سەنات توراعاسى قاسىم-جومارت توقاەۆتىڭ توراعالىعىمەن وتكەن پالاتانىڭ كەشەگى پلەنارلىق وتىرىسىنىڭ كۇن تارتىبىندە ەكى زاڭ جوباسى ءبىرىنشى وقىلىمدا قارالدى. ءبىرىنشىسى ازاماتتىق زاڭناماعا قاتىستى بولسا, سوڭعىسى كولىك ماسەلەلەرىنە قاتىستى بولدى.
“قازاقستان رەسپۋبليكاسىنىڭ كەيبىر زاڭنامالىق اكتىلەرىنە ازاماتتىق زاڭنامانى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى” زاڭ جوباسىن ادىلەت ۆيتسە-ءمينيسترى دۋلات قۇسداۋلەتوۆ تانىستىردى. زاڭدىق قۇجاتتا جەكەمەنشىك ينستيتۋتتارى مەن كەلىسىم-شارتتىق قاتىناستاردى نىعايتۋ ماقساتىندا زاڭ جوباسىمەن مامىلە جارامسىزدىعىنا, كەپىلدىك جارنا ينستيتۋتىن ەنگىزۋگە, كولىك قۇرالىن ەكيپاجسىز جالداۋ شارتىنا قاتىستى وزگەرىستەر مەن تولىقتىرۋلار كوزدەلگەن. سونداي-اق جىلجىمايتىن قۇقىقتاردى تىركەۋ سالاسىنداعى قۇقىقتىق ولقىلىقتاردى جويۋعا, زاڭدى تۇلعانىڭ جەكە م ۇلىكتىك ەمەس قۇقىقتاردى بۇزعانى ءۇشىن مورالدىق زياندى ءوندىرىپ الۋ مۇمكىندىگىن بولدىرماۋعا باعىتتالعان تۇزەتۋلەر دە ەنگىزىلەدى.
كۇن تارتىبىندەگى دەپۋتاتتاردىڭ قىزىعۋشىلىعىن تۋدىرعان ەكىنشى ماسەلە “قازاقستان رەسپۋبليكاسىنىڭ كەيبىر زاڭنامالىق اكتىلەرىنە كولىك ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى” زاڭ جوباسى بولدى. ول بويىنشا باياندامانى كولىك جانە كوممۋنيكاتسيالار مينيسترلىگىنىڭ جاۋاپتى حاتشىسى جەڭىس قاسىمبەك جاسادى. زاڭ جوباسىنىڭ ماقساتى – كولىك قىزمەتىن مەملەكەتتىك رەتتەۋ جۇيەسىن جانە تاسىمالداۋ پروتسەسىن جەتىلدىرۋ, كولىك سالاسىنداعى قۇقىقتىق ولقىلىقتاردى جويۋ جانە ۇلتتىق كولىك زاڭناماسىن حالىقارالىق قۇقىق نورمالارىنا سايكەس كەلتىرۋ. سونداي-اق تۇزەتۋلەرمەن قالاارالىق جانە حالىقارالىق قاتىناستاردا اۆتوبۋستارمەن جانە شاعىن اۆوبۋستارمەن جولاۋشىلاردى تاسىمالداۋدى ليتسەنزيالاۋ كوزدەلگەن. مۇنداي ءتاسىل كوپتەگەن ەۋروپالىق ەلدەردە, ماسەلەن, ۇلىبريتانيا, شۆەتسيا, بەلگيادا بار كورىنەدى. نەگىزىنەن جول اپاتى كولىك جۇرگىزۋشىنىڭ ۇيىقتاپ كەتۋىنەن نەمەسە جىلدامدىقتى تىم اسىرىپ جىبەرۋىنەن ورىن الىپ جاتاتىنى انىقتالعان. سوندىقتان زاڭدىق قۇجاتتى ازىرلەۋشىلەر وبلىسارالىق تاسىمالداۋمەن اينالىساتىن كولىكتەرگە تاحوگراف ورناتۋدى مىندەتتەۋدى ۇسىنىپ وتىر. ال ەۋرووداق قۇرامىنا كىرەتىن ەلدەر ءتىپتى تاحوگرافتان ساندىق ۇلگىگە كوشۋدى تالاپ ەتە باستاعان. سونىمەن قاتار, ۇلتتىق تەڭىز تاسىمالشىسىن ايقىنداۋ جونىندەگى نورمالار جانە وزگە دە وزگەرىستەر كورىنىس تاپقان.
زاڭ جوباسى بويىنشا دەپۋتاتتار كوپتەگەن سۇراقتار قويىپ, وعان تۇشىمدى جاۋاپتار الدى. كۇن تارتىبىندەگى ماسەلەلەردى مۇقيات تالقىدان وتكىزگەن دەپۋتاتتار ەكى زاڭ جوباسىن دا ءبىرىنشى وقىلىمدا ماقۇلداۋدى ۇيعاردى.
اسقار تۇراپباي ۇلى.