مۇراجايدا – كينوجاي

ەلىمىزدەگى بىرەگەي ءبۇ­كىل­الەمدىك مۇرالار تىزىمىنە ەنگەن قوجا احمەت ياساۋي كەسەنەسىنە جىل ساناپ رە­سەي, قىتاي, موڭعوليا, وزبەكستان, تۇرىكمەنستان, تاجىكستان جانە ەۋروپا ەل­دەرىمەن قاتار, اقش سىندى شەت مەملەكەتتەردەن كەلۋشىلەر سانى ارتىپ كەلەدى. كەلگەن قوناقتارعا ساپالى قىزمەت كورسەتۋ, ەل تاريحىنان سىر شەرتەتىن قۇندىلىقتارىمىزدى ءوز دەڭگەيىندە دارىپتەپ كور­سەتۋ كەزەك كۇتتىرمەيتىن ماسەلە. وسىعان وراي, «ءازى­رەت سۇل­تان» مەم­لەكەتتىك تاري­حي-مادەني قورىق-مۇ­را­جايى قوجا احمەت ياساۋي كەسەنەسىنىڭ قۇجىرا ءبول­مە­سىنەن شاعىن كينوزال اش­تى. مۇندا قورىق-مۇرا­جايدىڭ تۇسىرگەن «تۇركىستان ءافساناسى», «تۇركىستانداعى حان كوتەرۋ», «ەسىكتەر», «شىراعداندار» سىندى دەرەكتى فيلمدەردى كە­لۋ­شىلەر تاماشالاۋعا ءمۇم­كىندىك الدى. سونىمەن قاتار, مەملەكەت جانە قوعام قايراتكەرى وزبەكالى جانىبەكوۆتىڭ ءومىرى مەن قىزمەتىنە ارنالعان «ءوز­بەكالىنىڭ ونەگەسى», «ءازى­رەت سۇلتان» تويلادى ءاز ناۋ­رىزدى», « ۇلى بابا مۇراسى ۇرپاق جۇرەگىن كوركەيتتى», «تايقازان تا­لاي­لاردىڭ باعىن اشتى», «بايدىبەكتە تولعانعان ءتا­ۋەلسىزدىك تول­عاۋى», «ءدۇي­سەن بي اسى», «ازىرەت سۇل­تان جادىگەرلەرى سىر ءوڭى­رىندە سىر شەرتتى», «ازىرەتى قاراتاۋ اۋليەنىڭ كەنى ەدى», «قورىق-مۇراجاي كۇ­نى ورداباسىدا ەرەكشە ءوتتى», «الاشتىڭ اقتوبەسى ءتاۋ­ەلسىزدىك كورمەسىن تاماشالادى» سىندى كورمەلەرگە ارنالعان دەرەكتى فيلمدەر كورەرمەنگە جول تارتتى. بۇل كوپشىلىكتى مۇراجاي ىسىمەن تانىستىرۋداعى تىڭ ءتاسىل ەكەندىگى داۋسىز. بەرىك بايبولوۆ, قورىق-مۇراجاي قىزمەتكەرى.