قازاق حاندىعىنىڭ 550 جىلدىعىنا وراي قازاقستان جازۋشىلار وداعى مەن ەۋرازيالىق توپ (ERG) بىرلەسىپ ادەبي شىعارمالارعا بايگە جاريالايدى
تامىرىن تەرەڭنەن تارتار وشپەس وتكەنى, كوشپەس رۋحى بار حالىق ەكەنىمىز تاريحتان بەلگىلى. ونداعان عاسىرلىق زامانالار كوشى وسى ايتقانىمىزدىڭ ايقىن دالەلى. اسىرەسە, ەلدىك دامۋىمىزدىڭ كەڭ قانات جايىپ, تورتكۇل الەمگە اتاعى كەڭ تانىلعان تۇسى – تاۋەلسىزدىك ءداۋىرى. بۇل كەزەڭ – قازاقستاننىڭ مەملەكەت رەتىندە شەكاراسىن ايقىنداپ, قازىعىن نىقتاپ, ءتورت تاراپپەن بايلانىسىن مىقتاپ, ەكونوميكالىق ەندىكتەر مەن ساياسي باعىتىمىزدىڭ تىڭ مودەلىن ايقىنداپ, دامۋدىڭ جاڭا ساتىسىنا قادام باسقان تاريحي كەزەڭ. وسى جىلدار ىشىندە وتكەن تاريحىمىز بەن مادەني مۇرالارىمىز قالپىنا كەلتىرىلىپ, ۇلى تۇلعالارىمىزعا قاتىستى تاريح قايتا جاڭعىردى.
ەلباسىمىز ۇلىتاۋ تورىندە بەرگەن ايگىلى سۇحباتىندا: «قازاق حاندىعى ءبىزدىڭ ەلىمىزدىڭ ءتۇپ-تامىرى. بۇل – تۇڭعىش مەملەكەتىمىزدىڭ بولاشاعىن بەلگىلەگەن ۇلكەن تاريحي وقيعا. ءبىز ءۇشىن بولاشاعىمىزعا باعدار ەتەتىن, ۇلتتى ۇيىستىرىپ, ۇلى ماقساتتارعا جەتەلەيتىن يدەيا بار. قازاق ەلىنىڭ ۇلتتىق يدەياسى – ماڭگىلىك ەل» دەپ تامىرشىداي تاپ باسىپ, كوپشىلىكتىڭ كوكەيىندە جۇرگەن ارمان-تىلەكتى قاسيەتتى توپىراقتا تۇلەتتى.
ەندەشە, «كوكتە ءتاڭىرى, تومەندە قارا جەر جارالعاندا, ەكەۋىنىڭ اراسىندا ادام بالاسى جارالعان, ادام بالاسىنىڭ ۇستىندە مەنىڭ اتا-تەگىم بۋمىن, ەستەمي قاعان وتىرعان. دۇنيەنىڭ ءتور بۇرىشى سولارعا قاراعان. ازدى كوپ قىلعان, كەدەيدى باي قىلعان, تاتۋ ەلگە جاقسىلىق قىلعان» ۇلى دالانىڭ بۇگىنگى مۇراگەرى – قازاقستان, قازاق مەملەكەتى.
سوندىقتان بيىلعى جىلى رەسمي تۇردە مەملەكەتتىك دەڭگەيدە اتاپ وتكەلى وتىرعان ىرگەسىن جانىبەك پەن كەرەي بابالارىمىز قالاعان قازاق حاندىعىنىڭ 550 جىلدىعى – ونداعان عاسىرلاردان تامىر تارتىپ, تاريحى تاسقا جازىلىپ قالعان ۇلى رۋحتىڭ سالتانات قۇرار ءساتى.
سونداي-اق, وتكەنىمىز بەن بۇگىنىمىزگە تاعزىم جاساپ, بولاشاعىمىزعا باعدار بەرەتىن بۇل ۇلى توي ءوز تاعدىرلارىن مەملەكەت قۇرۋشى ۇلتتان ءبولىپ قارامايتىن, قازاق توپىراعىنا تامىر بايلاعان وزگە حالىقتارعا دا ورتاق جاۋاپكەرشىلىك جۇكتەيدى. ەلدىگىمىزدىڭ كوكجيەگىن كەڭەيتەر, جاس ۇرپاقتىڭ تۋعان توپىراققا دەگەن سۇيىسپەنشىلىگىن ارتتىرار بۇل شارا قالامگەر قاۋىم مەن تاريحشىلارىمىزعا دا ۇلكەن سىن.
وسى ورايدا, قازاقستان جازۋشىلار وداعى مەن ەۋرازيالىق توپ (ERG) بىرلەسىپ, جاڭا زامان ادەبيەتىنىڭ بۇگىنگى كۇن تالابىنا ساي تىڭ دۇنيەلەرمەن تولىعۋىنا جانە سانعاسىرلىق تاريحىمىزدىڭ كوركەم شەجىرەسىنىڭ جازىلۋىنا, سونداي-اق, رۋحاني ۇلتتىق مۇرامىز بەن ەلدىك-ەرلىك قۇندىلىقتارىمىزدى ۇلىقتاۋعا, وقىرماندى يماندىلىققا, بىرلىككە شاقىراتىن, تۋعان ەلىن, وتانىن سۇيۋگە ۇندەيتىن شىعارمالاردىڭ دۇنيەگە كەلۋىنە ۇيىتقى بولۋ ءۇشىن ارنايى شىعارماشىلىق جابىق بايگە جاريالايدى.
بايگەنىڭ شارتتارى:
بايگەگە قازاق حالقىنىڭ مىڭجىلدىقتار قويناۋىنداعى تاريحي ساتتەرىن, باسىنان كەشكەن قيىندىقتارى مەن جەڭىستى, جەمىستى كەزەڭدەرىن, سونىمەن قاتار, قازىرگى كۇننىڭ كوكەيكەستى ماسەلەلەرىن ارقاۋ ەتەتىن, ادەبيەتتىڭ پروزا (اڭگىمە, پوۆەست, دەرەكتى حيكايات), پوەزيا (ولەڭدەر توپتاماسى, باللادا, پوەما), دراماتۋرگيا جانرلارىنداعى بۇرىن ەش جەردە جاريالانباعان شىعارمالار قابىلدانادى. بايگەگە تەك ءبىر عانا شىعارما جولدانۋى شارت. (بۇل ولەڭدەر توپتاماسىنا قاتىستى ەمەس).
كوركەم شىعارمالار كومپيۋتەرلىك ستاندارتقا ساي 14 كەگەلمەن (ارالىق-1) تەرىلىپ, ءۇش دانا ەتىپ جولدانۋى تالاپ ەتىلەدى.
بايگەگە ەلىمىزدەگى جانە شەتەلدەگى بارلىق قالامگەرلەر قاتىسا الادى. جولدانعان شىعارمالار بۇگىنگى قازاق الىپبيىمەن, كيريلليتسامەن جازىلۋى مىندەتتى.
بايگەگە قاتىساتىن شىعارمالار بۇركەنشىك اتپەن قابىلدانادى, ال ۇمىتكەر تۋرالى تولىق مالىمەت ارنايى بولەك كونۆەرتكە سالىنىپ, شىعارمامەن بىرگە جىبەرىلۋى كەرەك. شىعارمالار ەلەكتروندى نۇسقاسىمەن قابىلدانادى.
شىعارمالار 2015 جىلدىڭ 10 تامىزىنا دەيىن قابىلدانادى.
بايگە قورى:
پوەزيا
باس جۇلدە – 1 500 000 تەڭگە (بىرەۋ). ءبىرىنشى ورىن – 1 200 000 تەڭگە (بىرەۋ). ەكىنشى ورىن – 900 000 تەڭگە (ەكەۋ). ءۇشىنشى ورىن – 600 000 تەڭگە (ۇشەۋ).
پروزا
باس جۇلدە – 1 500 000 تەڭگە (بىرەۋ). ءبىرىنشى ورىن – 1 200 000 تەڭگە (بىرەۋ). ەكىنشى ورىن – 900 000 تەڭگە (ەكەۋ). ءۇشىنشى ورىن – 600 000 تەڭگە (ۇشەۋ).
دراماتۋرگيا
باس جۇلدە – 1 500 000 تەڭگە (بىرەۋ). ءبىرىنشى ورىن – 1 200 000 تەڭگە (بىرەۋ). ەكىنشى ورىن – 900 000 تەڭگە (ەكەۋ). ءۇشىنشى ورىن – 600 000 تەڭگە (ۇشەۋ).
بايگەگە ۇسىنىلعان شىعارمالار مىنا مەكەنجايعا جولدانادى: الماتى قالاسى, ابىلاي حان داڭعىلى, 105-ءۇي. «قازاق حاندىعىنا – 550 جىل» بايگەسىنە!».
بايلانىس تەل: 8 (727) 2 61 62 95, 2 61 67 22.
ەل. پوشتا: tolkyn170881@mail.ru, kgulnaz_24@mail.ru
ۇيىمداستىرۋ القاسى.