قاسىم-جومارت توقاەۆتىڭ توراعالىعىمەن كەشە بولعان سەنات بيۋروسىنىڭ وتىرىسى پالاتا باسشىسىنىڭ سوزىمەن اشىلدى, وندا توراعا پارلامەنت سەسسياسىنىڭ اشىلۋى كەزىندە دەپۋتاتتاردىڭ الدىنا ەلباسى قويعان مىندەتتەرگە توقتالدى.
ق.توقاەۆ سەناتتىڭ نەگىزگى قىزمەتى ەلىمىزدىڭ 2020 جىلدارعا ارنالعان ستراتەگيالىق جوسپارىن زاڭنامالىق تۇرعىدا قامتاماسىز ەتۋ ەكەنىن اتاپ ءوتتى. توراعا سەسسيانى اشقان كەزدە پرەزيدەنت ن.نازارباەۆ دامۋدىڭ باسىم باعىتتارىن جۇزەگە اسىرۋ ماقساتىندا وتىزدان استام زاڭ جوبالارىن پارلامەنتتىڭ وسى سەسسياسىندا قاراۋعا جانە قابىلداۋعا تاپسىرما بەردى, دەدى جانە قازىرگى كەزدە وسى زاڭ جوبالارىنىڭ جيىرماعا جۋىعى پارلامەنتتە ەكەنىن ايتتى.
زاڭ شىعارۋ جۇمىستارىنىڭ ماڭىزدى بولىگى, ق.توقاەۆتىڭ ايتۋىنشا, رەسپۋبليكالىق بيۋدجەتكە ءوزگەرىستەر ەنگىزۋ بولىپ تابىلادى. ءۇش جىلدىق بيۋدجەتكە وزگەرىستەر قازان-قاراشا ايلارىندا ەنگىزىلەتىن بولادى, دەپ اتاپ ءوتتى توراعا.
پالاتا توراعاسى سونداي-اق دامۋ باعدارلاماسىنا ارنالعان بيۋدجەت قارجىسىنىڭ ءتيىمدى جانە ۇنەمدى ورىندالۋىنا پارلامەنتتىك باقىلاۋدى كۇشەيتۋ قاجەتتىگى تۋرالى دا اتاپ ءوتتى.
بيۋرو وتىرىسىندا پارلامەنت ءماجىلىسى ماقۇلداعان زاڭ جوبالارى پالاتا كوميتەتتەرى اراسىندا ءبولىنىپ بەرىلدى. اتاپ ايتقاندا, “ۋاقىتشا اكەلۋ تۋرالى كونۆەنتسيانى راتيفيكاتسيالاۋ تۋرالى” جانە “قازاقستان رەسپۋبليكاسى مەن ەۋروپا ينۆەستيتسيالىق بانكى اراسىنداعى ەۋروپا ينۆەستيتسيالىق بانكىنىڭ قازاقستان رەسپۋبليكاسىنداعى قىزمەتىن رەتتەيتىن نەگىزدەمەلىك كەلىسىمدى راتيفيكاتسيالاۋ تۋرالى” زاڭ جوبالارى قارجى جانە بيۋدجەت كوميتەتىنە بەرىلدى.
سونداي-اق 23 قىركۇيەكتە بولاتىن پالاتانىڭ كەزەكتى وتىرىسىنىڭ كۇن ءتارتىبىن قالىپتاستىرۋ تۋرالى كوميتەتتەردىڭ ۇسىنىستارى قارالدى. الداعى پالاتا وتىرىسىندا “قازاقستان رەسپۋبليكاسىنىڭ كەيبىر زاڭنامالىق اكتىلەرىنە ازاماتتىق زاڭنامانى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى” جانە “قازاقستان رەسپۋبليكاسىنىڭ كەيبىر زاڭنامالىق اكتىلەرىنە كولىك ءماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى” زاڭ جوبالارى ءبىرىنشى وقىلىمدا قارالاتىن بولدى, دەپ حابارلادى پارلامەنت سەناتىنىڭ ءباسپاسوز قىزمەتى.