استانا. 29 قاڭتار. بۇگىن استاناداعى تاۋەلسىزدىك سارايىندا «نۇر وتان» پارتياسىنىڭ كەزەكتەن تىس XVII سەزى وتەدى. وعان ەلىمىزدىڭ ءار وڭىرىنەن 2 200 ادام قاتىسادى دەپ جوسپارلانعان. ولاردىڭ 600-دەن استامى – پارتيا ايماقتىق فيليالدارى ساياسي كەڭەستەرىنىڭ كەڭەيتىلگەن وتىرىستارىندا سايلانعان دەلەگاتتار. بۇل تۋرالى پارتيانىڭ رەسمي سايتى nurotan.kz-كە سىلتەمە جاساعان egemen.kz ءتىلشىسى حابارلادى.
ايتا كەتەيىك, 21 قاڭتاردا ەلباسى, پارتيا توراعاسى نۇرسۇلتان نازارباەۆ استانا قالاسىندا پارتيانىڭ كەزەكتەن تىس XVII سەزىن شاقىرۋ جونىندە قاۋلىعا قول قويعان بولاتىن. سوعان وراي پارتيانىڭ ورتالىق اپپاراتى مەن فيليالدارىنا سەزد وتكىزۋگە قاجەتتى بارلىق ۇيىمداستىرۋ شارالارىن قابىلداۋ تاپسىرىلدى.
بۇگىنگى سەزدە پارتيانىڭ جاڭا سايلاۋالدى باعدارلاماسى قابىلدانىپ, پارلامەنت ءماجىلىسى دەپۋتاتتارىن سايلاۋعا قاتىستى پارتيالىق ءتىزىم بەكىتىلەدى. سونداي-اق, پارتيانىڭ 2021 جىلعا دەيىنگى نەگىزگى باعىتى ايقىندالىپ, سول بويىنشا «100 ناقتى قادام» ۇلت جوسپارىن ىسكە اسىرۋ شارالارى قامتاماسىز ەتىلەدى. ودان بولەك, «قازاقستان 2050» ستراتەگياسى مەن «نۇرلى جول» باعدارلامالارىن جۇزەگە اسىرۋ تەتىكتەرى جانە تاعى باسقا ماسەلەلەر قاراستىرىلادى.
ەلامان قوڭىر.
دەرەك, سۋرەت: nurotan.kz.