باس پروكۋراتۋرا القاسىنىڭ كەزەكتى كەڭەيتىلگەن وتىرىسى بولىپ ءوتتى. وندا كاسىپكەرلەردىڭ ليتسەنزيالانعان قىزمەت اياسىنداعى قۇقىقتارىن قورعاۋدى, سونداي-اق جەدەل ءىزدەستىرۋ ءىس-شارالارىن جۇرگىزگەن كەزدە ازاماتتاردىڭ كونستيتۋتسيالىق قۇقىقتارىن قورعاۋدى كۇشەيتۋ ماسەلەلەرى قارالدى. تەرگەۋ جانە وزگە دە ارەكەتتەردى جۇزەگە اسىرعان كەزدە قۇپيا جانە قىزمەتتىك اقپاراتتاردى قورعاۋ ماسەلەلەرىنە ەرەكشە كوڭىل ءبولىندى.
القا جۇمىسىنا جوعارعى سوتتىڭ جانە قۇقىق قورعاۋ ورگاندارىنىڭ وكىلدەرى قاتىستى.
تالقىلاۋ ناتيجەلەرى بويىنشا قۇقىق قورعاۋ ورگاندارىنىڭ ءوزارا ءىس-قيمىلىنىڭ ناتيجەلىلىگىن ارتتىرۋ, كۇشتەرىن ۇيلەستىرۋ, شاعىن جانە ورتا بيزنەس وكىلدەرىنىڭ قۇقىقتارى مەن زاڭدى مۇددەلەرىن ءتيىمدى قورعاۋعا باعىتتالعان پروكۋرورلىق قاداعالاۋ مەن ۆەدومستۆولىق باقىلاۋدىڭ ءرولىن ارتتىرۋ ءجونىندە بىرقاتار ۇسىنىستار ەنگىزىلدى جانە شارالار پىسىقتالدى, دەپ حابارلادى قازاقستان رەسپۋبليكاسى باس پروكۋراتۋراسىنىڭ ءباسپاسوز قىزمەتى.