قازاقستان رەسپۋبليكاسى ءبىلىم جانە عىلىم مينيسترلىگى 2010 جىلعى 27 قىركۇيەك جانە 20 قازان ارالىعىندا قازاقستان رەسپۋبليكاسى ۇكىمەتىنىڭ “دارىن” مەملەكەتتىك جاستار سىيلىعىنا كونكۋرس جاريالايدى.
“دارىن” مەملەكەتتىك جاستار سىيلىعى (بۇدان ءارى – سىيلىق) قازاقستان رەسپۋبليكاسىنىڭ 35 جاسقا دەيىنگى ازاماتتارىنا جەمىستى عىلىمي, شىعارماشىلىق جانە قوعامدىق قىزمەتى ءۇشىن بەرىلەدى. سىيلىق تالانتتى جاستاردى ىنتالاندىرۋ جانە ولاردىڭ ايرىقشا ءسىڭىرگەن ەڭبەگىن تانۋ ماقساتىندا بەرىلەدى.
سىيلىق مىناداي (سانى 10): عىلىم, ادەبيەت, جۋرناليستيكا, سپورت, حالىق شىعارماشىلىعى, ديزاين جانە بەينەلەۋ ونەرى, ەسترادا, تەاتر جانە كينو, كلاسسيكالىق مۋزىكا, قوعامدىق قىزمەت اتاۋلارى بويىنشا ەكى جىلدا ءبىر رەت بەرىلەدى.
سىيلىق بەرۋگە قىزمەتى يننوۆاتسيالىق بولىپ تابىلاتىن جانە ءتيىستى سالانى جانە تۇتاستاي العاندا قوعامدى دامىتۋعا ىقپال ەتەتىن كانديداتتار ۇسىنىلادى.
ءبىر كانديداتۋرانى سىيلىققا قايتا ۇسىنۋعا بولمايدى. ءبىر كانديداتۋرانى ءبىر سالادان ارتىق سىيلىققا ۇسىنۋعا بولمايدى.
ىزدەنۋشىگە كەلەسىدەي قۇجاتتار ۇسىنىلادى:
ۇسىنىمحات-مىنەزدەمە;
ۇسىنۋشى ۇيىمنىڭ شەشىمى;
جەكە پاراق;
2 سۋرەت (4ح6).
“عىلىم” اتاۋى بويىنشا قوسىمشا ارنايى مەملەكەتتىك عىلىمي-تەحنيكالىق ساراپتامانىڭ قورىتىندىسى قاجەت.
سپەكتاكلدەردى, كينو جانە تەلەفيلمدەردى, بەينەلەۋ ونەرىنىڭ كورمەلەرىن قاراۋدى, كونتسەرتتىك باعدارلامالار مەن مۋزىكالىق شىعارمالاردى تىڭداۋدى ۇيىمداستىرۋ, سىيلىققا ۇسىنىلعانداردىڭ قىزمەتىمەن تانىستىرۋ ۇسىنۋشى ۇيىمدارمەن بىرگە قازاقستان رەسپۋبليكاسى ۇكىمەتىنىڭ “دارىن” مەملەكەتتىك جاستار سىيلىعى ءجونىندەگى كوميسسياسىنا جۇكتەلەدى.
سىيلىق العان ادامدارعا قازاقستان رەسپۋبليكاسى ۇكىمەتىنىڭ “دارىن” مەملەكەتتىك جاستار سىيلىعىنىڭ لاۋرەاتى” اتاعى بەرىلىپ, ديپلوم, ومىراۋعا تاعاتىن بەلگى جانە اقشالاي سىيلىق تابىس ەتىلەدى.
سىيلىق اۆتورلار ۇجىمىنا بەرىلسە, ونىڭ اقشالاي بولىگى ولاردىڭ مۇشەلەرى اراسىندا تەڭ ءبولىنەدى.
سىيلىقتار سالتاناتتى جاعدايدا تاپسىرىلادى, ناگرادتاۋ ءراسىمى قازاقستان رەسپۋبليكاسىنىڭ تاۋەلسىزدىك كۇنىنە ورايلاستىرىلادى.
كونكۋرستىق قۇجاتتار 2010 جىلعى 27 قىركۇيەك جانە 20 قازان ارالىعىندا قازاقستان رەسپۋبليكاسىنىڭ ءبىلىم جانە عىلىم مينيسترلىگىنىڭ تاربيە جۇمىسى جانە جاستار ساياساتى دەپارتامەنتىندە كەلەسى مەكەن-جاي بويىنشا قابىلدانادى: 010000, استانا ق., ورىنبور كوشەسى, 8, مينيسترلىكتەر ءۇيى, 659 كاب., تەل.: 74 23 52.