كىر تاستارى

ونى كوتەرەتىن ماڭعىستاۋدىڭ بىلەكتى قىزدارى «الەمدى مويىنداتامىز» دەپ وتىر ماڭعىستاۋدىڭ بىلەكتى قىزدارى ءوز باقتارىن سپورتتا سىناپ, بيىك ماقساتتارعا ۇمتىلىپ وتىر. بۇدان جارتى جىل بۇرىن قۇرىلعان  وبلىستىق كىر تاسى سپورتى جانە ارمرەستلينگ فەدەراتسياسىندا 40 ادام جاتتىعىپ ءجۇر دەسەك, سونىڭ 28-ءى  قىزدار. العاشىندا 8 كەلىلىك كىر تاس­تارىن كوتەرۋدى باستاعان قىزدار بۇگىندە 24 كەلى تاستى ەمىن-ەركىن سەرپيتىن بولعان. از ۋاقىت ىشىندە جەڭىستەر مەن جەتىستىكتەردەن دە قۇرالاقان ەمەس – ولار جۋىردا وتكەن ەل بىرىنشىلىگىندە 5 مەدال يەلەنگەن, ال قۇرىلعالى جارتى جىل ىشىندە فەدەراتسيا قورجىنىنا 12 التىن, كۇمىس جانە قولا مەدال كەلىپ تۇسكەن. ماڭعىستاۋدا بۇل سپورت تۇرىنە قىزداردىڭ قىزىعۋشىلىعى كۇرت ارتىپ تۇر. جاتتىقتىرۋشىلار بۇرىن دزيۋدو, كۇرەس جانە بوكسپەن اينالىسقان قىزدار عانا ەمەس, تاجىريبەسى جوق اۋىلدىق قىزدار دا اۋىر كىر تاستارىن كوتەرىپ, كۇش سىناسۋعا ىنتالى ەكەندىگىن ايتۋدا. ەل بىرىنشىلىگىندە اۋىر سالماقتاعى سپورتشى, قول كۇرەسىنىڭ شەبەرى ايجان ماماقوۆا مالايزيادا وتەتىن الەم چەمپيوناتىنا جولداما جەڭىپ العان. 17 جاسار اي­­­جان الدىنا قازاق قىزدارىنىڭ  قايسار, باتىل, عالامات كۇش يەسى ەكەنىن كۇللى الەمگە پاش ەتەمىن دەپ ماقسات قويىپ وتىر. گۇلايىم شىنتەمىرقىزى, «ەگەمەن قازاقستان». ماڭعىستاۋ وبلىسى.