حالىقارالىق فۋتبول فەدەراتسياسى (FIFA) 2026 جىلعى الەم چەمپيوناتىنىڭ جۇلدە قورىن 871 ميلليون دوللارعا دەيىن ۇلعايتتى. مۇنداي شەشىم ۇيىم كەڭەسىنىڭ ۆانكۋۆەر قالاسىندا وتكەن وتىرىسىندا قابىلداندى, دەپ حابارلايدى Egemen.kz.
فەدەراتسيا مالىمەتىنشە, جۇلدە قورى شامامەن 15 پايىزعا ارتقان. قاراجات 48 ۇلتتىق قۇراما اراسىندا بولىنەدى. بۇل دا تۋرنير تاريحىنداعى جاڭا فورمات بولماق.
ءاربىر قۇراما ءۇشىن ەڭ تومەنگى كەپىلدەندىرىلگەن تولەم 12,5 ميلليون دوللاردى (شامامەن 5,9 ملرد تەڭگە) قۇرايدى. بۇعان دەيىن بۇل كورسەتكىش 10,5 ميلليون دوللار بولعان.
سونىمەن قاتار: – دايىندىققا بولىنەتىن قارجى 2,5 ملن دوللارعا دەيىن; – ىرىكتەۋ كەزەڭىنە ارنالعان تولەم 10 ملن دوللارعا دەيىن ۇلعايتىلدى.
FIFA جۇلدە قورىنىڭ ارتۋىن ءتۋرنيردىڭ كوممەرتسيالىق تابىسى مەن قۇرامالاردىڭ لوگيستيكا, سالىق جانە ۇيىمداستىرۋ شىعىندارىنىڭ كوبەيۋىمەن ءتۇسىندىردى.
قازاقستان قۇراماسى فيفا رەيتينگىندە 110-ورىنعا كوتەرىلدى
بۇدان بولەك, دەلەگاتسيالاردىڭ شىعىندارىن وتەۋ جانە بيلەت كۆوتالارىن كەڭەيتۋ ءۇشىن قوسىمشا 16 ملن دوللاردان استام قارجى قاراستىرىلعان.
تۇسكەن تابىستىڭ ءبىر بولىگى ۇيىمعا مۇشە 211 قاۋىمداستىق اراسىندا قايتا ءبولىنىپ, الەم بويىنشا فۋتبولدى دامىتۋعا باعىتتالادى.
2026 جىلعى الەم چەمپيوناتى 11 ماۋسىم مەن 19 شىلدە ارالىعىندا اقش, كانادا جانە مەكسيكا اۋماعىندا وتەدى. تۋرنير تاريحىندا العاش رەت 48 قۇراما قاتىسادى.
فيفا مەكسيكاداعى جاعدايدى ءجىتى باقىلاپ وتىر: الەم چەمپيوناتى كەيىنگە شەگەرىلە مە؟
جۇلدە قورىنىڭ كۇرت ءوسۋى الەمدىك فۋتبولداعى كوممەرتسيانىڭ اۋقىمىن ايقىنداپ, الەم چەمپيوناتىن تاريحتاعى ەڭ قارجىلاي ءىرى تۋرنيرگە اينالدىرىپ وتىر.