ازيادا جارشىسى

“ەگەمەن قازاقستاننىڭ” ءVىى قىسقى ازيا ويىندارىنا ارنالعان سارسەنبىلىك بەتى جابىق كونكي تەبۋ ستاديونى استانادا قىسقى ازيا ويىندارىنا ارنالىپ سالىنىپ جاتقان ەسىل وزەنىنىڭ سول جاعالاۋىنداعى جابىق كونكي تەبۋ ستاديونى – تمد ەلدەرىنىڭ ىشىندە تەڭدەسى جوق, بۇكىل دۇنيە جۇزىندەگى ساۋساقپەن سانارلىقتاي عانا سپورت وردالارىنىڭ ءبىرى. قازىر جەر-ءجۇزى بويىنشا مۇنداي قىسقى سپورت تۇرلەرىنە ارنالعان ستاديوندار التاۋ عانا بولسا, ەلوردا تورىندە بوي كوتەرىپ جاتقان الىپ ارەنانىڭ سولاردىڭ ىشىندەگى ەڭ ساۋلەتتىسى دە, داۋلەتتىسى دە بولاتىنى ءسوزسىز. ويتكەنى, ونىڭ ەڭسەسى, بيىكتىگىن ايتپاعاندا, ءتورت بلوكتان تۇراتىن, قازىرگى زامان تالاپتارىنا ساي ءۇش قاباتتى جابىق مۇز ايدى­نى, جەتى قاباتتى قوناق ءۇيى, بەس قاباتتى فيت­نەس-ورتالىعى مەن ءۇش قاباتتى اكىمشىلىك عيما­را­تى بولسا, كورەرمەندەرگە ارنالعان 8711 ورنى بار. جاقىندا ستاديوننىڭ سالىنۋ بارىسى, ونىڭ ويىندارعا دايىندىعى جونىندە مالىمەت الۋ ءۇشىن الىپ كەشەنگە بارعانىمىزدا, قۇرىلىستىڭ باس مەردىگەرى – تۇركيالىق “سەمبول – ۋلۋسلاراراسى” كومپانياسىنىڭ باسشىلارىنان ءوز ءىسىنىڭ بىلگىرى, ءوزى بىرنەشە جىلدان بەرى وسى جۇمىسپەن اينالىسىپ كەلە جاتقان اتالمىش فيرمانىڭ ساۋلەتشىسى الپار تۋنامەن كەزدەسىپ, ودان ءبىزدى قىزىقتىرعان سۇراقتارعا جاۋاپ بەرۋىن وتىنگەن ەدىك. – ءوزىڭىز ساۋلەتشىسىز عوي, سىزگە قالاي, ستاديوننىڭ جوباسى ۇنادى ما؟ – ستاديوننىڭ جوباسىن ءبىز جاساعان جوقپىز. ونى جەرگىلىكتى ما­ماندار جاساعان. جوباسى جاقسى, قازىرگى زامان تالابىنا ساي كەلەدى. جالپى, قاي ءىس بولسىن جوبادان باستالادى عوي. قۇرىلىستىڭ جوباسى جاقسى, تارتىمدى بولسا, جۇمىس تەز, ەشقانداي قيىندىقسىز جۇرەدى. – سىزدەر قۇرىلىستى 2007 جىلى باستادىڭىزدار عوي. قۇرىلىستى كەزەڭ-كەزەڭگە ءبولىپ جۇرگىزىپ جاتىرسىزدار ما؟ – ءيا, قۇرىلىستاعى جۇمىس كە­زەڭگە ءبولىنىپ جۇرگىزىلىپ جاتىر. ءبى­راق, جۇمىس كەزىندە ءبىراز قارجىلىق جاعىنان, اۋا رايىنىڭ قولايسىز­دىعىنان كەدەرگىلەر بولعانىن ايتۋ كەرەك. – جۇمىستى الدىمەن نەدەن باستادىڭىزدار؟ – جوبانىڭ قۇجاتتارىن رەت­تەدىك, سودان كەيىن قازىعىن قاقتىق. – ءيا, ول تۇسىنىكتى عوي. سىزدەن سۇرايىن دەگەنىم, ءوزىڭىز جاقسى بىلەسىز عوي, بىزدە مۇنداي ستاديون ەشقاشان سالىنباعان. بۇل سپورت ورداسى ەلىمىزدە عانا ەمەس, تمد-دا تەڭدەسى جوق ستاديون بولىپ وتىر ەمەس پە. قازىعىن قاققاننان كەيىن ستاديون بىردەن سالىنباعان شىعار... – بىلەسىز بە, قىسقى سپورت ءتۇر­لەرىنە ستاديون سالۋ وڭاي شارۋا ەمەس. ءار نارسەگە ۇقىپتى بولۋ كەرەك. ەڭ الدىمەن ءبىز ونىڭ ىشكى جۇمىس­تارىمەن بىرگە, سىرتقى جاعىن دا سالا باستادىق. ءبارىن ءبىر-بىرىنەن قال­دىرماي سالۋ كەرەك بولدى. جا­ڭاعى ايتقانىڭىز دۇرىس, مۇنداي استاناداعى سياقتى كونكي تەبۋ ستاديونى قازاقستانعا كورشىلەس ەلدەردە جوق. دۇنيە جۇزىندە مۇنداي ستاديون ساۋساقپەن سانارلىق. سون­دىقتان ءبىز ونى سالۋدى قولعا ال­عاندا موينىمىزعا جۇكتەلگەن جا­ۋاپ­كەرشىلىكتى جاقسى سەزىندىك. جال­پى, بۇل ستاديوندى ءبىز كونكي تەبۋ ءۇشىن عانا ەمەس, ەڭ باستىسى, مۇندا  الەم­دىك رەكوردتار جاساۋ, وعان بولاشاقتا بارلىق ەلدەر تاڭداي قاعىپ قاراۋ, وسى جەردە كوپتەگەن حالىقارالىق جارىستار مەن تۋر­نير­لەر وتكىزۋ ءۇشىن سالىپ جاتىرمىز. ءبىزدىڭ باستى ماقساتىمىز – ەرتەڭ كوپ­شىلىك وسى ادامدار قازاقستانعا كون­كي تەبۋ ستاديونىن سالىپ, قول­تاڭباسىن قالدىرىپ كەتتى دەپ ايتا جۇرەتىندەي دەڭگەيدە جۇمىس ىستەۋ. – دەگەنمەن, ستاديوندى مەر­زى­مىن­دە بىتىرەمىز دەپ استانانىڭ قىسىندا قينالعان كەزدەرىڭىز بولدى ما؟ – ءبىز 40 گرادۋس ايازدا دا جۇمىس ىستەدىك. جەرگىلىكتى ماماندار, شەت­ەلدىك قىزمەتكەرلەر وسىنىڭ بارىنە شىدادى. سوندا دا قۇرىلىستى توق­تاتقان جوقپىز. بىراق, شىنىن ايتۋ كەرەك, قىستا سىلاۋ, اكتەۋ سياقتى جۇمىستاردا قيىندىق بولدى. ءيا, 2007-2009 جىلدارى قۇرىلىس باياۋ ءجۇردى. ول ەندى قارجى ماسە­لە­سىنە بايلانىستى بولدى. وسى ماسەلە شە­شىلگەننەن كەيىن, 2009 جىلى قۇ­رى­لىستىڭ تامىرىنا قايتا قان جۇگىردى دەسە بولادى. – قۇرىلىستىڭ قاي تۇسىندا قيىندىقتار كەزدەستى؟ – جوبالاۋ قۇجاتتارى تولىق جاسالماعان ەكەن. سوسىن, جاڭا ايت­قانىمداي, قارجى ۋاقىتىمەن بەرىل­مەگەن كەزدەر كەزدەستى. ال جۇمىس كە­زەڭ-كەزەڭگە بولىنگەن سوڭ ايتار­لىق­تاي قيىندىق تۋىنداعان جوق. – ستاديوننىڭ قاۋىپسىزدىگى قانشالىقتى ەسكەرىلگەن؟ – بۇل ستاديوننىڭ ءوزى تەحنو­لوگيالىق نىسان. سوندىقتان ونىڭ ەڭ باستى ماڭىزدى جەرى – قاۋىپ­سىزدىگى. بۇل ماسەلەمەن نەگىزىنەن ستا­ديوننىڭ قاۋىپسىزدىگىنە جاۋاپ بە­رە­تىن گوللانديالىق ماماندار اينا­لى­سادى. ال ءبىز بولساق, تەك قۇرىلىستىڭ باس مەردىگەرىمىز. – قۇرىلىستا نەشە ادام جۇمىس ىستەپ جاتىر؟ – 910 ادام. – قالالىق قۇرىلىس باسقارماسى سىزدەرگە قانداي تالاپ قويىپ وتىر؟ – باستى تالابى – قۇرىلىستى ازيادا قارساڭىندا ءبىتىرۋ. ءبىزدىڭ ويىمىزشا, ول وسى جىلدىڭ سوڭىندا بىتەدى. ويتكەنى, ستاديوننىڭ ءوزى وتە كۇردەلى نىسان. ول بىرنەشە بلوكقا ءبولىنىپ سالىنۋدا. ماسەلەن, ەڭ ۇلكەن “ا” بلوگىندا جابىق مۇز ايدىنى بولادى. ونىڭ اۋماعى – 35 970 شار­­شى مەتر. مۇندا كورەرمەندەردىڭ كىرىپ-شىعۋ ەسىگى, سانۋزەل, سپورت­شى­لارعا ارنالعان ورىندار, مەديتسينا­لىق-تاربيەلەۋ ورتالىعى, تورەشىلەر بولىمدەرى, باق وكىلدەرىنە, كاسسا, تەحنيكالىق جابدىقتار, مۇزدى الماستىرۋ كولىكتەرىنە ارنالعان ورىندار بولادى. ەكىنشى قاباتىندا تريبۋناعا باراتىن ەسىكتەر, ءباسپاسوز ءماسليحاتى وتەتىن زال, ءۇشىنشى قاباتى كورەرمەندەردىڭ قاۋىپتى جاعداي بول­عان­دا سىرتقا شىعاتىن قوسالقى ەسىك­تەرگە, اسحاناسى بار بانكەتتىك زالعا, ديسپەتچەرلىك ورتالىققا, ءVىP لوجاسى مەن تەحنيكالىق ورىندارعا ارنالعان. “ب” بلوگىنىڭ ءبىرىنشى قاباتىندا قوناق ءۇي, مۇز ايدىنىنا كىرەتىن ۆەستيبيۋل بولادى. قوناق ۇيدە اكىم­شىلىك, تىركەلۋ ورنى, برونداۋ بيۋروسى, زاتتار ساقتاۋ بولمەلەرى, بايلانىس, ۆەستيبيۋل بولمەلەرى سالىنادى. قوناق ۇيدە 44 ءنومىر بولادى جانە ول تەك سپورتشىلارعا ارنالادى. “ۆ” بلوگىندا فيتنەس-ورتالىق ورنالاسادى. وندا كيىم اۋىستىرۋ بولمەسى, ءدامحانا, ەكى باسكەتبول الاڭىنا ارنالعان سپورت زال, كار­ديو­ترەناجەر, اەروبيكا, يوگا, پيلاتەسا جانە باسقا دا زالدار بولادى. سون­داي-اق, وندا كوسمەتولوگيا بولمەسى اشىلادى. ال “گ” بلوگى ستاديوننىڭ اكىمشىلىك جانە ينجەنەرلىك-تەح­ني­كالىق قىزمەتىنە ارنالادى. جالپى, مۇندا سپورتتىق جارىستارمەن بىرگە جاتتىعۋلار وتكىزۋگە دە جاعداي جا­سالادى. ماسەلەن, ايدىننىڭ 400 مەترلىك جولى كونكي تەبۋ جارىسىنا ارنالىپ سالىنۋدا. سونىمەن بىرگە, وندا شورت-ترەك, حوككەي, كەرلينگ, مانەرلەپ سىرعاناۋ جارىستارىن وتكىزۋگە بولادى. – ستاديون قازىر نەشە پايىزعا دايىن؟ 80 پايىزعا. اكتەۋ-سىرلاۋ سياقتى از عانا جۇمىستارى قالدى. مۇز ايدىنى قاراشا ايىندا سا­لىنادى, ودان كەيىن ول تاعى دا قايتا جاسالادى. ءسويتىپ, ەكى رەت سىناقتان وتكەن سوڭ جەلتوقسان ايىندا پايدا­لانۋعا بەرىلەدى. قىسقاسى, وسى كەزدە ستاديونعا تاعى كەلىپ, ونىڭ ازياداعا دايىندىعىن كورۋلەرىڭىزگە بولادى. * * * كۇن سايىن جاڭا ۇسىنىس, جاڭا تىلەكتەر وسى كۇندەرى قىسقى ازيا ويىندارىنا بايلا­­نىستى سپورت باسشىلارى ءجيى كەزدەسىپ, جارىسقا دايىندىق ماسەلەلەرىن تالقىلاۋدا. جۋىردا سونداي جيىنداردىڭ ءبىرى تۋريزم جانە سپورت مينيسترلىگىندە ءوتتى. وندا ازياداعا نەشە ەلدەن ءوتىنىش كەلىپ تۇسكەنى جانە جارىسقا قاتىساتىن قازاقستان سپورتشىلارىنىڭ سانى بەلگىلى بولدى. “2011 جىلعى ءVىى قىسقى ازيا ويىندارىن ۇيىمداس­تىرۋ كوميتەتىنىڭ اتقارۋشى ديرەكتسياسى” اق-تىڭ پرەزيدەنتى ءاناتولى قۇلنازاروۆتىڭ ايتۋىن­شا, ازياداعا ەڭ كوپ قاتىساتىن سپورتشىلار ءبىزدىڭ ەلدەن بولادى. بارلىعى – 167 سپورتشى. ال قى­تاي­دان جارىسقا 140-تان استام سپورتشى كەلەدى دەپ كۇتىلۋدە. سونىمەن بىرگە, ول قازىر قىسقى ويىندارعا قاتىسۋعا 24 مەملەكەتتەن ءوتىنىش كەلىپ تۇسكەنىن, تاپ­سىرىس بەرۋ مەرزىمى 1 قاراشا كۇنى اياقتالاتىنىن اي­تا كەلىپ, جالپى ازيادانى 350 مىڭ جانكۇيەر تاما­شالايتىن بولسا, شەت ەلدەن قازاقستانعا 10 مىڭنان استام ءتۋريستىڭ كەلۋى كۇتىلىپ وتىرعانىن جەتكىزدى. ەكىنشى جيىن الماتىدا ءVىى قىسقى ازيا ويىن­دارىنىڭ ءانۇرانىنا بايقاۋ جاريالاۋ ماسەلەسىنە ارنالدى. مۇندا قاي تىلدە جازىلعان ءانۇران جەڭىم­پاز دەپ تانىلسا, ازيادانىڭ اشىلۋ جانە جابىلۋ سالتاناتتارىندا ول سول تىلدە شىرقا­لا­تىنى بەلگىلى بولدى. جيىندا بايقاۋدى ۇيىمداستى­رۋشىلار جارىستىڭ ءانۇرانى حالىق پەن سپورتشى­لاردىڭ رۋ­­حىن وياتاتىن بولۋىنا, جاتتاۋعا جەڭىل جانە سپورت­تىق ۇلگىدە جازىلۋى ءتيىس ەكەنىنە نازار اۋدارىلا­تىنىن ايتتى. دەگەنمەن, “2011 جىلعى ءVىى قىسقى ازيا ويىندارىن ۇيىمداستىرۋ كوميتەتىنىڭ اتقارۋ­شى ديرەكتسياسى” اق-تىڭ ۆيتسە-پرە­زيدەنتى ەۆگەني نيكيتينسكي جەڭىمپازدى انىق­تاۋ كەزىندە باسىم­دىق مەملەكەتتىك تىلدە جا­زىل­عان انۇرانعا بەرىلەتىنىن جاسىرمادى. “سوندىقتان, ­­– دەدى ول, – قازاق ءتىلدى اق­ىندار مەن كومپوزيتورلار بايقاۋدا بارىن سالۋلارى ءتيىس”. وسى باسقوسۋدا بايقاۋدىڭ قازىلار توراعاسى بولىپ اتالمىش ديرەكتسيانىڭ پرەزيدەنتى ءاناتولى قۇلنازاروۆ, ونىڭ ورىنباسارى بولىپ بەلگىلى ءانشى ءارى كومپوزيتور جەڭىس سەيدوللا ۇلى, قازىلار قۇ­رامىنا قىدىرالى بولمان سياقتى تاعى التى ءانشى, كومپوزيتورلاردىڭ كىرگەنى جاريا ەتىلدى. ءسويتىپ, بايقاۋدى ۇيىمداستىرۋشىلار كوميتەتىنىڭ مۇشە­لىگىنە بارلىعى 9 مامان ەنىپ وتىر. ولار وزدەرىنە ءتۇس­­كەن ۇسىنىستاردى 1 قازانعا دەيىن قابىلدايدى. ال 7 قازان كۇنى ونىڭ قورىتىندىسى شىعارىلادى. سول كۇنى الماتىدا ۇلكەن گالا-كونتسەرت ءوتىپ, اشىق داۋىسقا سا­­لۋدىڭ ناتيجەسىندە ازيادانىڭ ءانۇرانى انىقتالادى. جيىندا بايقاۋدىڭ ەرەجەلەرىمەن تانىستىرعان قىدىرالى بولمان مۋزىكالىق شىعارمانىڭ ۇزاق­تىعى بەس مينوتتەن اسپاۋى كەرەكتىگىن جانە ءاندى ءبىر بولەك, ءماتىندى ءبىر بولەك جازامىن دەۋشىلەرگە ءمۇم­كىن­دىك بەرىلەتىنىن جەتكىزدى. ءسوز ورايىندا ايتا كەت­سەك, مۇنىڭ الدىندا ازيادانىڭ ءانۇرانى بولىپ ءانشى ەربولات قۇدايبەرگەنوۆتىڭ “مەن قازاقپىن” ءانى قاراستىرىلعان بولاتىن. بىراق, ازيادانى ۇيىمداستىرۋشىلار كەڭەسە كەلىپ, ءانۇراننىڭ سپورت­تىق پرينتسيپتەرگە ساي بولۋى كەرەكتىگىن ەسكەرىپ, ازيا­دا­نىڭ ءانۇرانىنا بايقاۋ جاريالاۋ جونىندە شەشىم قابىلداعان ەكەن. بايقاۋدىڭ جەڭىمپازىنا 1 ملن. تەڭگە كولەمىندە سىياقى بەرۋ ماسەلەسى دە سول كەزدە شەشىلىپتى. كەلەسى جيىن “2011 جىلعى ءVىى قىسقى ازيا ويىندارىن ۇيىمداستىرۋ جونىندەگى كوميتەتتىڭ ات­قارۋشى ديرەكتسياسى” اق پەن “قازاقتەلەكوم” ااق GSM “قازاقستان” جشس اراسىنداعى ىنتىماق­تاس­تىق تۋرالى كەلىسىم حاتتاماسىنا قول قويۋ ماسەلەسىنە ارنالدى. وسى جيىندا, كەلىسىمگە سايكەس, K Cell كوم­پانياسىنا “ازيادا-2011” ۇيالى بايلانىس وپەراتورى مارتەبەسى بەرىلدى. قازىرگى كۇنى “2011 جىلعى ءVىى قىسقى ازيا ويىن­دارىن ۇيىمداستىرۋ كوميتەتىنىڭ اتقارۋشى ديرەك­تسياسى” اق-تىڭ مالىمەتتەرىنە قاراعاندا, GSM قازاقستان/K Cell ازيادا ءۇشىن بايلانىس جەلىسىن ازىرلەۋمەن اينالىسۋدا. ماسەلەن, استانا مەن الما­­تى­دا سپورت نىساندارى مەن قوناق ۇيلەردەن, ويىن­دار كەزىندە پايدالانۋعا بەرىلەتىن باسقا دا جەرلەردەن سىناقتان وتكىزۋ جانە سول جەرلەرگە قوسىمشا جاب­دىقتار ورناتۋ جۇمىستارىن جۇرگىزۋدە. GSM قازاق­ستان/K Cell-ءدىڭ باس قارجى ديرەكتورى تولگا كوك­تۇرىكتىڭ ايتۋىنشا, جارىس­تىڭ رەسمي ۇيالى بايلانىس وپەراتورى بولۋ كومپا­نيا ءۇشىن زور مارتەبە, ۇلكەن جاۋاپكەرشىلىك. سون­دىقتان كومپانيا ازيادا كەزىندە تۇتىنۋشىلاردى ساپالى ۇيالى بايلانىسپەن قامتاماسىز ەتۋ ءۇشىن ءبارىن جاساماق. سونىمەن بىرگە, ت.كوكتۇرىك ازيادا كەزىندە ءوز ابونەنتتەرىنە قىزىقتى اقپارات الۋ ءۇشىن قوسىمشا قىزمەت تۇرلەرىن ۇسىنا­تىندارىن ايتتى. وسى جيىندا بەلگىلى بولعان تاعى ءبىر جاڭالىق, كومپانيا ويىندارعا قاتىسۋشىلار مەن قوناق­تاردى ساپالى ۇيالى بايلانىسپەن جانە ءموبيلدى ينتەر­نەتپەن قامتاماسىز ەتۋ ءۇشىن قوسىمشا با­زالىق ستانسالار ورناتاتىن بولادى. ول ءۇشىن, ارينە, قوسىمشا تەحنيكالىق پەرسونال جۇمىسقا تارتىلادى. * * * مەيماندار ءۇشىن – كادەسىيلار استانادا ەسىل وزەنىنىڭ سول جاعالاۋىنداعى “سارىارقا” ويىن-ساۋىق ورتالىعىندا اشىلعان قىسقى ازيا ويىندارىنىڭ كادەسىيلىق ونىمدەرىنە ارنالعان رەسمي پاۆيلون استانالىقتار مەن قالا قوناقتارىنا, جارىسقا قاتىسۋشىلار مەن شەت ەل تۋريستەرىنە تومەندەگى ونىمدەردى ۇسىناتىن بولادى. تۋريزم جانە سپورت مينيسترلىگى سپورت ىستەرى جونىندەگى كومي­تە­تىنىڭ توراعاسى ەلسيار قاناعاتوۆتىڭ ايتۋىنشا, پاۆيلون الداعى كەز­دە باسقا دا كادەسىيلار, ياعني سۋۆەنيرلەرمەن تولىقتى­رىلادى. سو­نىمەن بىرگە, “سارىارقا” وسو-داعى كينوتەاتردا اعىلشىن تىلىندە فيلمدەر كورسەتىلىپ, “مادەني ازيادا” جوباسىنىڭ اياسىنداعى بۇقارالىق ءىس-شارالاردى تاماشالاۋ ءۇشىن وسى جەردەن ارنايى اۆتوبۋستار ۇيىمداستىرىلادى. * * * اقجولتاي! ازيادادا قازاقستان دەلەگاتسياسى مۇشەلەرىنىڭ ارقايسىسى 2,5 مىڭ دوللارعا كيىنەدى. كيىمدەردىڭ ۇلگىسىن جاساپ, تىگۋمەن جاپوندىق “ميزۋنا” فيرماسى اينالىسۋدا. كي­ىم­دەرگە تاپسىرىس بەرىلىپ قويىلعان. ولار قارا-كوك ءتۇستى بولادى. “2010 جىلعى ءVىى قىسقى ازيا ويىندارىن ۇيىمداستىرۋ كوميتەتىنىڭ اتقارۋشى ديرەك­تسيا­سى” اق-تىڭ مالىمەتتەرىنە قاراعاندا, اكىمدىك تاراپىنان قىزمەت كورسەتەتىن ادامدار, “مادەني ازيادا” جوباسىنا قاتىسۋشىلار مەن جارىستىڭ الاۋىن ۇستاپ جۇرەتىندەر باسقا تۇستەگى كيىمدەر كيەدى. قازاق­­ستان دەلەگاتسياسىنىڭ وسىنشاما قارجىعا كيىنۋى “سامۇرىق-قازىنا” قورىنىڭ دەمەۋشىلىگى ەسەبىنەن مۇمكىن بولىپ وتىر. قور ازياداعا 3 ملرد. دوللار كولەمىندە قارجى بولەتىن بولدى. * * * ازيادا ايشىقتارى رەسەيلىك اقپارات قۇرالدارىنىڭ قاۋىپسىزدىگىمەن اينالىساتىن “دوكتور ۆەب” كومپانياسى قىسقى ازيا ويىندارىنىڭ قاۋىپسىزدىگىن قامتاماسىز ەتۋ جونىندەگى رەسمي ارىپتەسى بولىپ تاڭداپ الىندى. ء“Vىى قىسقى ازيا ويىندارىن ۇي­ىمداستىرۋ كوميتەتىنىڭ اتقارۋشى دي­رەك­تسياسى” اق-تىڭ ۆيتسە-پرەزيدەنتى ماعجان قانعوجيننىڭ ايتۋىنشا, قازىرگى كەزدە سونى اقپاراتتىق تەحنولوگيالار جارىس­تاردا ءجيى پايدالانىلادى. رەسەيلىك كوم­پانيا بۇل ىسپەن بىرنەشە جىلدان بەرى اينالىسۋدا. “دوكتور ۆەب” كومپانيا­سى­نىڭ باعدارلامالارى اتالمىش ديرەكتسيا­نىڭ ءىت-ماماندارىنىڭ عالامتورعا شا­بۋىلدان, جۇقپالى ۆيرۋستار مەن باسقا دا ويىنداردىڭ جۇمىسىنا كەرى اسەر ەتەتىن نارسەلەردەن قورعاۋعا مۇمكىندىك جاسايدى. سونىمەن بىرگە, ول قىسقى ازيادانى تىكە­لەي كورسەتىلىممەن قامتاماسىز ەتەتىن ەلەك­تروندى تابلو, جارىق انيماتسياسى, تورەشىلەر كوميسسياسىنىڭ قابىلداعان شەشىمدەرى, مەتەوقۇرىلعىلار مەن ساندىق تەحنيكا “دوكتور ۆەب” كومپانياسىنىڭ قورعاۋىندا بولاتىنىن مالىمدەدى. * * * استانادا ء“Vىى قىسقى ازيا ويىندارىن ۇيىمداستىرۋ كوميتەتىنىڭ اتقارۋشى ديرەكتسياسى” اق پەن بتا بانك اراسىندا جاسالعان كەلىسىمگە سايكەس, “سارىارقا” ويىن-ساۋىق ورتالىعىندا قىزمەت كورسە­تۋدىڭ جاڭا ينتەراكتيۆتى ورنى اشىلدى. وندا تەڭگە جانە باسقا دا ۆاليۋتالارعا ارنالعان بانكوماتتاردىڭ, اقشا ايىرباس­تاۋ اپپاراتتارى مەن تاۋلىك بويى جۇزدەن استام كاسسالىق وپەراتسيالارعا كىرۋگە ءمۇم­كىندىك بەرىپ, تاۋلىك بويى جۇمىس ءىس­تەيتىن تولەماقىنىڭ اۆتوماتتاندىرىلعان قىزمەت كورسەتۋ تۇرىمەن اينالىساتىن Cash and Pay تەرمينالى جۇمىس ىستەيتىن بولادى. “2011 جىلعى قىسقى ازيادانى” ۇيى­م­داستىرۋ كوميتەتىنىڭ ماركەتينگ, اق­پا­راتتىق جانە يميدجدىك قولداۋ دەپار­تا­مەن­تى ديرەكتورىنىڭ ورىنباسارى الىبەك ءال­دينەيدىڭ پىكىرىنشە, جاڭا اشىلعان ينتەراكتيۆتى ورىن ءموبيلدى بانك ينف­را­قۇرىلىمىن جاساۋداعى كەزەڭدەردىڭ ءبىرى بولىپ تابىلادى. وسى جەردە تۇتى­نۋ­شى­لار بانكتىك اۋدارىلىمدار, اقشا ايىر­باستاۋ مەن باسقا دا وپەراتسيالاردى جۇرگىزە الادى. * * * ەلوردادا قىسقى ازيا ويىندارىنا ارنالعان سۋرەتشىلەر تۋىندىلارىنىڭ بايقاۋى باستالدى. وعان قالانىڭ 7 مەن 13 ارالىعىنداعى جاس سۋرەتشىلەرى قاتىسىپ, “استانا مەن الماتى ءVىى قىسقى ازيا ويىندارىن وتكىزەدى” اتتى تاقىرىپتارعا سۋرەت سالىپ, ونەرلەرىن كورسەتۋدە. ازيا ويىندارىن وتكىزۋ جونىندەگى استانالىق ديرەكتسيانىڭ مادەني شارالار ءبولىمىنىڭ باستىعى ەربول جايلاۋوۆتىڭ ايتۋىنشا, قازاقستاندا العاش رەت وتكىزىلىپ وتىرعان بۇل بايقاۋ­دىڭ ماقساتى – جاسوسپىرىمدەر مەن بالالارعا ونەر ارقىلى مادەنيەت پەن سالاماتتى ءومىر سالتىن ناسيحاتتاۋ. كونكۋرستىڭ قورىتىندىسى 27 جەل­توقسان كۇنى شىعارىلادى. جەڭىمپازدارعا سەرتيفيكاتتار مەن ءتۇرلى سىيلىقتار تاپسىرىلادى. * * * ازيا ويىندارىنا باس دەمەۋشى بولعان “سامۇرىق-قازىنا” قورى ەلىمىزدە تۇڭعىش رەت وتەتىن جارىستى “Eurosport” تەلە­­ارناسىنان كورسەتۋ ءۇشىن اتالمىش اقپارات ديرەكتسياسى وكىلدەرىمەن كەلىسسوزدەر جۇرگىزۋدە. وسى ماسەلەگە بايلانىستى جۋىردا ء“Vىى قىسقى ازيا ويىندارىن ۇيىم­داس­تىرۋ كوميتەتىنىڭ اتقارۋشى ديرەكتسياسى” اق پرەزيدەنتى ءاناتولى قۇلنازاروۆ “Eu­rosport” تەلەارناسىنىڭ جەتەكشىلەرى تو­ماس بيورەت جانە ساچا لەيەرمەن كەزدەستى. كەزدەسۋدە قوناقتار بۇكىل ەۋروپاعا قا­زاقستاندا وتەتىن جارىستى كورسەتۋگە دايىن ەكەندىكتەرىن ءبىلدىردى. ء“بىزدىڭ ارنا ­–­ ­­وليمپيالىق ارنا. ول تاۋلىگىنە 24 ساعات قىزمەت ەتەدى. ازيا قۇرلىعىندا ءوتىپ جاتقان جارىستار ءبىز ءۇشىن وتە قىزىقتى”, – دەپتى ت.بيورەت. * * * جۋىردا ۇلىبريتانيانىڭ ءبىر توپ ءجۋرناليسى استاناعا كەلىپ, ازيادانىڭ اشىلۋ سالتاناتى وتەتىن جاڭادان سالىنعان جابىق ستاديونمەن تانىستى. وسىدان كەيىن “تۇماندى البيون­داعى” تۋريزم تاقىرىبىنا ماماندانعان ءارىپ­تەستەرىمىز سول جاعالاۋدى ارالاپ, بەي­بىتشىلىك جانە كەلىسىم سارايى, “بايتەرەك” مونۋمەنتى مەن مەملەكەت باسشىسىنىڭ اقوردا رەزيدەنتسياسىنىڭ الدىنداعى الاڭدا بولدى. بريتانيالىق جۋرناليستەردى استا­نا­نىڭ كورىكتى جەرلەرىمەن ء“Vىى قىسقى ازيا ويىندارىن ۇيىمداستىرۋ كوميتەتىنىڭ اتقارۋشى ديرەكتسياسى” اق-تىڭ ۆيتسە-پرەزيدەنتى سەرىك قۇلمىرزاەۆ تانىس­تى­رىپ ءجۇردى. ونىڭ ايتۋىنشا, ولارعا ەلور­دانىڭ ۇنا­­عانى سونشالىق, شەتەلدىكتەر ازياداعا ءمىن­­دەتتى تۇردە كەلىپ, قازاق­ستان­نىڭ باسقا ءوڭىر­لەرىمەن تانىسۋدى جوسپار­لاۋدا كورىنەدى. * * * جاقىندا استانادا وتكەن “استانا ارۋى-2010” بايقاۋىندا ء“Vىى قىسقى ازيا ويىن­دارىن ۇيىمداستىرۋ كوميتەتىنىڭ ات­قارۋشى ديرەكتسياسى” اق الداعى جارىسقا ارنالعان ءوزىنىڭ “سپورت ارۋى” نومينا­تسياسىن ۇسىندى. وسى بايقاۋدا اتالمىش نوميناتسيا بويىنشا № 30 مەكتەپ-گيمنازيانىڭ وقۋ­شىسى ءاديا نۇراليەۆا جەڭىمپاز اتانىپ, ديرەكتسيا تاعايىنداعان ازيادانىڭ سيم­ۆوليكاسى بار تازا كريستاللعا يە بولدى. كونكۋرسقا قاتىسقان باسقا دا بويجەت­كەن­دەر ازيادانى ۇيىمداستىرۋ كوميتەتىنىڭ اتىنان ەستەلىك سىيكادەلەر الدى. بەتتى دايىنداعان داستان كەنجالين. ------------------------------ سۋرەتتەردى تۇسىرگەن ورىنباي بالمۇرات.