اقتوبە قالاسىندا قوعامدىق تاماقتاندىرۋ سالاسىنىڭ قىزمەتىن جاقسارتۋ باعىتىندا ءبىراز جۇمىستار جاسالۋدا. وبلىس ورتالىعىنداعى مەيرامحانالار مەن قوناق ۇيلەر ءوز قىزمەتتەرىن الەمدىك ستاندارتتارعا ساي جۇرگىزۋگە تالپىنۋدا. سونىڭ ءبىر مىسالى جىل سايىن مەيرامحانالار اراسىندا وتكىزىلەتىن ءتاتتى تاعامدار فەستيۆالى دەۋ ورىندى. فەستيۆالعا قاتىسقان 12 مەيرامحانا وكىلدەرى شەتەلدىك ماماندارمەن ءتاجىريبە الماستى. وندا ماسكەۋدەن, تۇركيادان جانە الماتىدان كەلگەن ارنايى جاتتىقتىرۋشى ماماندار داياشىلار مەن اسپازدارعا ءدارىس بەردى. سونداي-اق, فەستيۆالدىڭ اياسىندا ءتاتتى تاعامدار كورمەسى ۇيىمداستىرىلدى. فەستيۆال سوڭىندا “ۇزدىك داياشى”, “ۇزدىك كۋلينار” جانە “ۇزدىك ءتاتتى تاعام ءپىسىرۋشى” نوميناتسيالارى بويىنشا جەڭىمپازدار انىقتالىپ, ولارعا باعالى سىيلىقتار تاپسىرىلدى.
ساتىبالدى ءساۋىرباي, اقتوبە وبلىسى.