968 جىل­دىڭ 8 ناۋ­رىزىندا تەك قانا قىز­داردان قۇرىلعان «ايگۇل» ۆوكالدى-اسپاپتىق ءانسامبلىنىڭ تال­شىبىقتاي بۇرالعان ءانشى قى­زى كوز الدىمىزعا ەلەستەيدى... سونىمەن, قازاق مەم­لەكەت­تىك قىزدار پەدا­گوگيكالىق ۋني­ۆەرسيتەتى وتكەن عاسىر­دىڭ جەت­­پىسىنشى جىلدارى اتى ءدۇر­­كى­رەپ شىققان «ايگۇل» ۆو­كال­دى-اسپاپتىق ءانسامبلىنىڭ ءانشى­سى, ۇلاعاتتى ۇستاز گالينا قارامولداەۆانىڭ 70 جىلدىق مەرەيتويى مەن ۇستازدىق قىز­مەتىنىڭ 50 جىلدىعىن بار ءسان-سالتاناتىمەن تاماشا اتاپ ءوتتى. قىزدار ۋنيۆەرسيتەتىندە ءوت­كەن ايتۋلى شاراعا م.اۋەزوۆ اتىنداعى اكادەميالىق دراما تەاترىنىڭ ار­تيستەرى مەن ت.ءجۇر­­گەنوۆ اتىنداعى ونەر اكادەمياسىنىڭ ستۋدەنتتەرى دە قوسىلدى. ويتكەنى, گالينا قارا­مول­­­داەۆانىڭ تەاترداعى جۇمىسى ت.جۇرگەنوۆ اتىنداعى ونەر اكادەمياسىمەن تىعىز بايلانىستى. ونەگەلى ءومىرىن ۇستازدىقپەن ءھام ونەرمەن ۇشتاستىرعان گالينا جۇمابەكقىزى جامبىل وبلىسى, قورداي اۋدانىندا دۇنيە ەسىگىن اشقان. اجە قولىندا وسكەن قىز گارمون تار­تىپ, حالىق اندەرىنە عاشىق بولا باس­تايدى. بالا ارمانمەن قىزىلوردا پەداگوگيكالىق ۋچيليششەسىندە وقىپ جۇرگەندە مۋزىكاعا اۋەستىگى ارتا تۇسەدى. سوسىن ءبىلىمىن كيەلى شاڭىراق قىزدار ۋنيۆەرسيتەتىنىڭ ونەر جانە مادەنيەت فاكۋلتەتىندە جالعاستىرادى. «ايگۇل» ۆوكالدى-اسپاپتىق ان­سامبلىنىڭ مۇشەسى گالينا قارامولداەۆا قۇراممەن ءبىر­گە «گۇلدەرايىم», «تەك قا­نا قىزدار», «قاماجاي», «قارا­كوزايىم», «الماتىنىڭ الماسى», «بارىنەن دە سەن سۇلۋ» سىندى ادەمى اندەردى شارىقتاتا شىرقاعانى دا كۇنى كەشە. انسامبل قىزدارىنىڭ ەسىم­دەرى رەسپۋبليكاعا تانىمال بولۋمەن قاتار, شەتەلدەرگە شىعانداپ شىعا كەلدى. سونىمەن قاتار, گالينا قارامولداەۆا اۋەلەتىپ ءان شىرقاسا, انسامبل قۇ­رامىنداعى اعايشا يساعۇلوۆا بايان تارتىپ, ەكەۋى وزىنشە جۇپ بولىپ, «قوس قارلىعاش» دەگەن اتپەن تاعى كوزايىم بولىپ, حا­لىق جۇرەگىنەن ورىن الدى. ءوز كەزىندە جوعارى باعاعا يە بولعان بۇل ءانسامبلدىڭ اتى بۇگىندە التىن ارىپتەرمەن ساقتاۋلى. ايناش ەسالي, «ەگەمەن قازاقستان».