2000 تەڭگەلىك ەسكى جانە جاڭا ۇلگىدەگى بانكنوتتاردىڭ قاتار اينالىمدا ءجۇرۋ مەرزىمى بيىل جازدا اياقتالادى, دەپ حابارلايدى Egemen.kz.
2012 جىلعى ۇلگىدەگى 2000 تەڭگەلىك كۋپيۋرالار ءۇشىن بەلگىلەنگەن پاراللەل اينالىم كەزەڭى 2024 جىلعى 25 جەلتوقساننان 2026 جىلعى 24 ماۋسىمعا دەيىن جالعاسادى. اتالعان مەرزىم اياقتالعان سوڭ, بۇل بانكنوتتارمەن دۇكەندەردە تولەم جاساۋ مۇمكىن بولمايدى.
بانكنوتتىڭ بەتكى جاعىندا «قازاق ەلى» مونۋمەنتى مەن قالىقتاعان كوگەرشىندەر بەينەلەنگەن.
ايتا كەتەيىك, وسى ۋاقىتقا دەيىن قازاقستان ازاماتتارىنا ەسكى كۋپيۋرالاردى جاڭاسىنا اۋىستىرۋدىڭ قاجەتى جوق, ويتكەنى ەكى ۇلگى دە زاڭدى تولەم قۇرالى رەتىندە ەل اۋماعىندا قابىلدانا بەرەدى.
بۇگىن 1 دوللاردى قانشا تەڭگەگە ساتىپ الۋعا بولادى؟
2026 جىلعى 25 ماۋسىمنان باستاپ ەسكى ۇلگىدەگى بانكنوتتاردى ەكىنشى دەڭگەيلى بانكتەر مەن «قازپوشتا» بولىمشەلەرىندە ءۇش جىل ىشىندە ايىرباستاۋعا بولادى. ال ۇلتتىق بانكتىڭ فيليالدارىندا مۇنداي كۋپيۋرالار مەرزىمسىز قابىلدانادى.
تەڭگە نىعايىپ, دوللار السىرەدى: نارىققا اسەرى قانداي؟