ەسەپكە جۇيرىك, ۇنەمگە بەرىك بولايىق

استانادا وتكەن «نۇر وتان» پارتيا­سىنىڭ ءحVىى سەزىندە مەملەكەت باسشىسى ەلىمىز ءۇشىن, بولاشاعىمىز ءۇشىن ماڭىزدى بىرقاتار وتكىر ماسەلەلەرگە توقتالدى. پارتيا الدىنا ناقتى مىندەتتەر قويدى. ەكى مىڭنان استام دەلەگاتتىڭ قاتىسۋىمەن وتكەن جيىندا ەلباسى ەسەپكە جۇيرىك, ۇنەمگە بەرىك بولۋدى اتاپ ايتتى. سونىمەن بىرگە, پرەزيدەنت قازىر الەمدىك گەوساياسي جاعداي اۋمالى-توكپەلى كۇيدە تۇرعاندىعىن اتاپ ءوتتى. سوڭعى ۋاقىتتاردا الەمدىك گەوساياسي جاعداي اۋمالى-توكپەلى كۇيدە تۇر. الپاۋىت ەلدەر اراسىنداعى ءوزارا تالاس-تارتىس پەن ۇلكەندى-كىشىلى مەملەكەتتەر اراسىنداعى قاقتىعىستار ءورشي تۇسۋدە. سانكتسيالىق جانە ساۋدا-ساتتىق سوعىستارى ءجۇرىپ جاتىر. حالىقارالىق قاۋىپسىزدىك جۇيەسىنە قاۋىپ ءتوندى. قازاقستان بار ءۇمىتىن وزىنە ارتا الادى,– دەگەن ن.نازارباەۆ ەندىگى ءۇمىت ەلىمىزدىڭ ءاربىر ازاماتىنىڭ جاعدايدى بايىپپەن باعامداي بىلۋىنە بايلانىستى بولاتىندىعىن ايتىپ ءوتتى. وسى ورايدا, مەملەكەت باسشىسى بىرلىگىمىزدى نىعايتۋعا كۇش سالۋىمىز كەرەكتىگىن ەسكەرتتى. ەلباسىنىڭ الەمدە ءتورتىنشى وندىرىستىك رەۆوليۋتسيا كەزەڭىنىڭ باستالىپ كەلە جاتقانى تۋرالى ايتقانى دا كوڭىلگە قوندى. الەمدىك ءتورتىنشى وندىرىستىك دامۋ كەزەڭىنە ىلەسۋدىڭ جولدارىن قازىردەن قولعا الۋ كەرەكتىگىن ءمالىم ەتكەن مەملەكەت باسشىسى وسى باعىتتا ناقتى اتقارىلۋى ءتيىس جۇمىستاردى اتاپ بەردى. ماسەلەن, «استانادان ءۇش عىلىمي وندىرىستىك دامۋ ورتالىعىن ىسكە قوسۋ, الماتىداعى يننوۆاتسيالىق دامۋ ورتالىعىنىڭ ءىسىن ىلگەرىلەتۋ, سونىمەن بىرگە, نانوتەحنولوگيا, بيوتەحنولوگيا, جوعارى تەحنولوگيالىق عىلىمي پروگرەستىك دامۋ كوشىنەن قالىپ كەتپەۋ­گە ۇمتىلعانىمىز ءلازىم», – دەگەندى ايتقان ەلباسى عىلىممەن اينالىسۋعا جاعداي جاساپ, قىزىعۋشىلىق تانىتاتىنداردى وسى سالالاردا ەڭبەك ەتۋى ءۇشىن بارىنشا جاعداي جاساۋ كەرەكتىگىن ەسكەرتتى. سەزدە پارتيانىڭ «قازاقستان 2010: بىرلىك. تۇراقتىلىق. جاسامپازدىق» اتتى 2016-2021 جىلعا ارنالعان سايلاۋالدى باعدارلاماسى قابىلداندى. اتالعان قۇجات بەس ينستيتۋتتىق رەفورما شەڭبەرىندەگى «100 ناقتى قادام» ۇلت جوسپارىنىڭ نەگىزگى باعىتتارىن قامتيدى. تۇتاستاي العاندا, باعدارلاما 8 بولىمنەن تۇرادى. وندا جاھاندىق سىن-قاتەرلەر جانە جاڭا ناقتى احۋال ماسەلەلەرىنە شولۋ جاسالىپ, ناقتى ءىس-قيمىلدار قامتىلادى. رايكۇل باينازاروۆا, قىزىلوردا وبلىسى ءبىلىم جانە عىلىم قىزمەتكەرلەرى كاسىپوداعىنىڭ ءتورايىمى.