ازيادا جارشىسى
تەلەارناداعى تىكەلەي كورسەتىلىم
ازيادادا ول قالاي ۇيىمداستىرىلىپ, جۇزەگە اسادى؟
قىسقى ازيا ويىندارى كەزىندە جارىستى تاماشالاۋ ءۇشىن ەلىمىزدىڭ جەر-جەرىنەن جانە شەتەلدەردەن استانا مەن الماتىعا قوناقتاردىڭ كوپتەپ كەلەتىنى بەلگىلى. قازىر ولارعا جارىستى ءوز كوزىمەن كورىپ, تەلەەكراننان تىكەلەي كورسەتىلىم ارقىلى كورۋ ءۇشىن بارلىق جاعدايلار جاسالىپ وتىر. جاقىندا ءبىز وسى ماسەلەنى انىقتاپ, تولىق مالىمەت الۋ ءۇشىن “2011 جىلعى قىسقى ازيا ويىندارىن ۇيىمداستىرۋ جونىندەگى كوميتەتىنىڭ اتقارۋشى ديرەكتسياسى” اق ۆيتسە-پرەزيدەنتى ماعجان قانعوجيندى اڭگىمەگە تارتقان ەدىك. – ازيا ويىندارىن تىكەلەي كورسەتۋ قۇقى “حابار” مەن “قازاقستان” تەلەارنالارىنا بەرىلىپ وتىر عوي. بۇل ماسەلە قالاي شەشىلدى؟ باسقا ارنالار جارىستى كورسەتپەيدى مە ەكەن؟ – ءبىز شاڭعىمەن باعدارلاۋ جارىسىنان باسقالارىنىڭ ءبارىن تىكەلەي كورسەتىلىم ارقىلى كورسەتۋدى جوسپارلاپ وتىرمىز. ال شاڭعىمەن باعدارلاۋ ءofflىne رەجىمىندە, ياعني جازبادا عانا كورسەتىلەدى. بايلانىس جانە اقپارات مينيسترلىگى “حابار” ارناسىن ۇلتتىق تاراتۋشى رەتىندە بەلگىلەدى. ول “قازاقستان” تەلەارناسىمەن بىرگە تىكەلەي كورسەتىلىممەن اينالىسادى. – جارىستى باسقا ەلدەرگە كورسەتۋ جوسپاردا بار ما؟ شەتەلدىك كومپانيالار تاراپىنان ويىنداردى كورسەتۋگە قىزىعۋشىلىق بولىپ وتىر ما؟ – ءيا, باسقا ەلدەردى ويىنداردى تىكەلەي كورسەتىلىممەن قامتاماسىز ەتۋ جوسپاردا بار. ال شەتەل تەلەكومپانيالارىنا كەلەر بولساق, قازىر ولارمەن وسى ماسەلە بويىنشا كەلىسسوزدەر جۇرگىزىلۋدە. – تىكەلەي كورسەتىلىمدى ۇيىمداستىرۋ ءۇشىن تەلەۆيدەنيەگە ارنالعان قۇرال-جابدىقتاردى الدىڭىزدار ما؟ ولار قازىرگى زامان تالاپتارىنا جاۋاپ بەرە مە؟ – ازيا ويىندارىن ۇيىمداستىرۋ ءجونىندەگى كوميتەتتىڭ اتقارۋشى ديرەكتسياسى تەلەكورسەتىلىم ءۇشىن ەشقانداي قۇرال-جابدىقتار ساتىپ الۋمەن اينالىسپايدى. ءبىز حالىقارالىق تاجىريبەگە سۇيەنە وتىرىپ, حوستتاراتۋشى كاسىبي كومپانيامەن كەلىسىم جاساستىق. حوستتاراتۋشى دەگەنىمىز – تەلەۆيزيالىق نەمەسە راديو بەلگىلەر ارقىلى وقيعا بولىپ جاتقان جەرىنەن كورسەتۋدى ۇيىمداستىرادى. حوستتاراتۋشى تۇسىرىلىمدەردى ۇسىناتىن بولادى. ال ازيادانى ۇيىمداستىرۋشىلار ونى كورسەتۋ قۇقىن يەلەنۋشى جاققا بەرەدى. قازىر ءبىز تەلەۆيدەنيە بەلگىسىنىڭ ساپاسىنا باسا ءمان بەرىپ وتىرمىز. سوندىقتان حوستتاراتۋشى ونىڭ ساپاسىن قامتاماسىز ەتۋى كەرەك. – تىكەلەي كورسەتىلىمنىڭ تەحنيكالىق جاقتارى تۋرالى ايتىپ بەرسەڭىز. ولاردىڭ قانداي ەرەكشەلىكتەرى بولادى؟ – قىسقى ازيا ويىندارى كەزىندەگى كورسەتىلىم ۆانكۋۆەردە وتكەن وليمپيا ويىندارىنان بەرىلگەن كورسەتىلىم سياقتى بولادى. ءبىزدىڭ شاقىرىپ وتىرعان حوستتاراتۋشى – تاجىريبەلى كومپانيا. جالپى, تەلەۆيدەنيە الەمىندە وسىنداي ءىرى شارالارمەن جەكەلەگەن ماماندار عانا اينالىسادى. – جارىس كەزىندە قايتالاۋدى ءار جەردەن كورسەتۋ دە ماڭىزدى نارسە عوي. ەكراندىق گرافيكانى ايتامىن. ماسەلەن, شاڭعى نەمەسە بياتلون جارىسىنداعى حرونومەتراجدى كورسەتۋ جاعىن ايتساڭىز, كورەرمەندەر قاي سپورتشىنىڭ الدا كەلە جاتقانىن, ودان ارتىنداعىلار نەشە سەكوندكە قالىپ بارا جاتقانىن قالاي بىلە الادى؟ حوككەي ماتچتارىن الساق تا بولادى. ماتچ كەزىندە قاۋىپتى جاعدايدى قايتالاۋ, شايباعا تالاس بولعان كەزدەردى, ستاتيستيكانى ەكراننان كورسەتۋ جاعى قالاي بولادى؟ – مۇنىڭ ءبارى دە بولادى. جارىستىڭ ناتيجەلەرىمەن جۇمىس ىستەۋ ءۇشىن فيكساتسيا جانە ناتيجەلەردى جينايتىن ارنايى جۇيە ديىندالادى. وعان قازىر وڭتۇستىككورەيالىق ءSىCC (Ssangyong ءىnformatىons ءCommunىcatىons ءCorporatىon) جانە شۆەيتساريالىق ءSWىSS ءTىMىNG كومپانياسى تارتىلىپ وتىر. ولار حوستتاراتۋشىلارمەن بىرگە مالىمەتتەردى تىكەلەي ەفيرگە جانە كوممەنتاتورلاردىڭ مونيتورىنا بەرىپ وتىرادى. ال جارىستاعى قىزىقتى وقيعالاردى, ويىن بارىسىن قايتالاۋ ءۇشىن جوعارى جىلدامدىقتى Super slow ءmotىon كامەرالارى بولادى. سونىمەن بىرگە حوككەي ماتچتارىندا قوسىمشا تەلەۆيزيالىق گرافيكانى ىسكە قوسامىز. – ءبىزدىڭ ەلدە وسىنداي قۇرال-جابدىقتارمەن جۇمىس ىستەيتىن ماماندار بار ما؟ – ارينە, بار. بىزدە قازىرگى زامان تالابىنا ساي جاسالعان تەلەۆيزيالىق جابدىقتار وتە كوپ. ونىمەن جۇمىس ىستەي الاتىن ادامدار دا بار. بىراق, ازيا ويىندارى سياقتى ءىرى شارالاردا جۇمىس ىستەگەن, تاجىريبەسى بار ادامدار از. سوندىقتان ءبىز حوستتاراتۋشىنى شاقىرىپ وتىرمىز. بۇل, ارينە وتاندىق تەلەكومپانيالار جارىستى كورسەتپەيدى دەگەن ءسوز ەمەس. ولار جەرگىلىكتى حالىققا قىزىقتى جارىستاردى تاڭداپ الادى. ال باسقا ەلدەرگە تارتىمدى, قىزىقتى باسەكەلەردى حوستتاراتۋشى كورسەتەدى. – وتاندىق وپەراتورلار, رەجيسسەرلەر مەن كوممەنتاتورلاردى قايتا دايىنداۋ قالاي جۇرگىزىلىپ جاتىر؟ بۇل ماسەلەمەن كىم اينالىسىپ وتىر؟ – ازيا ويىندارىن كورسەتۋ جوباسىندا ەڭ باستىسى تەحنيكا ەمەس, شىعارماشىلىق ادامدار. ولار – وپەراتورلار, رەجيسسەرلەر, ءبارىن ورتاق ىسكە جۇمىلدىرا بىلەتىن جوبانىڭ مەنەدجەرلەرى. بۇل جارىس ءبىز ءۇشىن ۇلكەن مەكتەپ بولادى. بۇدان كوپ نارسە ۇيرەنەمىز. ال, مامانداردى قايتا دايىنداۋ ماسەلەسىنە كەلسەم, ءبىز ونىمەن اينالىسپايمىز. بۇل جۇمىسپەن تەلەكومپانيالاردىڭ وزدەرى بەلگىلى ءبىر باعدارلامالار مەن جوبالار اياسىندا اينالىسا الادى. دەمەۋشىلەر تابىلىپ جاتسا, ديرەكتسيا سپورت كوممەنتاتورلارىنا ارنالعان سەمينارلار وتكىزۋگە دايىن. – ازيا ويىندارىن تىكەلەي كورسەتۋدىڭ تاعى قانداي ەرەكشەلىگى بولادى؟ – وزدەرىڭىزگە بەلگىلى, استانا مەن الماتىنىڭ اراسى مىڭ شاقىرىمنان استام. سوندىقتان ەكى قالادا حالىقارالىق تاراتۋ ورتالىعى ء(ىۆس) قۇرىلادى. وعان بارلىق جارىستار ءوتىپ جاتقان جەرلەردەن تەلەۆيزيالىق بەلگىلەر كەلىپ تۇرادى. وسى جەردە ءبىز استانا مەن الماتىنىڭ نىساندارىن تىكەلەي كورسەتىلىممەن قامتاماسىز ەتۋ ءۇشىن ءوزىمىزدىڭ قولدا بار ءمۇمكىندىكتەرىمىزدى پايدالانامىز. ول ءۇشىن بىزگە “قازاقتەلەكوم” اق ۇلتتىق تەلەكوممۋنيكاتسيالىق وپەراتورى كومەكتەسەتىن بولادى. – اڭگىمەڭىزگە راحمەت. اڭگىمەلەسكەن داستان كەنجالين. الماتىداعى شاڭعىشىلار كەشەنى قىسقى ازيا ويىندارىنا دايىن سەنبى كۇنى الماتى قالاسىندا شاڭعى سپورتى بويىنشا جاڭادان ىسكە قوسىلعان حالىقارالىق تۇعىردان سەكىرۋ كەشەنىندە قۇرلىقارالىق كۋبوك ءۇشىن جارىس ءوتتى. اتالمىش كەشەن “ەسەنتاي” وزەنىنىڭ باتىسىندا ءال-فارابي داڭعىلىنىڭ سولتۇستىك بولىگىندە ورنالاسقان. ول 6000 كورەرمەنگە ارنالعان ورنى بار كوپ سالالى زاماناۋي عيمارات. ازيا ويىندارى وتكەننەن كەيىن بۇل كەشەندى كونتسەرتتەر مەن ءتۇرلى شوۋ-باعدارلامالار وتكىزىلەتىن مادەني ويىن-ساۋىق ورتالىعى رەتىندە پايدالانۋ جوسپارلانۋدا. جوعارىدا ايتقانىمىزداي, وسى ستاديوننىڭ تۇساۋكەسەرى رەتىندە مۇندا العاشقى باسەكە, جارىستار دا باستاۋ الدى. وعان 12 ەلدەن, اتاپ ايتقاندا, قازاقستان, پولشا, جاپونيا, گەرمانيا, سلوۆاكيا, ەستونيا, نيدەرلاندى, رەسەي, اۆستريا, وڭتۇستىك كورەيا, سلوۆەنيادان سپورتشىلار قاتىستى. ولاردىڭ اراسىنداعى تانىمال سپورتشىلاردان الەم كۋبوگىنىڭ جەڭىمپازدارى سلوۆەندىك شاڭعىمەن تۇعىردان سەكىرۋشى پرموج پەتەركا, چەح ياكۋب ياندا, گران-پري 2010 كەزەڭدەرىنىڭ جەڭىمپازى, پولشالىق كاميل ستوح, الەم كۋبوگىنا قاتىسۋشى اۆستريالىق سپورتشى ماريو ينناۋەر, تۋرين جانە ۆانكۋۆەردە وتكەن وليمپيادالارعا قاتىسۋشى رەسەيلىك يليا روسليكوۆ پەن باسقا دا ساڭلاقتار باق سىناستى. جارىستا كاميل ستوح جەڭىمپاز اتاندى. ولار وسىندا ورنالاسادى ءRadىsson SAS Hotel Astana سارىارقا كوشەسى, 4 بەس جۇلدىزدى, 139 ءنومىرلى قوناق ءۇي. اوك وتباسى, اوك جەتەكشىلەرىنىڭ شتاتى, حوك مۇشەلەرى ورنالاسادى. Ramada Plaza Astana اباي داڭعىلى, 47 بەس جۇلدىزدى, 200 ءنومىرلى قوناق ءۇي. ۇوك پرەزيدەنتتەرى, باس حاتشىلارىنا ارنالعان. ءKىng Hotel ءۋاليحانوۆ كوشەسى, 7 ءتورت جۇلدىزدى, 475 ءنومىرلى قوناق ءۇي. دەلەگاتسيا باسشىلارى مەن ورىنباسارلارى, حوككەيدەن ەرلەر, كونكي تەبۋ, مانەرلەپ سىرعاناۋ مەن شورت-ترەك كوماندالارى ورنالاسادى. Grand Park ءEsىl بەيبىتشىلىك كوشەسى, 8 ءتورت جۇلدىزدى, 86 ءنومىرلى قوناق ءۇي. قۇقىق يەلەنۋشىلەرگە ارنالعان. كادەسىيلار كورمەسى الماتىدا “ادەمى-اي Plus” كومپانياسىنا قاراستى “ادەمى-اي” ونەر ۇيىندە قىسقى ازيا ويىندارىنا ارنالعان كادەسىيلار توپتاماسىنىڭ تۇساۋكەسەرى ءوتتى. راسىمدە “2011 جىلعى ءVىى قىسقى ازيا ويىندارىن ۇيىمداستىرۋ جونىندەگى كوميتەتىنىڭ اتقارۋشى ديرەكتسياسى” اق ۆيتسە-پرەزيدەنتى ايبەك قاپاقوۆ ويىن بارىسىندا ەلىمىزگە ون مىڭنان استام قوناقتىڭ كەلەتىنىن, ولار ءبىزدىڭ ەلدەن قىزىقتى جارىستارمەن قاتار ازيادا كادەسىيلارىن الاتىنىن, سوندىقتان ويىندار بەلگىسىندەگى سۋۆەنيرلەر ۇلتتىق ناقىشتارىمىزدان بەلگى بەرەتىنىن اتاپ ءوتتى. “ادەمى-اي Plus” كومپانياسى قىسقى ازيا ويىندارىنىڭ رەسمي كادەسىيلار جاساۋشىسى جانە تاراتۋشىسى بولىپ تانىلىپ وتىر. قازاقستان رىنوگىندا ون جىلدان استام ۋاقىت ناتيجەلى جۇمىس ىستەپ كەلە جاتقان كومپانيانىڭ ەلىمىزدە بارلىق دەرلىك وڭىرلەرىندە ءوز وكىلدىكتەرى بار. كومپانيا ۇلتتىق ونەرىمىزدى, تاريحىمىزدى جانە سالت-ءداستۇرىمىزدى ناسيحاتتايتىن بۇيىمدار ارقىلى كەڭىنەن تانىمال. ولار دايىنداعان زەرگەرلىك بۇيىمدار وتكەن تاريحىمىزدان سىر شەرتەتىن ايگىلى ەسكەرتكىش-مونۋمەنتتەردىڭ, تاۋەلسىزدىك سيمۆولىنا اينالعان استانانىڭ سىر-سيپاتىنا ارنالعان بەلگىلەر جۇرت كوڭىلىنەن شىققان. كومپانيا “ارۋ استانا” ءىىى حالىقارالىق كورمەسىندە ۇزدىك اتانىپ, ساپا مەن ءسان تۇرعىسىندا الدىڭعى قاتاردان كورىندى. جاڭادان اشىلاتىن ونەر ۇيىندە اسا قىمبات زاتتاردان باستاپ, تۇرمىسقا قاجەتتى دۇنيەلەر دە ورىن العان. ولار ءاربىر ءۇيدىڭ تورىندە تۇراتىن ءساندى دە ءماندى تابلوداعى كەرى ەسەپتەۋ بەينەسى, سپورتتىق نىساندار ماكەتى, ويىنعا ارنالعان ەستەلىك مەدالدار, تۇمار – بارىس جانە التىننان, ءمولدىر تازا شىنىدان جاسالعان زاتتار. “تاريحي ماڭىزى بار قىسقى ازيا ويىندارىنا ارنالعان شارالارعا قاتىسۋ ءبىز ءۇشىن ۇلكەن مارتەبە. ءبىزدىڭ ونىمدەر كادەسىيلار پاۆيلوندارىندا تاراتىلادى. ولاردى ءبىز شەت ەل قوناقتارى مەن قازاقستاندىقتار ءۇشىن قۋانا سىيعا تارتامىز”, – دەيدى “ادەمى-اي Plus” كومپانياسىنىڭ پرەزيدەنتى باحارگۇل تولەگەنقىزى. بيلەت جايىنان ءبىر حابار قىسقى ازيا ويىندارىنا بيلەتتەردىڭ قاراشا ايىنىڭ ورتاسى نەمەسە جەلتوقساننىڭ باسىندا ساتىلا باستايتىنى بەلگىلى بولدى. “2011 جىلعى ءVىى قىسقى ازيا ويىندارىن ۇيىمداستىرۋ جونىندەگى كوميتەتتىڭ اتقارۋشى ديرەكتسياسى” اق-تىڭ ۆيتسە-پرەزيدەنتى ەۆگەني نيكيتينسكي بيلەتتەردىڭ ەرتەرەك ساتىلا باستالۋى سەبەبىن وعان دەگەن سۇرانىسپەن بايلانىستىرۋدا. ونىڭ ايتۋىنشا, ازيادانىڭ اشىلۋ جانە جابىلۋ سالتاناتى, كونكي تەبۋ, ەرلەر اراسىنداعى حوككەي مەن مانەرلەپ سىرعاناۋ جارىستارىن تاماشالاۋ ءۇشىن بيلەتتەر تەز ساتىلۋى مۇمكىن. تاعى ءبىر بەلگىلى بولعانى, بيلەتتەر كاسسالاردا ساتىلادى, سونىمەن بىرگە ونى عالامتوردا تاپسىرىس بەرىپ الۋعا بولادى. ازىرشە بيلەتتەردىڭ باعاسى بەلگىلەنگەن جوق. بىراق جەرگىلىكتى حالىق پەن شەتەل قوناقتارىنا باعا بىردەي بولادى ەكەن. سونىمەن بىرگە جارىستاردا ءVىP بيلەتتەرى ساتىلادى. الىستان جەتكەن العىس حات جاقىندا ەلىمىزگە ۇلبريتانيا كورولدىگىنەن قىسقى ازيا ويىندارىنىڭ دايىندىق بارىسىمەن تانىسۋ ءۇشىن وسى ەلدىڭ تۋريزم سالاسىنا ماماندانعان ءبىر توپ باق وكىلدەرى كەلىپ قايتقانى بەلگىلى. سولاردىڭ ىشىندە بولعان Euro ءAsىa ءCommunىcatىons كومپانياسىنىڭ باسقارۋشى ديرەكتورى توني ەنتوني فيليپس ساپارىنان العان اسەرى تۋرالى سول كەزدە شەتەل جۋرناليستەرىن استانانىڭ ازياداعا دايىندىق بارىسىمەن تانىستىرعان “2011 جىلعى ءVىى قىسقى ازيا ويىندارىن ۇيىمداستىرۋ جونىندەگى كوميتەتىنىڭ اتقارۋشى ديرەكتسياسى” اق ۆيتسە-پرەزيدەنتى سەرىك قۇلمىرزاەۆقا جولداعان العىس حاتىندا ءبولىسۋدى ءجون كورىپتى. تومەندە وقىرمان نازارىنا سول حاتتىڭ ءماتىنىن ۇسىنىپ وتىرمىز. – سىزبەن جانە قىسقى ازيا ويىندارىن ۇيىمداستىرۋ ءجونىندەگى كوميتەتتىڭ اتقارۋشى ديرەكتسياسىنداعى ارىپتەستەرىڭىزبەن كەزدەسكەنىمە قۋانىشتىمىن جانە ۇلىبريتانيا كورولدىگىنەن كەلگەن باق وكىلدەرىن قازاقى قوناقجايلىلىقپەن قارسى العاندارىڭىز ءۇشىن العىسىمدى بىلدىرەمىن. وسى توپتا بولعان ارىپتەستەرىمىزدىڭ ءبارى قىسقى سپورت تۇرلەرىنە ارنالعان حالىقارالىق دەڭگەيدەگى سپورتتىق عيماراتتاردىڭ سالىنۋ بارىسىنا تاڭدانىستارىن جاسىرماي كەلدى. كەلەسى جىلى استانا مەن الماتىدا وتەتىن قىسقى ازيا ويىندارى ەۋرازيا كىندىگىندە ورنالاسقان, ساياسي تۇراقتى, ەكونوميكالىق جاعىنان دامىپ كەلە جاتقان ءسىزدەردىڭ ەلدەرىڭىز ءۇشىن وتە ماڭىزدى وقيعا بولاتىنى ءسوزسىز. وسى ورايدا سىزگە قازاقستاندى الەمگە جان-جاقتى تانىتۋ ءۇشىن بۇكىل دۇنيەجۇزىنە حابار تاراتاتىن باق-تىڭ ازيا ويىندارى كەزىندە اتقاراتىن ءرولى جونىندە ءبىر-ەكى اۋىز ءسوز ايتقىم كەلەدى. قازىرگى كەزدە حالىقارالىق تالاپتارعا ساي جاسالعان بايلانىس جۇيەسىنىڭ ءبىزدىڭ ومىرىمىزدە الاتىن ورنى ەرەكشە. وسىعان وراي, ەگەر ءسىزدەرمەن قىسقى ازيا ويىندارىن, جالپى قازاقستاندى باق-تا جوعارى حالىقارالىق تالاپتارعا ساي كورسەتەتىن كومپانيا قاجەت بولسا Euro ءAsىa ءCommunىcatىons (eacomms) “2011 جىلعى ءVىى قىسقى ازيا ويىندارىن ۇيىمداستىرۋ ءجونىندەگى كوميتەتتىڭ اتقارۋشى ديرەكتسياسى” اق-پەن بىرىگىپ جۇمىس ىستەۋ مۇمكىندىگىن قاراستىراتىن بولادى. ءبىزدىڭ كومپانيا سىزدەرگە وقيعالاردى باسقارىپ, رەداكتورلىق قولداۋ كورسەتۋگە ءازىر. Eacomms سوڭعى 20 جىلدا ازيا مەن ەۋروپادا بەلسەندى ءارى تابىستى جۇمىس ىستەپ كەلەدى. وسى ۋاقىتتىڭ ىشىندە ءوزىم 50-دەن استام حالىقارالىق تۇتىنۋشىلارمەن جۇمىس ىستەدىم جانە سوڭعى 4 جىلدان بەرى ءAىr Astana كومپانياسىنىڭ سولاردىڭ قاتارىندا بولىپ وتىرعانىنا قۋانىشتىمىن. بۇگىندە الەمدەگى ەڭ ءىرى اەروعارىشتىق كورمەلەردىڭ ءبىرى گونگكونگتىك ءAsىan Aerospace ازياداعا قىزىعۋشىلىعىن ءبىلدىرىپ وتىر. بۇل كورمەگە ءبىزدىڭ كومپانيا ءجيى قاتىسادى. وندا Eacomms كورمەگە 500-دەن استام ءىرى قاتىسۋشى مەن 12 000-نان استام كەلۋشىگە حالىقارالىق بايلانىس پەن وقيعالارعا رەداكتورلىق قولداۋ كورسەتۋگە ءوز ۇسىنىستارىن بەرىپ كەلەدى. ءسوز سوڭىندا ايتايىن دەگەنىم, ەگەر سىزدەرگە قىسقى ازيا ويىندارىندا Eacomms تاراپىنان قولداۋ قاجەت بولسا كومپانيا كەلەسى ايدان باستاپ ستراتەگيالىق كەڭەس بەرىپ, حالىقارالىق مەديا قارىم-قاتىناس پەن رەداكتورلىق قولداۋ بويىنشا الدىن الا ۇسىنىستارىن بەرۋگە دايىن. قۇرمەتپەن, توني ەنتوني فيليپس, Euro ءAsىa ءCommunىcatىons كومپانياسىنىڭ باسقارۋشى ديرەكتورى. _____________________ بەتتى دايىنداعان داستان كەنجالين.