78 جاسىندا قوعام بەلسەندىسى, دارىگەر جانە «امان-ساۋلىق» قوعامدىق قورىنىڭ پرەزيدەنتى باقىت تۇمەنوۆا قايتىس بولدى. بۇل تۋرالى ءماجىلىس دەپۋتاتى ەرمۇرات ءباپي الەۋمەتتىك جەلىدە حابارلادى, دەپ جازادى Egemen.kz.
ونىڭ ايتۋىنشا, باقىت تۇمەنوۆا ءوز ۇستانىمىنا بەرىك, ءپرينتسيپشىل ءارى قايسار تۇلعا بولعان.
مارقۇم ۇزاق جىلدار بويى دەنساۋلىق ساقتاۋ سالاسىندا ەڭبەك ەتىپ, الەۋمەتتىك ساياسات ماسەلەلەرىمەن اينالىستى. 2007 جىلدان باستاپ «امان-ساۋلىق» قورىن باسقارىپ, ازاماتتار مەن پاتسيەنتتەردىڭ قۇقىقتارىن قورعاۋعا ۇلەس قوستى.
الماتىدا ۇلى وتان سوعىسىنىڭ ارداگەرى 102 جاسىندا ومىردەن ءوتتى
باقىت تۇمەنوۆا 1948 جىلى قىزىلوردا قالاسىندا دۇنيەگە كەلگەن. ول سەمەي مەملەكەتتىك مەديتسينا ينستيتۋتىن «پەدياتريا» ماماندىعى بويىنشا تامامداعان. ەڭبەك جولىن دارىگەر بولىپ باستاپ, كەيىن باسشىلىق قىزمەتتەرگە دەيىن كوتەرىلدى.
ول ءتۇرلى جىلدارى اكىمدىك پەن قوعامدىق كەڭەستەردە قىزمەت اتقارىپ, الەۋمەتتىك سالاداعى ماڭىزدى ماسەلەلەرمەن اينالىستى.