الماتى. 28 قاڭتار. الماتى قالالىق ءماسليحاتىنىڭ 50-ءشى سەسسياسىندا دەپۋتاتتار مەملەكەتتىك بالاباقشاعا باراتىن ءاربىر بالا ءۇشىن تولەنەتىن اقى قۇنىن 15 مىڭ تەڭگەدەن اسىرماۋ جونىندە قاۋلى قابىلدادى. بۇل تۋرالى الماتى قالاسى اكىمىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
ەستەرىڭىزگە سالا كەتەيىك, «نۇر وتان» پارتياسىنىڭ الماتى قالالىق فيليالىنىڭ دەپۋتاتتار فراكتسياسى 2016 جىلدىڭ 22 قاڭتارىندا قالاداعى مەملەكەتتىك بالاباقشالاردى شارۋاشىلىق ەسەپتەن مەملەكەتتىك تاپسىرىسقا كوشىرۋ تۋرالى باستاما كوتەرگەن ەدى. وسىلايشا, بيىلعى جىلدىڭ 1 اقپانىنان باستاپ ەكى جاستان بەس جاسقا دەيىنگى مەملەكەتتىك بالاباقشاعا باراتىن 17 مىڭ ءبۇلدىرشىن ءۇشىن تەك تاماقتانۋ قۇنى عانا تولەنەتىن بولادى. بۇل ءۇشىن جەرگىلىكتى بيۋدجەتتەن وتكەن جىلدىڭ قورىتىندىسى بويىنشا, ۇنەمدەلگەن قارجىدان 3 ميلليارد تەڭگەگە جۋىق قارجى بولىنەدى.
«بىزدە تۇرمىسى تومەن جانداردىڭ پروبلەمالارىن شەشۋ مۇمكىندىكتەرى بار. سوندىقتان بۇگىن بالاباقشالار قۇنىن ءوسىرۋدىڭ ورنىنا ءبىز 17 مىڭ ءبۇلدىرشىننىڭ قۇنىن تومەندەتىپ وتىرمىز, وسىنىڭ ارقاسىندا ءاربىر وتباسى 20 مىڭ تەڭگە كولەمىندە قارجىسىن ۇنەمدەيتىن بولادى», – دەدى سەسسيا بارىسىندا الماتى قالاسىنىڭ اكىمى باۋىرجان بايبەك.
بۇدان وزگە مەملەكەتتىك بالاباقشادا جۇمىس ىستەپ, 48 مىڭ تەڭگە كولەمىندە ورتاشا جالاقى الاتىن 3360 تاربيەشىگە 30 پايىز قوسىمشا اقى تولەنەتىن بولادى.
ايناش ەسالي.
دەرەك, سۋرەت: egemen.kz.