شىمكەنت قالاسىنداعى م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىندە “ب.مومىش ۇلىنىڭ وشپەس ەرلىگى ارقىلى جاستاردى ءبىرلىك پەن تاتۋلىققا تاربيەلەۋدىڭ جولدارى” دەگەن تاقىرىپتا حاس باتىردىڭ تۋعانىنا 100 جىل تولۋىنا ارنالعان رەسپۋبليكالىق عىلىمي-تاجىريبەلىك كونفەرەنتسيا ءوتتى.
القالى باس قوسۋعا كەلگەندەر الدىمەن قالاداعى باتىر ەسكەرتكىشىنە گۇل شوقتارىن قويدى. ودان كەيىن رەجيسسەر ح.وماروۆ تۇسىرگەن, “قازاقتىڭ باۋىرجانى” اتتى دەرەكتى ءفيلمدى كوردى.
كونفەرەنتسيانى ۋنيۆەرسيتەت رەكتورى, اكادەميك ءۋاليحان بيشىمباەۆ جۇرگىزىپ وتىردى. جيىنعا وبلىس اكىمىنىڭ ورىنباسارى ءالي بەكتاەۆ, اۋعان سوعىسى ارداگەرلەرى قاۋىمداستىعىنىڭ توراعاسى, حالىق قاھارمانى, گەنەرال-لەيتەنانت باقىتجان ەرتاەۆ, مەملەكەتتىك سىيلىقتىڭ يەگەرى, پروفەسسور مەكەمتاس مىرزاحمەت ۇلى, “قۇرمەت” وردەنىڭ يەگەرى, “قاھارمان” كىتابى مەن “قازاقتىڭ باۋىرجانى” اتتى دەرەكتى فيلمنىڭ اۆتورى سماعۇل باقىتبەك قاتىستى. ءالي بەكتاەۆ باتىردىڭ ونەگەلى ءومىرى جاستار تاربيەسىنە تەمىرقازىق ەكەندىگىن ايتسا, باۋكەڭنىڭ ءوزى “جەكە ءارحيۆىمدى تەك مەكەمتاسقا سەنىپ قالدىرامىن” دەپ باعا بەرگەن عالىم مەكەمتاس مىرزاحمەت ۇلى بايانداماسىنىڭ ءبىر يىنىندە: ء“بىزدىڭ جاستارعا جەتپەي جاتقان ءبىر نارسە بار. ول – ۇلتتىق رۋح. ونىڭ قاينار بۇلاعىن باۋىرجان مومىش ۇلىنىڭ ەڭبەكتەرىنەن تابۋعا بولادى”, دەدى. كوز مايىن تاۋىسىپ, ءوزى باس بولىپ قۇراستىرىپ جاتقان 45 تومدىق كىتاپتىڭ دايىن 30 تومىنىڭ العاشقى دانالارىن ۋنيۆەرسيتەت رەكتورىنا تابىس ەتتى.
جيىندا باۋىرجان مومىش ۇلى ماسكەۋ تۇبىندەگى شەشۋشى ايقاستا ەرلىكتىڭ وشپەس ۇلگىسىن كورسەتكەنى, ول باسقارعان روتا, باتالون, ديۆيزيا جاۋىنگەرلەرى قاھارماندىعى جان-جاقتى دالەلدەر مەن العا تارتىلدى.
“ەگەمەن-اقپارات”.