مەملەكەت باسشىسى نۇرسۇلتان نازارباەۆ پرەمەر-ءمينيستردىڭ ءبىرىنشى ورىنباسارى ومىرزاق شوكەەۆتى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
ءو.شوكەەۆ پرەزيدەنتتى قازاقستاننىڭ ۇكىمەتتىك دەلەگاتسياسىنىڭ اقش-قا ساپارىنىڭ قورىتىندىلارى تۋرالى حاباردار ەتتى. وندا قازاقستاننىڭ بسۇ-عا كىرۋى تۋرالى ماسەلە بويىنشا كەلىسسوزدەر ءجۇرگىزىلگەن.
– كەلىسسوزدەر ءۇش باعىتتا: تاۋارلار توبى, قىزمەت ساۋداسى جونىندە جانە جۇيەلىك ماسەلەلەر بويىنشا جۇرگىزىلۋدە. تاۋارلار ساۋداسى جونىندەگى كەلىسسوزدەر اياقتالۋعا جاقىن – تەك تەحنيكالىق جۇمىستار قالدى. قىزمەت ساۋداسى جونىندە – ءبىز بۇگىنگى كۇنى قالىپتاسقان بىرنەشە پروبلەمالىق ماسەلەلەردى شەشۋدىڭ جولدارىن بەلگىلەدىك. ال جۇيەلىك ماسەلەلەرگە قاتىستى ايتساق, ءبىز ءۇشىن ەڭ ماڭىزدى ماسەلە – قازاقستاندىقتاردى قامتۋ ەكىجاقتى كەلىسسوزدەر اياسىنان شىعارىلىپ, كوپ جاقتى فورماتقا اۋىستىرىلدى. بۇل ءبىز ءۇشىن ءىرى جەتىستىك بولىپ تابىلادى, – دەدى جۋرناليستەرگە ارنالعان بريفينگتە ءو.شوكەەۆ.
كەزدەسۋ بارىسىندا سونداي-اق ازىق-ت ۇلىكتىڭ ىشكى رىنوگىندا تۇراقتىلىقتى ساقتاۋ جونىندەگى ءىس-شارالار تۋرالى ءسوز بولدى.
ءبىز جىل بويىنا ازىق-ت ۇلىكتىڭ نەگىزگى تۇرلەرى بويىنشا باعانىڭ تۇراقتى بولۋى ءۇشىن بىرقاتار قوسىمشا شارالاردى ازىرلەدىك. بۇل شارالار مەملەكەت باسشىسىنان قولداۋ تاپتى, – دەدى پرەمەر-ءمينيستردىڭ ءبىرىنشى ورىنباسارى.