فرانتسيا شاعالالارعا قارسى قارۋلى قارسىلىق كورسەتۋگە دايىندالىپ جاتىر. ەلدىڭ سولتۇستىك-باتىسىندا ورنالاسقان ترۋۆيل-سيۋر-مەر قالاسى وسى ماقساتتا قازىر شاعالالارعا قارسى سوعىستا قولدانىلاتىن ۇشقىشسىز ۇشاقتاردى تەستىلەۋدەن وتكىزىپ جاتىر. قولداعى بار اقپاراتقا قاراعاندا, جاڭا اپپارات شاعالالاردى تاۋىپ الىپ, ولارعا ستەريليزاتوردان سۇيىق سەبەلەيدى.
«سوڭعى كەزدەرى قالا شاعالالارى بارىنشا قاسكوي, باتىل بولىپ الدى. ولار ادامداردان قورقۋدى قويدى. بۇل قۇستار ءتىپتى بالىق جەۋدەن دە جەرىدى. ۇيالارىن دا قۇز باسىنا سالمايتىن بولدى. ولار قازىر ەتقورەكتىگە اينالىپ, جۇرتپەن بىرگە قالادا تۇرادى. مەن بۇلار ءبىر كۇنى كىشكەنتاي بالانى ۇرلاپ اكەتىپ جاتسا, تاڭعالماس ەدىم», – دەدى قالا مەرىنىڭ ورىنباسارى.
بۇدان باسقا, جەرگىلىكتى بالىقشىلاردىڭ سوزدەرىنە قاراعاندا, قازىر وكتەم بولىپ العان بۇل قۇستار وزدەرىنىڭ تراۋلەرلەرىنە شابۋىل جاسايتىن كورىنەدى. الايدا, جۇرت شاعالالارعا ەشتەڭە ىستەي الماي كەلىپتى. سەبەبى, ولار 2009 جىلدان بەرى قورعالاتىن قۇستاردىڭ ساناتىندا تۇرعان ەكەن. ەندى سول تىيىمدى الىپ تاستاۋعا تۋرا كەلىپ جاتىر.
قۇرىش نۇرىمبەت.