پەتروپاۆل. 19 مامىر. سولتۇستىكقازاقستاندىق پوليتسەيلەر ەكى جىلقى مەن ءبىر ق ۇلىندى كولىكتىڭ تىركەمەسىنە سالىپ, ءىز سۋىتپاق بولعان مال ۇرلاۋشىلاردى قۇرىقتادى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتى حابارلادى.
كراسنوياركا اۋىلىنىڭ تۇرعىنى ۆاسيلي كالينين جابىق قورادا جەمدەۋلى تۇرعان مالداردىڭ جىلى ورنىن سيپاپ قالىپ, بىردە سوكولوۆكا پوليتسيا بولىمىنە حابارلايدى. وقيعا ورنىنا جەتكەن تەرگەۋ توبى ۇرلىقتىڭ تۇندە بولعانىن انىقتاپ, جەدەل ىزدەۋ شارالارىنا كىرىسەدى. ياكور اۋىلدىق وكرۋگ اۋماعىندا جىلدام جۇرىسپەن وبلىس ورتالىعىنا قاراي زۋلاپ بارا جاتقان تىركەمەلى «ۆاز» جەڭىل كولىگى توقتاتىلىپ, تەكسەرىپ جىبەرگەندە ۇرلىق مالدارى سوپاڭ ەتە تۇسەدى.
«بارىمتاشىلار – ۇشەۋ. بۇرىن قىلمىس جاساعاندارى ءۇشىن ەكەۋى سوتتالعان. ولار قاماۋعا الىنىپ, قىلمىستىق ءىس قوزعالدى. ۇرلانعان جىلقىلار يەسىنە قايتارىلدى, – دەيدى پوليتسيا بەكەتىنىڭ باستىعى عابيت بەكجانوۆ.
ءومىر ەسقالي.
دەرەك, سۋرەت: سولتۇستىك قازاقستان وبلىستىق ىشكى ىستەر دەپارتامەنتىنىڭ ءباسپاسوز قىزمەتى.