ارداگەرلەر اكتسياسى

قازاقستاندىق ارداگەرلەر «سوعىس ارداگەرلەرىنىڭ دوستىعى پويىزى ءفاشيزمدى دارىپتەۋگە قارسى» اكتسياسىنا قاتىسادى, دەپ حابارلادى «قتج» ۇك» اق-تىڭ ءباسپاسوز قىزمەتى.

 

تەمىرجولشى-ارداگەرلەر كوپ­تىلەۋ ءىزباسوۆ پەن تولەگەن ءجۇ­نىسوۆ 20-23 مامىردا دوستىق پويىزىمەن ماسكەۋ – مينسك – برەست – ماسكەۋ باعدارىنا قاتىسادى.

دوستىق پويىزى ماسكەۋدىڭ بەلارۋس ۆوكزالىنان ۇلى وتان سوعىسى جىلدارى اسكەرلەردىڭ مايدانعا اتتانىپ, 1945 جى­لى 9 مامىردا جەڭىمپاز بولىپ ورالعان جەرىنەن جولعا شى­عادى. ارداگەرلەر مينسكىدەگى جەڭىس مۇراجايىندا جانە «برەست باتىر قامالى» مەمو­ريالدىق كەشەنىندە بولادى. بەلورۋسسيا استاناسىندا ارداگەرلەردى دوستاستىققا قا­تىسۋشى ەلدەردىڭ تەمىرجول كولىگى اكىمشىلىكتەرى كەڭەسىنىڭ 62-وتىرىسىنا قاتىسىپ جاتقان تەمىرجول اكىمشىلىكتەرىنىڭ باسشىلارى قارسى الادى.

85 جاستاعى كوپتىلەۋ ءىزباسوۆ 1943 جىلى جول مونتەرى بولىپ ەڭبەك جولىن باستادى. ودان كەيىن پويىز ءماشينيسىنىڭ كومەكشىسى, شالقار لوكوموتيۆ دەپوسىندا ماشينيست بولىپ جۇمىس جاسادى. تىل ەڭبەككەرى, ەڭبەك ارداگەرى.

91-دەگى تولەگەن ءجۇنىسوۆ ۋكراينا, رۋمىنيا, ۆەنگريا, چە­حوسلوۆاكيانى فاشيستىك باس­­قىنشىلاردان ازات ەتۋگە قا­تىستى. جەڭىستى بەرليندە قار­سى الدى. مايدانداستارىنىڭ رەيح­ستاگقا تۋ تىككەندەرىن ماق­تانىش ەتەدى. وتان سوعىسى وردەن­­دە­رى­مەن, بىرقاتار مەدالدار­مەن ماراپاتتالعان.