قازاقستاندا جەكە سوت ورىنداۋشىلارى ينستيتۋتىن جەتىلدىرۋگە باعىتتالعان زاڭ جوباسى ماقۇلداندى. قۇجات اياسىندا جەكە سوت ورىنداۋشىلارىنىڭ قىزمەتىنە قويىلاتىن تالاپتاردى كۇشەيتۋ جانە ولاردى باقىلاۋ تەتىكتەرىن جەتىلدىرۋ كوزدەلىپ وتىر, دەپ جازادى Egemen.kz.
زاڭ جوباسىنا سايكەس, قولدانىستاعى جەكە سوت ورىنداۋشىلارىن زاڭناما مەن كاسىپتىك ار-نامىس كودەكسىن ءبىلۋ دەڭگەيىن تەكسەرە وتىرىپ اتتەستاتتاۋ ەنگىزىلەدى. بۇل رەتتە قايتا اتتەستاتتاۋدان وتپەۋ ليتسەنزيادان ايىرۋعا نەگىز بولادى.
سونىمەن قاتار كومەكشىلەر مەن تاعىلىمدامادان وتۋشىلەرگە قويىلاتىن تالاپتار قاتاڭداتىلادى. اتاپ ايتقاندا, سوڭعى ءۇش جىل ىشىندە سىبايلاس جەمقورلىق قۇقىق بۇزۋشىلىقتارى ءۇشىن جاۋاپقا تارتىلعان تۇلعالاردى قىزمەتكە جىبەرۋگە شەكتەۋ ەنگىزىلەدى.
اتىراۋدا سوت ورىنداۋشىسى كۇدىككە ءىلىندى
بۇدان بولەك, ادىلەت ورگاندارىنىڭ باقىلاۋ وكىلەتتىكتەرى كەڭەيتىلەدى. ونىڭ ىشىندە بۇزۋشىلىقتاردى جويۋ تۋرالى ۇسىنىستار ەنگىزۋ جانە ولار ورىندالماعان جاعدايدا ليتسەنزيانىڭ قولدانىلۋىن توقتاتا تۇرۋ قۇقىعى قاراستىرىلعان.
تاعى ءبىر ماڭىزدى نورما – ۋاكىلەتتى ورگانداردىڭ سۇراۋ سالۋى بويىنشا جەكە سوت ورىنداۋشىسىنىڭ شوتتارى بويىنشا قاراجات قوزعالىسى تۋرالى مالىمەتتەردى ۇسىنۋ مىندەتى ەنگىزىلەدى. بۇل قارجىلىق اشىقتىقتى ارتتىرۋعا جانە زاڭ تالاپتارىنىڭ ساقتالۋىن قامتاماسىز ەتۋگە باعىتتالعان.
جالپى, قابىلدانعان تۇزەتۋلەر جەكە سوت ورىنداۋشىلارى قىزمەتىنىڭ ساپاسىن ارتتىرىپ, ازاماتتاردىڭ قۇقىقتارىن قورعاۋ تەتىكتەرىن كۇشەيتۋدى كوزدەيدى.
اليمەنت ءوندىرۋ ءىسى: الماتىدا سوت ورىنداۋشىسى 4,2 ملن تەڭگەنى زاڭسىز يەمدەنگەن