مادەنيەت مينيسترلىگى مەن جامبىل وبلىسى اكىمدىگىنىڭ قولداۋىمەن ۇلى جەڭىستىڭ – 65, كەڭەس وداعىنىڭ باتىرى, قازاق حالقىنىڭ قاھارمان ۇلى باۋىرجان مومىش ۇلىنىڭ 100 جىلدىعىنا ارنالعان قازاقستان تەاترلارىنىڭ ءXVىىى رەسپۋبليكالىق فەستيۆالى تاراز توپىراعىندا سالتاناتتى جاعدايدا اشىلدى.
سوعىس زۇلماتى مەن سول سۇراپىل جىلدارداعى اۋىل ءومىرىنىڭ اۋىرتپالىعىن اۋىزدىقتاۋ اعا ۇرپاققا وڭاي بولعان جوق. سوندىقتان بولار, وسى ۋاقىتقا دەيىن ەلدىك پەن ەرلىك تاقىرىبىن ارقاۋ ەتكەن ساحنالىق شىعارمالار كوپتەپ جازىلدى. بۇل جولعى فەستيۆال ءتىنى دە قايعى-مۇڭى ماڭگى باقي بىتپەيتىن تاقىرىپقا ارنالىپتى.
ساحنا يەلەرى – جامبىلدىق ونەر شەبەرلەرى فەستيۆال شىمىلدىعىن ش.ايتماتوۆتىڭ “انا-جەر-انا” پەساسىمەن اشتى. كورەرمەندەر جۇرەگىنە اتىمەن دە, زاتىمەن دە كوپ جىلداردان بەرى جول تاۋىپ كەلە جاتقان بۇل كەڭ تىنىستى شىعارمانى جامبىلدىق رەجيسسەر ق.قاسىموۆ وزىندىك قولتاڭبامەن جاڭاشا كەستەلەۋگە كۇش سالىپتى. ءسىرا, تۇسىنىك-تۇيسىگى مەن پاراسات-پايىمى جاڭاشا قالىپتاسا باستاعان كورەرمەندەردىڭ ىڭعايىنان شىعۋدى كوزدەگەن سىڭايلى.
ەندى تەاتر قوشەمەتشىلەرى مەن باتىر تويىنىڭ قوناقتارى شىعىس قازاقستان وبلىسىنان كەلگەن جاستار تەاترىنىڭ “سولدات كەتتى سوعىسقا” (ك.توقاەۆ), جەزقازعان قالالىق س. قوجامقۇلوۆ اتىنداعى مۋزىكالىق-درامالىق تەاترىنىڭ “جارالى گۇلدەر” (س. ءجۇنىسوۆ), جامبىل وبلىستىق قازاق جانە ورىس تەاترلارىنىڭ “باۋىرجان مومىش ۇلى” (ە.ءالىمجان) جانە “جولداس كومبات” (ا.بەك) اتتى سپەكتاكلدەرىن تاماشالاپ, ءوز باعالارىن بەرەتىن بولادى.
باتىر مەرەيتويىنا شىعارماشىلىق شاشۋ ىسپەتتى ۇسىنىلىپ وتىرعان قازاقستان تەاترلارىنىڭ ءXVىىى رەسپۋبليكالىق فەستيۆالى باعدارلاماسىندا بۇدان باسقا دا كوپتەگەن پەسالار بار.
كوسەمالى ساتتىباي ۇلى.
جامبىل وبلىسى.