ەلىمىزدە نان بولادى!

قىزىلجارلىق ديقاندار ەلباسى تاپسىرماسىن ابىرويمەن ورىنداپ شىقتى مەملەكەت باسشىسى نۇرسۇلتان نازارباەۆ جۇمىس ساپارى­مەن استىقتى ولكەدە بولىپ ەگىن القابىندا  اگرو­قۇرىلىم باسشىلارىمەن كەزدەسكەندە,  بيىل دا  بيىك مەجە الىنا­تىندىعىنا ۇلكەن سەنىم بىلدىرگەن ەدى. سوندا قىزىلجار ءوڭىرى­نىڭ ديقاندارى كەمى 4 ميلليون توننا استىق جيناۋعا ءسوز بەر­گەن ەدى. ولار سەرتكە ساي سەرپىن تانىتىپ, بەرگەن ۋادەلەرىن ابى­رويمەن ورىنداپ شىقتى. سونىمەن, وبلىس كۇزگى وراق­تى الدىڭعىلاردىڭ قاتارىندا  ۇيىمشىلدىقپەن اياقتاپ, ءساتتى قورىتىندىلادى. 3,9 ميلليون گەكتار القاپقا وسىرىلگەن ەگىندى  شاش­پاي-توكپەي جيناپ الۋ تو­لىق قامتاماسىز ەتىلدى.  گەكتار بە­رەكەسى 10,5 تسەنتنەردەن اينا­لىپ, 4,2 ميلليون توننا التىن ءدان قامبالارعا جونەلتىلدى. ونىڭ 90 پايىزى 3 سىنىپتى قۇرايدى. استىق تاپسىرۋ ءالى جال­عاسۋدا. كەلەر جىل ءونىمى ءۇشىن 546 مىڭ توننا تۇقىم قۇيىلىپ الىندى. جاز قۇرعاقشىلىق بولىپ, استىققا اتتانىس ادەتتەگىدەن ون كۇن ەرتە باستالسا دا قاپىسىز ءازىر­لىكتىڭ ارقاسىندا  “اتتەگەن­اي­لارعا” جول بەرىلگەن جوق. جاۋاپ­­تى ناۋقانعا 10 مىڭعا جۋىق “قىر كەمەلەرى” قاتىستى­رىلىپ, كوپ جەرلەردە استىقتى تىكەلەي جيناۋ ءادىسى قولدانىلدى. كۇزدىڭ  جانعا جايلى ءار كۇنى ءتيىمدى پاي­دالانىلدى. قىزىلجار جانە اقجار اۋداندارى تاناپ شى­عىمدىلىعىن 14 تسەنتنەردەن اسىرسا, مامليۋت, اققايىڭ, م.ج­ۇ­­ماباەۆ اۋداندارى دا  ورتا كور­سەتكىشتەن جوعارى ءونىم الا ءبىلدى. ەندىگى كۇش-جىگەر مەملەكەتتىك تۇراقتاندىرۋ قورىن استىقپەن قامتاماسىز ەتۋگە جۇمىلدىرىل­عان. رەسپۋبليكا بويىنشا ونىڭ مولشەرى  2 ميلليون توننا دەپ بەل­گىلەنسە, وبلىسقا جۇكتەلگەن تاپسىرما 620 مىڭ توننا. كۇن وتكەن سايىن استىق تاپسىرۋشى شارۋاشىلىقتاردىڭ قاتارى قالىڭداي تۇسۋدە. “ازىق-ت ۇلىك كەلىسىم-شارت كورپوراتسياسى” ۇق اق-تىڭ جەرگىلىكتى فيليالىنا  ءۇش جۇزدەن اسا  اگروقۇرىلىمنان ءوتىنىم ءتۇستى. سولتۇستىكقازاقستاندىق دي­قاندار  ىشكى رىنوكتى ازىقتىق بيدايمەن قاجەتىنشە وتەپ, نان جانە نان-توقاش ونىمدەرىنىڭ نەگىزسىز قىمباتتاماۋىنا ۇلەس قوسۋدى پارىز ساناپ وتىر. ءومىر ەسقالي. سولتۇستىك قازاقستان وبلىسى.