استانا قالاسى اكىمدىگىنىڭ قولداۋىمەن ساكەن سەيفۋللين مۇراجايى جانە قازاقستان جازۋشىلار وداعىنىڭ استانا فيليالى قازاق حاندىعىنىڭ 550 جىلدىق مەرەكەسىنە وراي « ۇلىتاۋ ۇلاعاتى – ۇلت تاريحى» اتتى رەسپۋبليكالىق ءمۇشايرا جاريالايدى.
ءمۇشايرانىڭ باستى ماقساتى – حالقىمىزدىڭ بۇگىنگى بايتاق باقىتىن جان-جاقتى جارقىراتا جىرلاۋ ارقىلى جاس ۇرپاقتىڭ جۇرەگىنە وتانشىلدىق رۋحتى ۇيالاتۋ. جىر بايگەسىنىڭ تاقىرىپ اياسى مەيلىنشە كەڭ. كەرەي مەن جانىبەكتەن – حان كەنەگە, جيرەنشە شەشەننەن – ءىلياس ەسەنبەرلينگە دەيىنگى قازاق حالقىنىڭ باسىنان وتكەن سان قيلى كەزەڭدەر تولعاي بىلگەن تالانتقا, جىرلاي بىلگەن اقىنعا ۇشان-تەڭىز الەم.
«ابىلايدىڭ اسىندا شاپپاعاندا, اتاڭنىڭ باسىندا شاباسىڭ با؟!» دەگەن ەكەن بابالارىمىز. ءوز تاۋەلسىزدىگىمىزدى, ءوز تاريحىمىزدى, ءوز وتانىمىز بەن ءوز استانامىزدى, ءوز تۇلعالارىمىزدى ءوزىمىز جىرلاماعاندا كىم جىرلايدى؟! قازاق حاندىعىنىڭ بەس جارىم عاسىرلىق تويىندا شاپپاعان جۇيرىك جۇيرىك پە, تولعانباعان اقىن اقىن با؟! مىنە, ارعىماق-جىردىڭ الامانى باستالدى. ەندەشە, انشەيىندە ءدۇبىر شىقسا دەلەبەسى قوزاتىن ارقالى اقىندار, ساليقالى جىر سىزدەردەن, سالماقتى جۇلدە بىزدەردەن!
باس جۇلدە – 1 ميلليون تەڭگە.
ءبىرىنشى ورىن – بىرەۋ.
ەكىنشى ورىن – ەكەۋ.
ءۇشىنشى ورىن – ۇشەۋ.
ىنتالاندىرۋ سىيلىعى – بەسەۋ.
مۇشايراعا ەش جەردە جارىق كورمەگەن پوەمالار, تولعاۋلار, توپتاما ولەڭدەر ماۋسىم ايىنىڭ 15-ىنە دەيىن قابىلدانادى.
ءمۇشايرا قورىتىندىسى استانا كۇنى قارساڭىندا جاريالانىپ, ماراپاتتاۋ سالتاناتى وتەدى.
ۇمىتكەرلەر شىعارماسىن كومپيۋتەردە تەرىپ, 5 داناسىن تومەندەگى مەكەنجايعا جىبەرۋى كەرەك نەمەسە astanakalamger@mail.ru ەلەكتروندىق پوشتاعا جولداۋعا بولادى. اۆتوردىڭ اتى-ءجونى, مەكەن-جايى, بايلانىس تەلەفونى, ەلەكتروندىق پوشتاسى (بار بولسا) مىندەتتى تۇردە كورسەتىلەدى.
يندەكس: 010000, استانا قالاسى, اۋەزوۆ كوشەسى, 20 «ا» ساكەن سەيفۋللين مۇراجايى. تەل: 32-15-90, 32-84-67
جۇلدەگەرلەردىڭ استاناعا كەلىپ-كەتۋ شىعىنىن ۇيىمداستىرۋشى تاراپ موينىنا المايدى.