ساقشىلار ساقاداي ساي

استانا قالالىق ىشكى ىستەر دە­پارتامەنتىندە 2010 جىلدىڭ 8 ايى قورىتىندىسى بويىنشا قالا اكىمى يمانعالي تاسماعامبەتوۆتىڭ قاتى­سۋىمەن جيىن وتكىزىلدى. كەزدەسۋ بارىسىندا اعىمداعى جىلدىڭ 1-2 جەلتوقسانىندا ەقىۇ-عا قاتىسا­تىن ەلدەر باسشىلارى مەن ۇكىمە­تىنىڭ ءسامميتىن, 2011 جىلعى قىسقى ازيا ويىندارىن وتكىزۋ قارساڭىندا استانا قالالىق ىشكى ىستەر دەپار­تامەنتى قىلمىسكەرلىكپەن كۇرەس, قۇقىق بۇزۋشىلىقتىڭ الدىن الۋ جانە قوعامدىق قاۋىپسىزدىكتى قامتا­­ماسىز ەتۋ بويىنشا شارالار قول­دا­­نۋ تۋرالى ماسەلەلەر تالقىلاندى. ەقىۇ-نىڭ استانادا وتەتىن سامميتىنە 50-دەن استام ەلدىڭ باس­شى­لارى مەن ۇكىمەت باسشىلارى, 12 سە­رىكتەس ەل مەن 55 حالىقارالىق ۇي­ىم جانە 700-دەن استام باق وكىل­دە­رى, 500 ۇكىمەتتىك ەمەس ۇيىم, ەقىۇ حاتشىلىعىنىڭ 110 قىزمەتكەرى كە­لە­دى دەپ جوسپارلانۋدا. كەلۋشىلەردىڭ جالپى سانى 5 مىڭنان استام بولادى. استانا قالالىق ىشكى ىستەر دە­پارتامەنتىنىڭ باستىعى, پوليتسيا گە­نەرال-مايورى مارات دەمەۋوۆ قا­لا اكىمىنە ەقىۇ سامميتىنە قو­عام­دىق قاۋىپسىزدىكتى قامتاماسىز ەتۋ بويىنشا ەلوردالىق ساقشى­لار­دىڭ ساقاداي ساي ەكەنىن جەتكىزدى. قازىرگى تاڭدا استانا قالاسىنىڭ ءىىد قىلمىسپەن كۇرەس, قۇقىق بۇ­زۋشىلىقتىڭ الدىن الۋ جانە قو­عامدىق ءتارتىپتى قامتاماسىز ەتۋ بوي­ىنشا جەدەل-الدىن الۋ شا­را­لا­رىن جۇرگىزۋ قولعا الىنىپ وتىر. كۇ­نى­نە شاھار كوشەلەرىنە مىڭنان اس­تام قىزمەتكەر شىعىپ, ەلدىڭ تى­نىش­­تىعىن كۇزەتەدى. قازىردەن باس­تاپ قالاداعى بازارلار, ويىن-ساۋىق وشاقتارى, قۇرىلىس الاڭدارى تەك­سە­رىلىپ جاتىر. جيىن سوڭىندا قالا اكىمى ەل­ور­دالىق ساقشىلارعا سەنىم ءبىلدىرىپ, اتقارىپ وتىرعان جۇمىستارىنا جاق­سى دەگەن باعا بەردى. “ەگەمەن-اقپارات”.