اقش پەن رەسەي پرەزيدەنتتەرى دونالد ترامپ پەن ۆلاديمير پۋتين شامامەن ءبىر جارىم ساعات تەلەفون ارقىلى سويلەسىپ, كەلىسسوز جۇرگىزدى. رەسەي تاراپى 9 مامىر – جەڭىس كۇنىنە وراي ۋاقىتشا ءبىتىم جاريالاۋعا دايىن ەكەنىن مالىمدەدى. بۇل تۋرالى رەسەيلىك بۇقارالىق اقپارات قۇرالدارى حابارلاپ وتىر, دەپ جازادى Egemen.kz.
رەسەي پرەزيدەنتىنىڭ كومەكشىسى يۋري ۋشاكوۆتىڭ ايتۋىنشا, دونالد ترامپ ۆلاديمير پۋتينگە ۋكرايناداعى قاقتىعىستى رەتتەۋ جونىندە كەلىسىمگە قول جەتكىزۋگە جاقىن قالعانىن جەتكىزگەن. ۋشاكوۆ ءپۋتيننىڭ جەڭىس كۇنىنە وراي ءبىتىم جاريالاۋعا ءازىر ەكەنىن راستادى. ترامپ بۇل باستامانى قولداپ, اتالعان مەرەكەنىڭ ەكىنشى دۇنيەجۇزىلىك سوعىستا ناتسيزمگە قارسى ورتاق جەڭىستى بىلدىرەتىنىن اتاپ وتكەن.
سونىمەن قاتار ەكى ەل باسشىسى ۆلاديمير زەلەنسكي ەۋروپا ەلدەرىنىڭ ىقپالىمەن قاقتىعىستى سوزۋعا تىرىسىپ وتىر دەگەن پىكىرگە كەلگەن. ۋشاكوۆتىڭ سوزىنشە, پۋتين كيەۆ بيلىگىن رەسەي اۋماعىنداعى ازاماتتىق نىساندارعا سوققى بەرۋ ارقىلى «تەرروريستىك ادىستەرگە» جۇگىنۋدە دەپ ايىپتاعان.
كەلىسسوز بارىسىندا پۋتين رەسەي اسكەرى مايداندا باستامانى ءوز قولىندا ۇستاپ وتىرعانىن جانە ۋكراينا قارۋلى كۇشتەرىنىڭ پوزيتسيالارىن ىعىستىرىپ جاتقانىن مالىمدەگەن.
زەلەنسكي: ترامپ فاكتورى ۋكرايناعا تولىق قاۋىپسىزدىك كەپىلى بولا المايدى
بۇدان بولەك, پۋتين ترامپقا وزىنە جاسالعان قاستاندىق ارەكەتىنە بايلانىستى قولداۋ ءبىلدىرىپ, بۇل قىلمىستى قاتاڭ ايىپتاعان.
اق ۇيدە جۋرناليستەر الدىندا سويلەگەن دونالد ترامپ ۆلاديمير پۋتينمەن اڭگىمەسىن «وتە جاقسى دەڭگەيدە» ءوتتى دەپ باعالاپ, ۋكرايناداعى قاقتىعىس جاقىن ۋاقىتتا رەتتەلۋى مۇمكىن ەكەنىن ايتتى. ونىڭ سوزىنشە, پۋتين بەلگىلى ءبىر ماسەلەلەر بويىنشا ىنتىماقتاستىققا دايىن ەكەنىن بىلدىرگەن, الايدا ترامپ باستى باسىمدىق ۋكرايناداعى سوعىستى توقتاتۋ ەكەنىن اتاپ ءوتتى.
ۋكراينالىق دروندار ەكاتەرينبۋرگ پەن چەليابينسكىگە شابۋىل جاسادى
ايتا كەتەيىك, بۇعان دەيىن ۆلاديمير پۋتين 2026 جىلعى 11 ساۋىردەن باستاپ ءبىر جارىم تاۋلىككە سوزىلعان پاسحالىق ءبىتىم جاريالاعان ەدى. الايدا كەيىن تاراپتار ونىڭ بىرنەشە رەت بۇزىلعانىن مالىمدەگەن.
دەسە دە, كۇنى كەشە ۆلاديمير زەلەنسكي ۋكراينانىڭ باس بارلاۋ باسقارماسىنىڭ باسشىسى ولەگ يۆاششەنكومەن وتكىزگەن كەڭەستەن كەيىن رەسەي تاراپى جاڭا شابۋىل وپەراتسيالارىن جوسپارلاپ, قوسىمشا ادام كۇشىن تارتۋعا دايىندالىپ جاتقانىن مالىمدەدى.