ءار ادامنىڭ الدىنا قويعان بيىك ماقساتتارى بولادى. كىم دە بولسا, وعان ماڭداي تەرى, پاراساتتى ءبىلىمى مەن ساليقالى سابىرى, شىنايى سەزىمى ارقاسىندا عانا جەتە الاتىنىن سەزەمىن. الايدا, ماعان ءوز ماقساتىما جاقىنداعان سايىن وعان جەتۋ جولى قيىنداي تۇسەتىن سياقتى كورىنەتىن. ۇلكەن مۇراتقا جەتۋ جولىندا الدا الدەقانداي كەدەرگىلەر كوبەيسە, كىدىرىس جاساپ قالامىن با دەگەن قورقىنىشتار دا جوق ەمەس ەدى. وسىنداي ءۇمىت پەن كۇدىك تۇمشالاعان ساۋالعا تولى ساتتەرىمدە سەنىمدى سەرىگىمە اينالىپ, بولاشاققا دەگەن ىنتا-جىگەرىمدى قامشىلاعان قامشىگەردەي بولعان, شىرماۋىقتاي ويىمنىڭ شەشۋشى كۇشىنە اينالىپ, پەرىشتە كوڭىلىمنىڭ پاراساتتى پاتشاسىنداي كورىنگەن ەلباسىنىڭ دانىشپاندىققا تولى ۇلت جوسپارى جارقىن بولاشاقتىڭ كەلىستى كەلبەتىندەي, مەن ءۇشىن عۇمىرلىق ساباق, ومىرلىك ونەگەگە اينالدى. سوندىقتان بولار, ءبۇگىندە جارىق جۇلدىزداي بيىك بولعانىمەن جاقىن ماقساتتار قول بۇلعاعانداي كورىنەدى. ول مۇرات كەمەل ءبىلىم, ەڭسەلى ەڭبەك, تامىرلى تاتۋلىقپەن تۇتاسىپ تۇرعانداي.
ءيا, جاس ۇرپاق ەل بولاشاعىنىڭ التىن كىلتى بىلىمدە ەكەنىن مويىندايدى. بۇل ءجونىندە كورنەكتى اعارتۋشى ش.ءۋاليحانوۆ وسىدان بىرنەشە عاسىر بۇرىن «حالىق كەمەلىنە كەلىپ دامۋ ءۇشىن ەكى-اق نارسە كەرەك. ونىڭ ءبىرىنشىسى – ازاتتىق, ەكىنشىسى – ءبىلىم», دەسە ءداستۇرلى ءار جولداۋىندا ەلباسى ن.نازارباەۆ «بۇل زامان بىلەككە ەمەس, بىلىمگە سەنەتىن زامان. زاماناۋي الەمدە ەلدىڭ قۋاتى, ەڭ الدىمەن, ءبىلىم مەن عىلىمدا بولاتىنىن تۇسىنەتىن ۋاقىتقا كەلدىك. ەندى ءبىلىمدى قاجەتكە, تۇرمىس يگىلىگىنە جاراتا ءبىلۋىمىز كەرەك. ينەمەن قۇدىق قازعانداي, قيىن دا كۇردەلى, وراسان قاجىر-قايرات پەن ەرىك-جىگەردى تالاپ ەتەتىن ءبىلىمسىز ءومىر تۇل», دەي كەلە تەرەڭ ءبىلىم تاۋەلسىزدىگىمىزدىڭ تىرەگى, اقىل-وي ازاماتتىعىمىزدىڭ الداسپانى ەكەنىن باسا ايتىپ كەلەدى.
زامانىمىزدىڭ زاڭعار جازۋشىسى م.اۋەزوۆ «حالىق پەن حالىقتى, ادام مەن ادامدى تەڭەستىرەتىن ءبىلىم» دەگەندەي, زاماناۋي الەمدە ەلدىڭ قۋاتى, ەڭ الدىمەن, ءبىلىم مەن عىلىمدا بولاتىنىن سەزىنەر ۋاقىتقا جەتتىك.
ەلباسىنىڭ ارمانعا باستار ۇلت جوسپارى بىزدەردى ءبىلىم قۋعا, شەت تىلدەرىن ءۇيرەنىپ, ەلىنە ادال ەڭبەك ەتۋگە شاقىرادى. سونداي-اق, جالقاۋلىققا سالىنىپ, وقىماعانداردىڭ كوش سوڭىندا قالاتىنىن ەسكەرتەدى.
جولداۋ بارىسىندا تۇيگەنىم, قوعامىمىزدا ادال ەڭبەكتى كەمەل بىلىممەن ۇشتاستىرعاندا عانا تابىسقا قول جەتكىزەمىز.
تاقىرىبى تەرەڭ, مازمۇنى ماعىنالى ەلباسىنىڭ جاڭا جاعدايداعى جاڭاشىل جولداۋى جاس ۇرپاقتى ءبىلىم سوقپاعىندا تالماي ەڭبەك ەتۋگە جەتەلەيدى.
قۇس قاناتىمەن, ادام قيالىمەن باقىتتى دەمەكشى, ارمانىمدى ارعىماعىنا وتىرعىزىپ, تالابىما تۇلپار بولعان ەلباسى ماقالاسى بولاشاعىما باستاۋ, ءداستۇرىمە ءدارمەن, پاكتىگىمە پارمەن, تاريحىما تامىر, كۇتەر كۇنىمە قۋات, ەرتەڭىمە شۋاق بولارى ءسوزسىز.
اقنيەت پازىلوۆا,
№132 ورتا مەكتەبىنىڭ 11-سىنىپ وقۋشىسى.
قاراعاندى وبلىسى,
جاڭاارقا اۋدانى.