ەلىمىزدەگى ادام قۇقىقتارىنىڭ احۋالى

23 قىركۇيەكتە سىرتقى ىستەر مينيستر­لىگىنىڭ ءماجىلىس زالىندا ادام قۇقىقتارى جونىندەگى كو­ميسسيا دايىنداعان “2009 جىلعى قازاق­ستان رەسپۋبليكاسىنداعى ادام قۇقىقتارىنىڭ احۋالى تۋرالى” بايان­دامانىڭ تۇساۋكەسەرى بولىپ ءوتتى, ونى 2010 جىلعى 14 ماۋسىمدا مەم­لەكەت باسشىسى ماقۇلداعان بولاتىن. بايانداما ادام قۇقىقتارى ءجو­نىندەگى حالىقارالىق جانە ۇلت­تىق ساراپشىلاردىڭ وڭ باعاسىن الدى. بايانداما ۇلىبريتانيانىڭ قازاق­ستانداعى جانە قىرعىز­ستان­داعى ەلشىلىگىنىڭ, ەۋروپا­داعى قاۋىپ­سىزدىك جانە ىنتىماقتاستىق ۇيى­مى­نىڭ استاناداعى ورتا­لى­عىنىڭ تەحنيكا­لىق جاردەمىمەن قازاق, ورىس جانە اعىل­شىن تىلدەرىندە جەكە تارا­لىم­مەن كىتاپ رەتىندە باسىلىپ شىقتى. تۇساۋكەسەر راسىمىنە قاتىسقان­دارعا قازاقستان رەسپۋبليكاسىنىڭ سىرتقى ىستەر ۆيتسە-ءمينيسترى قاي­رات سارىباي, قازاقستان رەسپۋب­ليكاسى پرەزيدەنتىنىڭ جانىنداعى ادام قۇقىقتارى جونىندەگى كوميس­سيانىڭ توراعاسى ساعىنبەك تۇر­سىنوۆ, ۇلىبريتانيانىڭ قازاق­ستان­داعى جانە قىرعىزستانداعى ەلشىسى دەۆيد موران مىرزا, ەۋرو­پاداعى قاۋىپسىزدىك جانە ىنتىماق­تاستىق ۇيىمىنىڭ استانا­د­اعى ور­تالىعى باسشىسىنىڭ ورىن­باسارى جاننەت كلەتتسەر حانىم, بۇۇ-نىڭ بوس­قىندار ىستەرى ءجونىن­دەگى باسقار­ماسىنىڭ ورتالىق ازياداعى وڭىرلىك ۇيلەستىرۋشىسى سابەر ازام مىرزا قۇتتىقتاۋ ءسوز سويلەدى. تۇساۋكەسەر راسىمىنە قاتىسقان­دار ال­دىندا ءسوز سويلەگەن ادام قۇقىقتارى ءجونىن­دەگى كوميسسيانىڭ توراعاسى ساعىن­بەك تۇرسىنوۆ بايان­دامانىڭ قۇقىق قورعاۋ تەتىكتەرىن حالىقارالىق ستاندارت­تارعا سايكەس ودان ءارى جەتىلدىرۋ جونىندەگى ناقتى قادامداردى كوزدەيتىنىن اتاپ ءوتتى. باياندامانى كوميسسيا مۇشە­لەرى تاستەمىر ابىشەۆ, لەونيد مار­تىنوۆ, ۆيتالي ۆورونوۆ, ەڭلىك نۇرعاليەۆا, ءمادينا جاربوسىنوۆا تانىستىردى, ولار تۇساۋكەسەر راسىمىنە قاتىسۋشىلار مەن قوناق­تاردىڭ سۇراقتارىنا جاۋاپ بەردى. كوميسسيانىڭ بايانداماسى وندا كوز­دەل­گەن ۇسىنىمدار مەن ءىس-شارالاردى ىسكە اسىرۋ ءۇشىن قازاق­ستان رەسپۋبلي­كاسىنىڭ ۇكىمەتىنە, باسقا دا ۋاكىلەتتى مەملەكەتتىك ورگاندارعا جىبەرىلدى.