ءوز نارەستەسىن وزگەنىكى دەپ شاعىمدانعان
اعىمداعى جىلدىڭ 19 قاڭتارىندا تسەلينوگراد اۋداندىق ىشكى ىستەر بولىمىنە اۋداندىق ەلدى مەكەندەردىڭ بىرىندە تۇراتىن 20 جاسار ازاماتشا حابارلاسىپ, ءۇيدىڭ الاڭىندا قاتىرما قوراپقا سالىنعان جاڭا تۋعان نارەستەنى بايقاعانىن ايتتى. بۇل جونىندە وبلىستىق ىشكى ىستەر دەپارتامەنتىنىڭ ءباسپاسوز قىزمەتى حابارلادى.
جۇرگىزىلگەن جەدەل ءىس-شارالاردىڭ ناتيجەسىندە, نارەستەنى پوليتسياعا حابارلاسقان ازاماتشانىڭ ءوزى دۇنيەگە اكەلگەنى انىقتالدى. جۇكتىلىك پەن وزدىگىمەن بوسانعانىن جاسىرۋ ماقساتىندا ىشكى ىستەر ورگاندارىنا كورىنەۋ جالعان شاعىم ايتقان.
قازىر سوتقا دەيىنگى ءوندىرىس قوزعالىپ, تەرگەۋ جۇرگىزىلۋدە. ازاماتشانىڭ ءىس-ارەكەتىندە كورىنەۋ جالعان شاعىم ايتۋ جانە بالالاردىڭ ءومىرى مەن دەنساۋلىعىن ساقتاۋدى قامتاماسىز ەتۋ بويىنشا مىندەتتەردى كوپە-كورىنەۋ لايىقسىز ورىنداۋ بەلگىلەرى قاراستىرىلادى.
قازىرگى تاڭدا نارەستە مەن اناسى دارىگەرلەردىڭ قاراۋىندا.
باقبەرگەن امالبەك,
«ەگەمەن قازاقستان».
اقمولا وبلىسى,
تسەلينوگراد اۋدانى.