كەشە قاسىم-جومارت توقاەۆتىڭ توراعالىق ەتۋىمەن بولعان سەنات بيۋروسىنىڭ وتىرىسىندا پارلامەنت ءماجىلىسى ماقۇلداعان زاڭ جوبالارى پالاتا كوميتەتتەرىنە ءبولىنىپ بەرىلدى.
بيۋرودا 30 قىركۇيەكتە بولاتىن پالاتانىڭ كەزەكتى جالپى وتىرىسىنىڭ كۇن ءتارتىبىن بەلگىلەۋ تۋرالى كوميتەتتەردىڭ ۇسىنىستارى دا قارالدى. پالاتا وتىرىسىندا بىرقاتار زاڭ جوبالارىمەن بىرگە, “2010-2012 جىلدارعا ارنالعان رەسپۋبليكالىق بيۋدجەت تۋرالى” قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ تۋرالى” زاڭ جوباسى دا قارالاتىن بولدى, دەپ حابارلادى پارلامەنت سەناتىنىڭ ءباسپاسوز قىزمەتى.