جۋىردا الماتى وبلىسى قاپشاعاي قالاسى زارەچنىي اۋىلىنداعى №12 ورتا مەكتەپتە “مەكتەپكە جول” رەسپۋبليكالىق قايىرىمدىلىق اكتسياسى وتكىزىلدى. اكتسيا از قامتىلعان, كوپ بالالى , جەتىم بالالار جانە دە اتا-انالارىنىڭ قامقورلىعىنان ايىرىلعان وقۋشىلارعا قولداۋ كورسەتۋ ماقساتىندا ءوتكىزىلدى. وعان مەملەكەتتىك مەكەمەلەر, جەكە كاسىپكەرلەر, اكتسيونەرلىك قوعامدار بەلسەنە قاتىستى. سونىڭ ىشىندە ءبىزدىڭ لا-155/12 مەكەمەسىنىڭ قىزمەتكەرلەرى دە بار. اتالمىش ءبىلىم ۇياسىنىڭ 8 سىنىپ وقۋشىسى مۇقاعالي ابىلقاسىموۆ پەن 4 سىنىپ وقۋشىسى ساۋلە بايدايروۆاعا مەكتەپ فورمالارى مەن وقۋعا قاجەت قۇرالدار تاپسىردىق. بۇل اكتسيا پاتريوتيزم مەن رۋحاني-ادامگەرشىلىك, زەردە مادەنيەتىنە ارنالعان. سونىمەن قاتار, شارا وقۋشىلاردىڭ جان-جاقتى قىزىعۋشىلىعىن, قابىلەتىن, سالاماتتى ءومىر سالتىن ارتتىرۋ, قالىپتاستىرۋ ماقساتىندا ءجۇزەگە اسىرىلعانىن ايتا كەتكەنىمىز ءجون.
ج.جاپاشەۆا, ادىلەت لەيتەنانتى.
الماتى وبلىسى.