سارىبەل – سارىارقانىڭ ساۋىرى. كەزىندە وسىلاي اتالعان, بەرتىندە وساكاروۆ بولىپ وزگەرتىلگەن اۋداننىڭ كەڭەستىك داۋىردە اكىمشىلىك-اۋماقتىق جاعىنان جەكە ايماققا ءبولىنىپ, قۇرىلۋىنا 70 جىل تولۋى مەرەكەسى اتالىپ ءوتتى.
وسى ايتۋلى وقيعاعا ارنالعان تەاترلاندىرىلعان قويىلىمدا ءوڭىردىڭ بۇل ۋاقىتتاعى شەجىرەلىك كورىنىستەرى كوپشىلىك كوز الدىنا ەلەستەتىلدى. وساكاروۆ – استانا مەن قاراعاندىنىڭ ءدال ورتاسىندا ورنالاسقان, توعىز جولدىڭ تورابىنداعى اۋدان. نەگىزىنەن استىق وسىرۋمەن اينالىساتىن ءوڭىر وسى سالانى دامىتۋىمەن اتاقتى. سارىارقانىڭ ساۋىرى – سارىبەل باۋىرىنا جينالۋشىلار بەلگىلى ونەرپازدار ونەرىن, بالۋاندار كۇرەسىن, ات جارىسىن تاماشالادى.
ايقىن نەسىپباي, قاراعاندى وبلىسى.
قالا مەرەكەسى سالتاناتى. وتكەن جۇما كۇنى “ايالايمىن سەنى, قىزىلوردا” اتتى قالا مەرەكەسى سالتاناتتى جاعدايدا ءوتتى. قالا كۇنى مەرەكەسىنە ارنالعان ءىس-شارالار اياسىندا قىزىلوردا قالاسىنداعى “شۇعىلا”, “ەۆريكا” شاعىن اۋداندارى مەن ءجالاڭتوس ءباھادۇر كوشەسى بويىنداعى ويىن جانە سپورت الاڭدارى پايدالاۋعا بەرىلدى. بالالارعا سپورت الاڭدارىن “پەترو قازاقستان”, “تورعاي پەترولەۋم”, “قازگەرمۇناي” كومپانيالارى تارتۋ ەتتى. قالا مەرەكەسى ءتۇس اۋا ورتالىق الاڭدا جالعاستى. مەرەكەلىك شارالار بارىسىندا ۇلتتىق ويىنداردان سايىستار بولدى. سالتاناتتى شارا سوڭىندا ەلىمىزدىڭ ونەر شەبەرلەرى مەن شەتەلدىك ونەرپازدار – “لوندون بيت”, ء“SMىKS”, “مارسەل” توپتارى ونەر كورسەتىپ, قالىڭ قاۋىمنىڭ ريزاشىلىعىنا بولەندى.
ەركىن ءابىل, قىزىلوردا.
ءسىبىردىڭ كورمەسى – كەرەكۋدە. كەدەن وداعىنا ەنگەلى قازاقستان مەن رەسەي اراسىنداعى الىس-بەرىس بايلانىستار ودان ءارى جاقسارا, جاندانا تۇسكەنى بەلگىلى. بۇل ساۋدا-ەكونوميكالىق, الەۋمەتتىك-مادەني, باسقا دا سالالار بويىنشا كورىنىس تابۋدا.وتكەن اپتادا وبلىس ورتالىعىندا “قازاقستان-ءسىبىر-2010” دەپ اتالاتىن كورمە ءوتىپ, بۇل شاراعا ەكى ەلدىڭ 30-عا جۋىق كاسىپورنى قاتىستى. وبلىستىڭ جالپى تاۋار اينالىمىنىڭ 70 پايىزى رەسەيدىڭ ۇلەسىندە. وبلىس اكىمى باقىتجان ساعىنتاەۆ كورمەنى ارالاپ, ءوندىرىستى وڭىرگە ءوز ونىمدەرىن اكەلگەن كاسىپكەرلەرگە تابىس تىلەدى. كورمەدەن سوڭ كاسىپكەرلەر كەدەن وداعى, جاڭا تەحنولوگيالار, ەكولوگيالىق تازا ونىمدەر شىعارۋ جونىندە ۇيىمداستىرىلعان دوڭگەلەك ۇستەل باسىنا جينالدى.
فاريدا بىقاي, پاۆلودار.
“جۇلدىز” امبەباپ بازارى اشىلدى. الماتى قالاسىنىڭ اينالاسىنان ازىق-ت ۇلىك بەلدەۋىن قۇرۋ ماقساتىندا جۇرگىزىلگەن جۇمىس ناتيجەسىندە تۇتىنۋشى سۇرانىسى قاناعاتتاندىرىلۋدا. شارۋالاردىڭ وندىرىلگەن ونىمدەرىن ساۋدالايتىن بازارلاردى كوپتەپ اشۋ, جارمەڭكەلەر ۇيىمداستىرۋدىڭ تياناعى كەلتىرىلگەنى وسىنىڭ دالەلى دەسەك, تالعار اۋدانىنداعى وننان استام بازارلار قاتارىنا جاڭادان اشىلعان “جۇلدىز” بازارى قوسىلدى. نەگىزىنەن ازىق-ت ۇلىكتىڭ حالال ءتۇرىن ساۋدالايتىن ساۋدا ورنىندا ەكى مىڭنان استام ادامنىڭ ساۋدا جاساۋىنا مۇمكىندىگى بار. قازىرگى كەزدە بازاردا تۇتىنۋشىلاردى تۇراقتى, ءارى تومەن باعاداعى ءونىم تۇرلەرىمەن قامتاماسىز ەتۋ قولعا الىنعان. سورەلەردە ەت-ءسۇت, كوكونىس, كيىم-كەشەك, ازىق-ت ۇلىك, قۇرىلىس زاتتارى مەن اۆتوكولىكتەردىڭ قوسالقى بولشەكتەرىنە دەيىن بار.
كۇمىسجان بايجان, الماتى وبلىسى.
فەستيۆال اياسىنداعى ايتىس. قازاقستان حالقى تىلدەرىنىڭ ءحىى وبلىستىق فەستيۆالى اياسىندا ۇيىمداستىرىلعان ايماقتىق اقىندار ايتىسى قازاعى قالىڭ شال اقىن اۋدانىندا ءوتتى. وعان كوكشە ءوڭىرىنىڭ سايىپقىراندارى دا قاتىستى. ساحناعا ءبىرىنشى بولىپ قىزىلجارلىق امانجول زاعىپار مەن شالاقىندىق الىبەك سەرعاليەۆ كوتەرىلدى. مۇندا ايماقتىق ءسوز سايىسىندا كوبىرەك كورىنىپ جۇرگەن الىبەك جەڭىپ كەتتى. كوكشەتاۋلىق قۋانىش وسپانوۆ پەن تايىنشالىق ازامات قوجانوۆتىڭ ونەرى تەڭ باعالانىپ, كەلەسى اينالىمعا جولداما الدى. ەسىل اۋدانىنىڭ نامىسىن قورعاعان جۇمابەك راحىموۆ تا اقتىق سىنعا القىنباي جەتتى. كيەلى ساحناعا العاش شىققانىنا قاراماستان, قارسىلاستارىنا دەس بەرمەگەن ازامات باس بايگەنى جەڭىپ الدى. ايتىستى ۇيىمداستىرۋعا جەكە كاسىپكەر داستەن بايمۇقانوۆ ۇلكەن ۇلەس قوسىپ, قارجىلاي قولداۋ كورسەتتى.
ءومىر ەسقالي, سولتۇستىك قازاقستان وبلىسى.
تىڭ ەپوپەياسىنان سىر شەرتەدى. وبلىستىق ارحيۆتەر جانە قۇجاتتاما باسقارماسى “قوستاناي وبلىسىنداعى تىڭ جانە تىڭايعان جەرلەردى يگەرۋ” اتتى قۇجاتتاما جيناعىن شىعاردى. بۇل قۇجاتتاما باسىلىمى ءوڭىر تاريحىن زەرتتەۋشىلەر مەن ونى بىلگىسى كەلەتىن جالپى جۇرتشىلىققا ارنالعان. جيناققا كىرگەن قوستاناي وبلىسىندا تىڭ جانە تىڭايعان جەرلەردى يگەرۋ جايىنداعى قۇجاتتاردىڭ باسىم كوپشىلىگى ءبىرىنشى رەت عىلىمي اينالىمعا ەنگەن. پرەزيدەنت ءارحيۆىنىڭ قورلارىنان, قازاقستان مەملەكەتتىك ارحيۆىنەن, وبلىستىق ارحيۆتەن جانە ونىڭ فيليالدارىنان الىنعان قۇجاتتار قازاق دالاسىنداعى تىڭ ەپوپەياسىن جان-جاقتى كورسەتەدى. كىتاپ 350 دانامەن جارىققا شىقتى.
ءنازيرا جارىمبەتوۆا, قوستاناي.
اقىندار ستۋدەنتتەرمەن كەزدەستى. مۇنداي شىرايلى جۇزدەسۋ اقتوبە پەداگوگيكالىق ينستيتۋتىندا ءوتتى. ستۋدەنت جاستارمەن كەزدەسۋگە اقتوبەلىك اقىندار مەيىرحان اقداۋلەت ۇلى, ەرتاي اشىقباەۆ, باۋىرجان باباجان ۇلى كەلدى. كەزدەسۋدى قىسقاشا ءسوز سويلەپ اشقان وسى جوعارى وقۋ ورنىنىڭ رەكتورى, ەكونوميكا عىلىمدارىنىڭ دوكتورى عالىمجان نۇرىشەۆ انا ءتىلىنىڭ ادام ومىرىندەگى ورنى, مەملەكەتتىك ءتىلدى قولدانۋ اياسىن كەڭەيتۋ تۋرالى وي قوزعادى. اقىن مەيىرحان اقداۋلەت ۇلى قازاق ءتىلىنىڭ بۇگىنگى ءجاي-كۇيىنە, ونىڭ بولاشاعىن باياندى ەتۋدىڭ كەيبىر تۇيتكىلدەرىنە توقتالدى. اقىندار وزدەرىنىڭ ولەڭدەرىن وقىدى. ستۋدەنتتەر دە اقىنداردىڭ جىرلارىنان سىي تارتتى. ءبىر توپ جاس تالاپ وزدەرىنىڭ بالعىن تۋىندىلارىن نازارعا ۇسىندى.جۇزدەسۋگە كەلگەن اقىندار جاستاردىڭ بىرقاتار سۇراقتارىنا جاۋاپ بەرىپ, ءوزارا وي ءبولىستى.
ساتىبالدى ءساۋىرباي, اقتوبە.