نازارباەۆ ۋنيۆەرسيتەتى ءوزىنىڭ جاڭا وقۋ جىلىن سالتاناتتى تۇردە باستادى. 500 ستۋدەنتكە ارنالعان وقۋ جىلىنىڭ العاشقى كۇنىنەن باستاپ اعىلشىن ءتىلى مەن بەيىمدىك پاندەردىڭ تەورياسى بويىنشا ساباقتار ءجۇرگىزىلدى.
ەلىمىز بويىنشا وقۋ ءۇردىسى تەك قانا اعىلشىن تىلىندە جۇرەتىن جوعارى وقۋ ورىندارىنىڭ ءبىرى ءارى بىرەگەيى بولىپ سانالاتىن اتالمىش ۋنيۆەرسيتەتكە اقش-تان, ۇلىبريتانيادان, جاڭا زەلانديادان, كانادادان 55 پەداگوگ تاڭداپ الىنعان بولسا, ولاردىڭ ءبارى قازىردىڭ وزىندە استاناعا كەلىپ, وقىتۋشىلارعا ارنالعان “باعدارلاۋشى اپتادان” ءوتىپ ۇلگەرگەن كورىنەدى.
وسىعان دەيىن ءمالىم بولعانداي, 22 قىركۇيەك كۇنى نازارباەۆ ۋنيۆەرسيتەتىنىڭ ستۋدەنتتەرىنە ارنالعان “باعدارلاۋشى اپتا” وتكىزىلگەن بولاتىن. ساباق باستالعاننان بەرى بىرنەشە كۇن ىشىندە ستۋدەنتتەر تىركەۋدەن ءوتىپ, جاتاقحاناعا ورنالاستى. وقۋلىقتارىن الىپ, وقىتۋشىلارمەن تانىستى. باعدارلاۋشى اپتا كەزىندە اتا-انالاردىڭ سۇراقتارىنا وقىتۋشىلار دا, ۋنيۆەرسيتەتتىڭ باسشىلىعى دا تۇشىمدى جاۋاپتار قايتاردى.
ستۋدەنتتەرگە ءFoundatىon باعدارلاماسىن سوڭعى الەمدىك رەيتينگ بويىنشا ءتورتىنشى ورىندى يەمدەنگەن ءUnىversىty College London وقۋ ورنى ۇسىنعانى بەلگىلى. وسىعان بايلانىستى ۋنيۆەرسيتەتتىڭ اكادەميالىق كۇنتىزبەدەن باستاپ, وتىلەتىن باعدارلاماسىنىڭ تولىق جۇيەسى سوعان ساي بولادى. سول سەبەپتى دە, ءبىرىنشى كۋرسقا تۇسكەن ستۋدەنتتەر لەكتسيانى قالاي دۇرىس تىڭداۋ كەرەكتىگىن, نەگىزگى ءسوزدەردى ءدال تانىپ, بەلگىلەپ الۋ قاجەتتىگىن ۇيرەنەدى.
نازارباەۆ ۋنيۆەرسيتەتى وقۋ جىلىنىڭ باستالۋىنا وراي وتكەن سالتاناتقا حالىقارالىق كونسۋلتاتسيالىق كەڭەستىڭ مۇشەلەرى, سونداي-اق اتالمىش ءبىلىم ورداسىمەن ارىپتەس جوعارى وقۋ ورىندارىنىڭ شەتەلدىك پروفەسسورلارى قاتىستى. وقۋ ورنى باسشىلارى مەن وقىتۋشىلار ستۋدەنتتەردى جاڭا وقۋ جىلىمەن قۇتتىقتاي كەلە, ستۋدەنتتەردىڭ ۋنيۆەرسيتەتتەگى نەگىزگى مىندەتتەرىن, جاۋاپكەرشىلىكتەرىن ايقىنداپ بەردى.
اراي ۇيرەنىشبەكقىزى.