سالىق قىزمەتىنىڭ ساپاسى ارتۋدا

تالاپ جانە ءتارتىپ اقمولا وبلىسىنىڭ سالىق دە­پار­تامەنتى ەلىمىزدىڭ سالىق ور­گاندارىنىڭ قۇرامداس بولىگى رەتىندە ءۇل­كەن دامۋ جولىنان ءوتىپ كەلەدى. بول­جامدانعان ءتۇسىم جوسپارىنىڭ ور­ىندالۋى, ونىڭ كولەمىنىڭ ازا­يۋى­نا جول بەرمەۋ باعىتىندا اي­تارلىقتاي جۇمىستار اتقارىلۋدا. ءما­سەلەن, بيىلعى جىلدىڭ جار­تى­جىل­دىعىندا مەملەكەتتىك بيۋدجەت ب­ويىنشا بولجامدى جوسپار 109,3 پا­يىزعا, رەسپۋبليكالىق بيۋدجەت بو­يىنشا 110,2 پايىزعا, ال جەر­گىلىكتى بيۋدجەت ءتۇسىمى 108,8 پايىزعا ورىن­دال­دى. سوڭعى جىلدارداعى بيۋدجەت ءتۇسىمىنىڭ كولەمىنە نازار اۋدارساق, ونىڭ مولشەرى ۇنەمى ءوسىپ وتىرعانىن بايقايمىز. ايتالىق, 2008 جىلى بار­لىق دەڭەيدەگى سالىق ءتۇسىمى 43853,0 ميلليون تەڭگە بولسا, 2009 جى­لى ول 44061,0 ميلليون تەڭگەگە جەتتى. بولجامدى بيۋدجەت ءتۇسىمى جوس­پارىنىڭ ورىندالۋىن قاداعا­لاي­تىن ارنايى جۇمىس توبى قۇرىلىپ, قو­سىمشا ءتۇسىم كوزدەرىن انىق­تاۋ­مەن اينالىسۋدا. سوڭعى جىلداردا اتال­عان توپ سالىق ەسەپتەرىن كا­مەرالدىق باقىلاۋ, سالىقتىڭ بار­لىق تۇرلەرى بويىنشا تولەمدەردىڭ رەزەرۆتەرىن انىقتاۋ, وكىلەتتى ور­گان­دار تارا­پى­نان بەرىلەتىن اق­پا­راتتاردىڭ سا­پا­سىن ارتتىرۋ سياقتى اكىمشىلىك شا­رالاردى جۇزەگە اسىرۋ ارقىلى ءتۇسىم كولەمىن ارتتىرۋعا قول جەتكىزدى. بيىلعى جارتىجىلدىقتا ۇدايى جۇرگىزىلگەن سالىق اكىمشىلىگى جۇ­مىس­تارىنىڭ ناتيجەسىندە بيۋد­جەت­كە قوسىمشا 1416,1 ميلليون تەڭگە قار­جى ءتۇستى. ونىڭ 980,2 ميلليون تەڭگەسى كامەرالدىق باقىلاۋ جۇ­مىس­تارىنىڭ, 156,3 ميلليون تەڭ­گەسى ەكو­نوميكالىق باقىلاۋ جۇ­مىس­تا­رىنىڭ جانە 279,6 ميلليون تەڭگەسى مەملەكەتتىك وكىلەتتى ورگاندار تاراپىنان بەرىلەتىن اقپاراتتاردى ءتيىمدى پايدالانۋدىڭ ارقاسىندا قول جەتكەن جەتىستىكتەر. وبلىستىق سالىق دەپارتامەنتى بيۋدجەت بويىنشا قارىز كولەمىن قىسقارتۋ باعىتىندا دا ايتار­لىق­تاي جۇمىستار اتقارۋدا. ۇجىمىمىز 2008-2010 جىلداردا وسى سالادا ەل ايماقتارى ىشىندە ءبىرىنشى ساتىدان كورىنۋى وسىنى ايعاقتايدى. تەرە­ڭى­رەك ايتساق, 2000 جىلى و­ب­لى­سى­مىز­دا سالىق تۇسىمدەرى بويىنشا قارىز كولەمى 6004,3 ميلليون تەڭگە بولسا, بيىلعى جىلدىڭ 1 قاڭ­تا­رى­ن­دا ول 950,0 ميلليون تەڭگە بولدى. بۇگىنگى تاڭدا وبلىستىق سالىق دەپارتامەنتىندە ءوز جۇمىسىن جاق­سى بىلەتىن بىلىكتى ماماندار ەڭبەك ەتەدى. ارىپتەستەرىمىزدىڭ 82,1 پا­يى­زىنىڭ جوعارى ءبىلىمى بار, ال 17,9 پا­يىزى ءوز ماماندىقتارىن جە­تىل­دىرۋمەن اينالىسادى. ۇزاق جىلدار بويى وسى سالادا جەمىستى ەڭبەگىمەن ابىرويعا بولەنگەن قىز­مەت­كەر­لە­رى­مىزدى ماقتان ەتەمىز. ولاردىڭ قا­تا­رىندا “سالىق قىزمەتىنىڭ ءۇز­دىگى” اتانعان مۇراتبەك مۇستافين, سەر­گەي چەپيجكو, مايرا قاراۋىلوۆا, گاۋھار التىنسارو­ۆا­نى ەرەكشە اتاپ وتەر ەدىك. ءبىزدىڭ ماقساتىمىز – جەكە تۇلعالار مەن كاسىپكەرلەرىمىزگە بارىنشا ساپالى قىزمەت كورسەتۋ. بۇل ورايدا, سوڭعى جىلداردا جۇرگىزىلىپ جاتقان تەحنيكالىق جاراقتاندىرۋلار, سالىق قىزمەتىن وڭتايلاندىرۋ قادامدارى قول ۇزارتقانى بەلگىلى. وتكەن جىلى قابىلدانعان جاڭا سالىق كودەكسى سالىق تۇرلەرىن قىسقارتىپ, قۇجات اي­نا­لىسىن جەڭىلدەتتى. جۇ­مى­سى­مىزدىڭ ساپاسىن ارتتىرۋ دا ايرىقشا باقىلاۋدا ۇستالادى. ءبىزدىڭ قىزمەتىمىزدى پايدا­لا­نۋ­شى­لاردىڭ ۇزىن-سونار كەزەكتە تۇرىپ, ال­تىن ۋاقىتتارىن بوسقا جو­عالتپاي, قاجەت قۇجاتتارىن نە­عۇرلىم قىسقا مەر­زىمدە الۋلارى ءۇشىن بارلىق جاع–­دايدى جاساۋعا تىرىسامىز. تاياۋدا عانا كوكشەتاۋ قا­لاسىندا جاڭادان اشىلعان قىز­مەت كورسەتۋ ورتالىعى وسى جۇ­مىستاردىڭ ءبىر كورىنىسى دەگىم كە­لەدى. بارلىق قولايلى جاعدايلار قاراستىرىلعان مۇنداي ور­تا­لىق­تاردى الداعى ۋاقىتتا بارلىق اۋدانداردا پايدالانۋعا بەرۋ باستى ماقساتىمىز سانالادى. وبلىستىق سالىق دەپار­تا­مەنتىندە سىبايلاس جەم­قور­لىق­پەن كۇرەس ماسەلەسىنە دە ەرەكشە كوڭىل بولىنەدى. ەلباسىمىز نۇرسۇلتان نازارباەۆ ەرەكشەلىگىن ناقتى اتاپ وتكەنىندەي, ءبىزدىڭ رەسپۋبليكامىز ءۇشىن سىبايلاس جەمقورلىقتى اۋىزدىقتاۋ جانە وعان ىقپال ەتەتىن جاعدايلاردى بولدىرماۋ مەملەكەت ساياساتىنىڭ باستى باعىتتارىنىڭ ءبىرى بولىپ تابىلادى. ويتكەنى, جەمقورلىق قوعامنىڭ بارلىق سالاسىنا: ەكونوميكاعا, الەۋمەتتىك سالاعا, ساياساتقا ءوزىنىڭ كەرى اسەرىن تيگىزەتىن كەسەل. سىبايلاس جەم­قور­لىق­پەن كۇرەس بارشا ازاماتتاردىڭ, ەڭبەك ۇجىمدارىنىڭ مىندەتتى پارىزى بولۋعا ءتيىستى. وسىعان وراي, ءبىز ءوز قاتارىمىزدى جەمقورلاردان تازارتۋعا بارىنشا نازار اۋدارىپ, زاڭ جولىن كەسۋ باعىتىنداعى جۇمىستاردى ۇدايى باقىلاۋدا ۇستايمىز. سىبايلاس جەمقورلىققا قارسى ناقتى ارەكەتتەر قولدانۋ ماق­ساتىندا 2009 جىلى جەمقورلىق, لاۋازىمدىق قۇقىق بۇزۋشىلىقتى بولدىرماۋ, سالىق ورگانى قىزمەت­كەرلەرىن زاڭسىز ارەكەتتەردەن وقشاۋلاۋ, كەلەڭسىزدىكتىڭ الدىن الۋ ماقساتىندا ۆەدومستۆولىق باقىلاۋ باسقارماسى قۇرىلدى. سونداي-اق, وبلىستىڭ بارلىق كاسىپورىندارى مەن سالىق تولەۋشىلەر اراسىنداعى ىنتىماقتى بايلانىستى نىعايتا تۇسۋدەمىز. وسى باعىتتا بىلتىر قۇقىق قورعاۋ ورگاندارىمەن, “اتا­مەكەن” وداعى” قازاقستاننىڭ ۇلت­تىق ەكونوميكالىق پالاتاسىمەن, “نۇر وتان” حدپ وبلىستىق في­ليالىمەن جەمقورلىقپەن بىرلەسىپ كۇرەسۋ جونىندەگى مەموراندۋمعا قول قويىلىپ, ءتيىستى جۇمىستار ات­قا­رىلۋدا. وبلىستىق دەپارتامەنت عيماراتىندا جانە جەكەلەگەن اۋماقتىق سالىق باسقارمالارىندا بەينەباقىلاۋ كامەرالارى ورنا­تىلعان. “ەلەكتروندى ۇكىمەت” ءجۇ­يەسىن دامىتۋ, “سالىق ءتو­لەۋ­شىلەر كابينەتى” تەرمينالىن ورناتۋ, “سەنىم تەلەفوندارىن” جابدىقتاۋ جۇمىسىمىزدىڭ اشىقتىعىن قامتاماسىز ەتۋدە. جولداسبەك ءنۇسىپوۆ, اقمولا وبلىستىق سالىق دەپارتامەنتىنىڭ باستىعى, ەكونوميكا عىلىمدارىنىڭ كانديداتى. اقمولا وبلىسى.