جورعا دۋاداقتاردى قورعاۋ حالىقارالىق قورى 2015 جىلدىڭ 18 تامىزى مەن 18 قىركۇيەگى ارالىعىندا جورعا دۋاداقتارىنىڭ ءوسىمىن مولايتۋ ورتالىقتارىندا وسىرىلگەن 1400 جورعا دۋاداقتى قازاقستان تابيعاتى اياسىنا جىبەرەدى.
مۇنىمەن 120 قۇسقا قيمىل-قوزعالىستارىن باقىلاۋ ءۇشىن ارنايى سپۋتنيكتىك قۇرىلعىلاردى بەكىتۋ جوسپارلانۋدا.
جورعا دۋاداقتار بەتپاقدالا مەن قىزىلقۇم ايماقتارىنان ۇشىرىلماق. اتالمىش قۇستىڭ قونىس اۋداراتىن ەڭ كوپ سانى قازاقستان اۋماعىندا ءونىپ-وسەدى.
بۇرىنىراق, 2009-2015 جىلدار ارالىعىندا قازاقستاننىڭ تابيعاتىنا 5 300-دەن اسا جورعا دۋاداقتار ۇشىرىلدى. عالىمدار ورناتىلعان سپۋتنيكتىك قۇرىلعىلار ارقىلى جىبەرىلگەن قۇستاردىڭ قيمىل-قوزعالىستارىن باقىلاي الدى. سونداي-اق, ۇشىرىلعان جورعا دۋاداقتار قازاقستاننىڭ تابيعي ورتاسىنا بەيىمدەلىپ, قىستاۋ كەزەڭىندە وزدەرىنە تۋىستاس جابايى قۇستاردىڭ ءداستۇرلى مارشرۋتىمەن جۇرگەنىن اتاپ وتكەن ءجون.
جورعا دۋاداقتاردىڭ ءوسىمىن مولايتۋ جانە ساقتاۋ بويىنشا قازاقستان مەن جورعا دۋاداقتارىن قورعاۋ حالىقارالىق قورى اراسىنداعى كەلىسىمشارتقا ساي وڭتۇستىك قازاقستان وبلىسىنىڭ بايدىبەك اۋدانىندا جىلىنا 5 000 جورعا دۋاداقتاردى شىعاراتىن ورتالىقتىڭ قۇرىلىسى جالعاسۋدا.
عالىمداردىڭ ايتۋىنشا, قازاقستاننىڭ تابيعاتىنا جورعا دۋاداقتار شىعارۋ, ولاردىڭ قيمىل-قوزعالىستارىن باقىلاۋ, تاياۋ جانە ورتا شىعىس ەلدەرىنە قىستاۋعا كوشىپ-قونۋ مەرزىمدەرى مەن نەگىزگى جولدارىن انىقتاۋ ءۇشىن قاجەت, دەپ حابارلادى اۋىل شارۋاشىلىق مينيسترلىگىنىڭ ءباسپاسوز قىزمەتى.